Свет
Јужна Австралија се затвора поради нагло зголемување на бројот на заразени
Властите на Јужна Австралија најавија воведување на шестдневно затворање поради брзото ширење на коронавирусот и зголемувањето на бројот на новозаразени.
Во последните 24 часа се евидентирани 22 нови случаи на Ковид-19, поради што се воведуваат мерки со кои ќе се ограничи движењето на граѓаните и работењето на деловните субјекти, објави премиерот на државата Јужна Австралија, Стивен Маршал, објави „Ројтерс“.
Шефот на јавната здравствена служба, Никола Суријер, изјави дека формата на вирусот што сега се појави е специфична поради „многу, многу краток период на инкубација“, поточно, ако некое лице дојде во контакт со вирусот, симптомите на „ковида-19“ ќе се појават за само 24 часа или помалку од моментот на инфекција.
За време на шестдневното затворање, на луѓето ќе им биде забрането да ги напуштаат своите домови, освен на едно лице по домаќинство на кое ќе му биде дозволено да оди на шопинг еднаш дневно.
Маските остануваат задолжителни, училиштата, рестораните за брза храна, кафулињата и универзитетите ќе бидат затворени, како и индустријата.
Установите за стари лица и лицата со посебни потреби исто така ќе бидат затворени, ќе бидат забранети свадби и погреби, како и физички активности на јавно место.
Нема нови случаи на Ковид-19 во Јужна Австралија од 31 октомври, а вкупно 551 случај се потврдени во оваа земја од почетокот на пандемијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Евакуација на аеродромот во Москва поради дојава за бомба
Еден од катовите на зградата на аеродромот Внуково во Москва е евакуиран поради закана за бомба, соопшти полицијата.
„Едниот кат е евакуиран. Во тек е проверка и контрола“, се наведува во соопштението и се додава дека евакуацијата не влијаела на функционирањето на аеродромот.
Евакуиран е седмиот кат од зградата на управата на аеродромот.
Неименуван извор изјавил за агенцијата ТАСС дека евакуацијата уследила по закана за бомба.
– Се проверуваат сите простории и канцеларии – изјавил овој извор.
Свет
Хутите истрелаа три проектили на два брода во Црвеното Море: оштетен британски танкер
Американската војска објави дека јеменските бунтовници Хути лансирале три противбродски балистички ракети врз два брода во Црвеното Море, при што лесно е оштетен британски танкер за нафта.
Американската централна команда (CENCOM) преку соопштение на платформата „Х“ соопшти дека е оштетен танкерот со нафта „МВ Андромеда Стар“, како и дека проектил паднал во близина на друг брод „МВ Маиша“, но не го оштетил.
Хутите од ноември минатата година напаѓаат комерцијални бродови во Црвеното Море и Аденскиот Залив со ракети и беспилотни летала како знак на, како што велат, поддршката на палестинската милитантна група Хамас во конфликтот со Израел во Појасот Газа.
Свет
(Фото) Нарачале бифтеци и двојни десерти, испиле 15 шишиња вино и избегале без да ја платат сметката од 380 евра
Италијански ресторан обвини група гости, најверојатно членови на исто семејство, дека си заминале без да си ја платат сметката.
Менаџерот тврди дека нарачале скапи бифтеци, двојни десерти и 15 шишиња вино, а кога дошло време да се платат работите „станале чудни“.
На видеата и фотографиите, кои ресторанот ги објави на Фејсбук, се гледа дека жена, најверојатно мајка, се обидува со картичка да плати сметка од 380 евра.
Плаќањето беше одбиено двапати, а вработените тврдат дека жената рекла дека нејзиниот син ќе ја чека во ресторанот додека таа „тргнала по друга картичка“, пишува Дејли мејл.
Претставниците на ресторанот наведуваат дека таа не се вратила, а и момчето побегнало од местото на настанот.
„Мојот син сакаше да тргне по него, но јас му реков да престане“, изјави менаџерот Тајрон Рис.
Тој додава дека не успеал да стапи во контакт со групата гости бидејќи бројот со кој ја направиле резервацијата бил „лажен“.
Случајот подоцна го пријавил во полиција.