Свет
(Видео) Масовна тепачка меѓу приврзаниците на Трамп и левичарите среде Вашингтон
Во саботата на голем протест во Вашингтон дошле илјадници приврзаници на американскиот претседател Доналд Трамп да протестираат против резултатите од изборите, за кои без докази тврдат дека биле украдени. Истото го тврди и Трамп, кој на „Твитер“ напиша дека тој всушност победил, а не Џо Бајден.
Во текот на денот, а особено како што паѓала ноќта, Вашингтон се претвори во бојно поле меѓу приврзаниците на Трамп со традиционални црвени капачиња со слоганот „Направи ја Америка повторно голема“ и милитантните левичари од движењата „Црните животи се важни“ и „Антифа“, традиционално облечени во црно.
All out brawl between Proud Boys and Antifa in the streets of DC. pic.twitter.com/dIp1aNfyGV
— Matthew Miller (@mattmiller757) November 15, 2020
Некои од тие судири беа групни судири, па дојде до масовна тепачка помеѓу крајната десна група „Горди момчиња“ и крајно левото движење „Антифа“. Покрај тупаници, биле користени стапови и палки, биле фрлани шишиња, пиротехнички средства и други проектили.
Moments Ago: Antifa & Proud Boys CLASH in DC pic.twitter.com/SALSSDgUKf
— Tomas Morales (@TomasMorales_iv) November 15, 2020
„Горди момчиња“ се милитантна група на која Трамп во првата дебата со Бајден, наместо да го осуди нивното насилство, им порача да се повлечат и да бидат подготвени, што многумина го толкуваа како подготвени да излезат на улица и да се справат со левичарите по изборите.
Покрај тоа, според „Вашингтон пост“, некои од нив на маиците имале слоган „Stand Back, Stand By“ .
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Атентаторот на словачкиот премиер: Пукав зошто не се согласувам со политиката на владата
На социјалните мрежи е објавено видео на кое се гледа наводниот атентатор и на кое тој зборува за причините поради кои се обидел да го убие словачкиот премиер Роберт Фицо.
„Не се согласувам со политиката на владата“, наводно вели атентаторот на видеото.
#BREAKING 🚨‼️🇸🇰 Video of the assassin of Robert Fico Slovakia Premier. The reason for the assassination is that Fico is allegedly liquidating the media. Incredible statement from the suspect. #Slovakia #Fico pic.twitter.com/lRA4EFPOwG
— The Macro Story (@themacrostory) May 15, 2024
Фицо беше застрелан по состанокот на владата во Хандлова, околу 150 километри североисточно од Братислава. Атентатот се случил кога Фицо отишол меѓу насобраниот народ.
Според информациите, премиерот на Словачка бил застрелан со неколку истрели во градите и стомакот. Со хеликоптер итно бил пренесен во болница и според словачките медиуми состојбата е многу сериозна. Словачката влада објави дека животот на Фицо е во опасност.
Регион
Телото на Светлана Драгијевиќ на обдукција, соседите се сомневаат на срцев удар
Телото на Светлана Драгијевиќ, мајката на осомничениот за убиството на малата Данка, која денеска почина во Злот, е предадено на Службата за судска медицина на болницата Бор каде ќе биде извршена обдукција.
Имала проблеми со срцето и соседите се сомневаат дека се работи за инфаркт.
Од апсењето на нејзините синови Дејан и Далибор, осомничени за убиство на малата Данка и прикривање на злосторството, а подоцна и на нејзиниот сопруг Драгослав, Светлана живее сама и често се жалела на здравствени проблеми.
Таа самата го погреба својот син Далибор, кој почина во притвор на 7 април.
– Слушнавме дека денеска излегла во населбата да побара помош. Прво влегла во двор, па ја преминала улицата до куќата на другите соседи и успеала само да каже: „дај ми чаша вода, не се чувствувам добро“ и се струполила. Луѓето веднаш повикаа брза помош, но ништо не можеа, изјави еден од жителите на Злот, кој не сакал да ја коментира судбината на Драгијевиќ.
Свет
Путин го осуди атентатот на премиерот на Словачка: Пренесете му ги зборовите на најискрената поддршка и желби за брзо и целосно закрепнување
Претседателот на Русија, Владимир Путин, испрати телеграма до претседателката на Словачка и го осуди атентатот на премиерот на Словачка, Роберт Фицo.
Атентатот врз словачкиот премиер Роберт Фицо нема оправдување, тоа е грозоморно злосторство, изјави рускиот претседател Владимир Путин. Во телеграмата што и ја испратил на својата словенечка колешка Зузана Чапутова, тој изразил и желба за опоравување на Фицо, пренесува ТАСС.
„Со огорченост дознав за обидот за убиство на Роберт Фицо, премиерот на Словачка, ова монструозно злосторство не може да има никакво оправдување“, напиша Путин во својата телеграма на веб-страницата на Кремљ и додаде:
„Го познавам Роберт Фицо како храбар и подготвен човек, навистина се надевам дека овие квалитети ќе му помогнат да ја издржи оваа тешка ситуација“, се обрати рускиот лидер и продолжи: „Ве молам пренесете му ги зборовите на најискрената поддршка, исто така и желбите за брзо и целосно закрепнување“.