Иранскиот министер за надворешни работи, Абас Арагчи, денес потврди дека утре ќе се сретне со своите колеги од Велика Британија, Франција и Германија и со министерот за надворешни работи на ЕУ во Женева, објавија денес иранските државни медиуми.

Тој рече дека состанокот е свикан на барање на три европски земји – Франција, Германија и Велика Британија.

„Утре ќе се сретнеме со европската делегација во Женева“, рече министерот, според соопштението што го пренесе иранската новинска агенција ИРНА.

Средбата ја објави германски дипломатски извор.

Тој вчера изјави дека европските министри првин ќе се сретнат со шефот на европската дипломатија, Каја Калас, во германското постојано претставништво во Женева по што ќе одржат заеднички состанок со својот ирански колега.

Целта на состанокот, кој се одржува во координација со САД, е да ја убеди иранската страна цврсто да гарантира дека ќе ја користи својата нуклеарна програма исклучиво за цивилни цели, додаде изворот.

Иранска балистичка ракета ја погоди основата на облакодер на улицата Јаботински во Рамат Ган, недалеку од центарот на Тел Авив и на речиси 200 метри од центарот за дијаманти во градот.

Според изјавите на мештаните, експлозијата целосно ја уништила пицеријата, а значителна штета претрпеле и постарите станбени згради во околината.

Eastern Tel Aviv suburd of Ramat Gan hit in this mornings Iranian missile barrage causing extensive damage.

This district is home to the Israel Diamond Exchange—the world’s largest diamond trading complex. pic.twitter.com/9akUDKGxC4

— Yama Wolasmal (@YamaWolasmal) June 19, 2025

„Експлозијата ги искрши прозорците во целата населба“, изјавија очевидци.

Нема извештаи за жртви. По шест дена војна, многу жители веќе се навикнати да трчаат во засолништа веднаш штом ќе почнат сирените.

„Како атомска бомба. Како земјотрес“, изјави Ашер Адив (69), жител на блиската зграда, за „Гардијан“. Мајка му била Еврејка од Исфахан, Иран, а Адив пораснал зборувајќи персиски. Тој има силно мислење за тоа што треба да се случи.

„Иранците треба да направат револуција и да го отстранат ајатолахот“, рече Адив.

„Ние не се бориме само за Израел. Ние се бориме за целиот свет. Бараме од Трамп да се вклучи и да го реши проблемот“, рече тој.

Американскиот претседател, кој сега ги разгледува своите воени опции, беше првата тема што ја спомнаа речиси сите собрани на полициската лента, каде што ги гледаа спасувачите меѓу урнатините и скршеното стакло.

Сопругата на Ашер, Ени, имигрантка од Мароко, која пристигнала во Израел во 1969 година, верува дека Израел ќе победи и без помош на САД. „Кажете му на Доналд Трамп да застане со нас. Тој мора да ги бомбардира и да ги уништи нуклеарните капацитети“, рече Ени.

„Ние сме невини цивили, но тие постојано ни се закануваат и велат дека сакаат да нѐ убијат. Немавме избор. Видовме што се случи на 7 октомври“, додаде таа.

„Нашиот народ е силен и издржлив. Ќе продолжиме да се бориме и ќе ставиме крај на иранските нуклеарни постројки – или тие ќе ни стават крај на нас“, рече таа.

Иран ја обвини МААЕ, тело за нуклеарна енергија на Обединетите нации, дека дејствува како партнер во, како што ја нарече, израелската агресивна војна.

Меѓународната агенција за атомска енергија, во извештајот објавен пред почетокот на иранско-израелската војна, изрази жалење поради несоработката на Техеран во следењето на почитувањето на неговите обврски во однос на нуклеарната програма.

„Го изневеривте режимот за неширење на нуклеарното оружје, ја направивте МААЕ партнер во оваа неправедна агресивна војна“, напиша портпаролот на иранското Министерство за надворешни работи, Есмаил Бакаи, во пораката до шефот на агенцијата на ОН, Рафаел Гроси.

Во извештајот што го виде АФП кон крајот на мај МААЕ забележа дека „Иран постојано или не одговорил или не дал технички веродостојни одговори на прашањата на агенцијата и ги исчистил областите попречувајќи ги активностите за верификација на агенцијата на три непријавени локации.

На 12 јуни бордот на директори на агенцијата усвои резолуција со која се осудува Иран за непочитување на неговите нуклеарни обврски, која ја подготвија Лондон, Париз и Берлин во соработка со Вашингтон.

Пред гласањето на телото Иран се закани дека ќе ја намали соработката со МААЕ доколку резолуцијата биде усвоена.

Израелската војска во четвртокот извести дека во текот на ноќта Израел извршил воздушен напад врз иранскиот реактор за тешка вода во областа Арак и го погодил објектот Натанц за кој тврди дека се користи за развој на нуклеарно оружје, објави израелската војска.