Свет
(Видео) Вооружени лица упаднаа во универзитетскиот кампус во Кабул
Експлозија и истрели од огнено оружје беа пријавени на универзитетот во Кабул во Авганистан утринава, неколку часа по експлозијата на бомба во градот, пренесува РТ.
„Полицијата го опколи кампусот откако група вооружени лица влегоа во универзитетскиот комплекс“, изјави портпаролот на Министерството за внатрешни работи, Тарик Аријан.
Извори за локалниот канал TOLOnews изјавиле дека имало тројца напаѓачи. Според извештајот, експлозијата и пукањето се случиле кога авганистанските и иранските официјални лица официјално отворале саем на книги заеднички организиран од двете нации.
Video: Scenes from shooting at #Kabul University. #Afghanistan pic.twitter.com/x9lXRbis5t
— TOLOnews (@TOLOnews) November 2, 2020
Каналот објави фотографии од студентите кои се евакуираат од кампусот.
Видео од местото на настанот покажува како луѓето набрзина одат по улицата и потоа бегаат во паника додека се слушаат силни експлозии. Конвој оклопни возила, за кои локалните медиуми велат дека им припаѓаат на „странски сили“, беше снимен како се движи кон Кабул.
Video: A convoy of armored vehicles apparently belonged to foreign forces are heading to #Kabul University after gunmen attack. #Afghanistan pic.twitter.com/0B6pqRcS1o
— TOLOnews (@TOLOnews) November 2, 2020
Портпарол на Министерството за здравство за 1ТВ изјави дека четири лица, вклучително и предавач на универзитетот, биле хоспитализирани. Ниту една милитантна група, вклучително и Талибанците, сè уште не ја презеде одговорноста за нападот.
Претходно изутрината експлодираше бомба во Кабул, ранувајќи еден безбедносен службеник и еден цивил. Минатата недела беше разнесен теренец со експлозив во различен дел од градот, при што беа повредени тројца цивили.
Во септември претставничката на ОН за Авганистан, Дебора Лионс, предупреди за рекордното насилство што се случува низ целата земја, а разговорите меѓу Талибанците и владата во Кабул поддржана од Западот се во застој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.