Свет
Поради огромниот број на поштенски гласови ќе доцнат резултатите од четири клучни американски држави
Во четирите клучни држави за претседателските избори во САД – Пенсилванија, Висконсин, Мичиген и Џорџија – и натаму не се пребројани десетици илјади гласачки ливчиња, поради што резултатите од изборите ќе бидат неизвесни уште некое време.
Избирачките места во некои држави ќе продолжат да ги бројат гласовите, бидејќи огромен број Американци (повеќе од 100 милиони) гласаа по пошта. Гласовите добиени на тој начин се очекува да му дадат предност на Бајден, додека оние што се поднесени на избирачките места, најверојатно ќе бидат во прилог на Трамп.
Трамп и неговите приврзаници постојано повикуваа на брзо пребројување на гласовите за да може името на победникот да биде објавено во изборната ноќ, иако избирачките места имаат право официјално да ги пребројуваат гласовите во рок од неколку дена или дури и неколку недели.
Но, проблемот е во тоа што пребројувањето на гласовите по пошта, во три клучни држави – Мичиген, Пенсилванија и Висконсин – можеше да започне само за време или непосредно пред денот на изборите, пишува Си-ен-ен.
Демократскиот кандидат Џо Бајден повика на трпеливост рано утрово, додека, од друга страна, Трамп на „Твитер“ објави дека демократите се обидуваат да направат изборна кражба со поштенските гласови. Набрзо потоа „Твитер“ постави назнака за предупредување на неговата објава, во која стои дека станува збор за непроверена информација.
Во Пенсилванија, каде на официјалните лица дури вчера им беше дозволенио да започнат со обработка на стотици илјади гласачки ливчиња, окрузите самостојно мораа да донесуваат одлуки за приоритетите при обработката.
Во Филаделфија, до вторникот вечерта беа преброени околу 75.000 од 350.000 гласачки ливчиња.
На брзината на пребројувањето на гласовите на влијае само нивната бројност, туку и некои други непредвидени проблеми. Во Џорџија, на пример, вчера изутрина пукнала цевка во фирма која се наоѓала над гласачкото место во кое се броеле поштенски гласови, па дошло до одложување на процесот, а на некои места се појавил и проблем со софтверот за обработка на податоци, па имало доцнење.
Републиканците веќе поднесоа тужба со која оспоруваат најмалку 1.200 гласачки ливчиња во продемократската област Монтгомери. Имено, тројцата републикански набљудувачи во федералниот суд изјавиле дека биле сведоци на технички потешкотии, по што округот дозволил да се корегира постапката, иако според нив, гласачките ливчиња требало да бидат поништени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кејт Мидлтон миленичка на британската јавност: по популарноста го надмина и принцот Вилијам
Последната анкета на јавното мислење во Велика Британија, објавена денеска, покажа дека принцезата од Велс, Кејт Мидлтон го надмина принцот Вилијам по популарност.
Во истражувањето спроведено од агенцијата за истражување на јавното мислење „Savante for the Independent“, Кејт (42), која моментално се лекува од неодреден облик на рак, ја поддржуваат 62 отсто од испитаниците, додека принцот од Велс (41) е фаворизиран од 61 отсто од британските испитаници.
Принцот Ендру (64), по дружењето со осудениот педофил Џефри Епштајн, е избран за најмалку омилен член на кралското семејство – го поддржуваат само 14 отсто од испитаниците.
Принцот Хари и Меган Маркл, исто така се соочуваат со недостаток на популарност. Хари (39) го поддржуваат само 29 отсто од испитаниците, додека неговата сопруга Меган (42) е уште помалку популарна со само 25 отсто поддршка од испитаниците, пренесува Танјуг.
Свет
ОН: Израелскиот копнен напад врз Рафах може да доведе до масакр
Израелскиот копнеен напад врз Рафах ќе ги доведе во опасност животите на стотици илјади жители на Газа и ќе им нанесе огромен удар на хуманитарните напори низ палестинската енклава, соопшти Канцеларијата на ОН за координација на хуманитарни прашања (OCHA).
Израел се заканува дека ќе изврши копнен напад врз Хамас во Рафах, каде што се засолниле речиси милион луѓе.
„Тоа би можело да биде масакр на цивили и неверојатен удар за хуманитарните операции во целиот појас, бидејќи тие се управуваат претежно од Рафах“, рече портпаролот на OCHA, Јенс Лаерке на брифингот во Женева.
Хуманитарните активности од Рафах вклучуваат медицински клиники и пунктови за дистрибуција на храна и центри за неухранети деца, рече тој.
Претставник на Светската здравствена организација (СЗО) на истиот брифинг изјави дека е подготвен план за копнен напад, кој вклучува нова полска болница, но предупреди дека тоа нема да биде доволно за да се спречат големиот број на жртви.
„Тоа апсолутно нема да спречи значителни дополнителни смртни случаи“, рече Рик Пиперкорн, претставник на СЗО за палестинските територии.
Тој додаде дека е „многу загрижен“ што нападот ќе го затвори граничниот премин Рафах меѓу Појасот Газа и Египет, кој се користи за увоз на лекови и медицинска опрема.
Свет
(Видео) Камион без возач прегази најмалку 29 ученици на фестивал во Киргистан
Камион без возач прегази 29 ученици на фестивал во Киргистан.
Камионот што го користел продавач на сладолед ненадејно тргнал по удолницата и прегазил голем број ученици, од кои многумина биле свртени со грб.
Многумина успеале да побегнат, но 29 лица биле прегазени.
Осумнаесет деца на возраст од девет до 16 години се хоспитализирани, додека кај седум има опасност по живот.
Инцидентот го снимила камерата на дронот која го снимила моментот кога децата го држат големото знаме на Киргистан.
На видеото се гледа како камионот ненадејно се движи по удолницата и минува низ групи деца.
Полицијата покренала истрага, а според една од пријавите, возачот заборавил да ја повлече рачната сопирачка.