Свет
ЕУ подготвува проект за реформирање на СЗО
Европската Унија составила пакет предлози за реформа на Светската здравствена организација (СЗО), предвидувајќи зголемена транспарентност на механизмот за соработка со земјите членки. Ова го објави „Ројтерс“ повикувајќи се на нацрт-документот.
Текстот на документот го подготвила германската влада по консултации со претставниците на другите земји членки на ЕУ, во време на критики за недостиг на транспарентност на податоците обезбедени од СЗО на почетокот на пандемијата во Кина. Документот содржи повеќемесечен „план за решавање на недостатоците на СЗО во финансирање, управување и правно овластување“.
Пакетот сугерира дека СЗО ќе ги преземе неопходните мерки за зголемување на транспарентноста на механизмот за следење на усогласеноста на земјите членки со меѓународните здравствени регулативи. Овие мерки треба да вклучуваат обезбедување брза размена на информации за здравствени итни случаи помеѓу земјите членки.
Документот забележува дека ЕУ го признава СЗО како клучна улога во борбата против здравствените кризи, и покрај постојните слабости на организацијата. Меѓу прашањата споменати во документот, ЕУ забележува недостиг на предвидливо и одржливо финансирање на организацијата и недостиг на транспарентност во нејзината работа како целина.
Дискусијата за проектот од страна на министрите за здравство на ЕУ треба да се одржи во форма на видеоконференција следната недела. Се очекува да биде презентиран подоцна на состанокот на СЗО во средината на ноември.
Германската влада одби да ја коментира содржината на документот во интервју за агенцијата, повикувајќи се на фактот дека конечната верзија сè уште не е доставена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претседателот на Колумбија: Ги раскинуваме дипломатските односи со Израел
Колумбискиот претседател Густаво Петро изјави дека ќе ги прекине дипломатските односи со Израел поради војната во Газа.
Петро претходно силно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.
„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има претседател геноциден“, рече Петро на собир по повод Меѓународниот ден на трудот.
Светот не може да биде слеп пред настаните во Газа, додаде тој.
Во шестмесечната воена операција на Тел Авив загинаа 34.488 Палестинци, а ранети се 77.643, според здравствените власти во Газа. Војната ги расели повеќето од 2,3 милиони жители на Појасот Газа и го уништи најголемиот дел од крајбрежната енклава.
Најавата на Петро за прекин на дипломатските односи со Израел доаѓа во екот на се почестите шпекулации дека Израел наскоро ќе го нападне градот Рафах во јужниот дел на Газа, каде што се засолниле повеќе од милион Палестинци раселени од своите домови.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Свет
Хамас: Одговор за предлогот за примирје и ослободување на заложниците веројатно утре
Водачите на Хамас вечерва рекоа дека го проучуваат предлогот за примирје и ослободување на заложниците што им го претставија египетските посредници и велат дека се надеваат оти ќе го испратат својот одговор до утре, се вели во соопштението на палестинската милитантна група испратена до „Асошиејтед прес“.
Тековната рунда разговори за примирје меѓу Израел и Хамас изгледаат сериозни, но страните се во несогласување за едно клучно прашање – дали војната треба да заврши како дел од договорот, објави „Тајмс оф Израел“.
„Многу веројатно утре, односно четврток, ако даде Господ, посредниците ќе добијат одговор“, соопшти Хамас.
Преговорите меѓу Хамас и Израел, преку посредници како САД, Катар и Египет, траат со недели, а по Париз се водат нови рунди разговори во Каиро.