Забава
(Видео) Том и Џери добиваат игран филм и се селат во Њујорк

Едни од најпопуларните ликови на цртаните филмови ќе оживеат на големото платно и ќе ги донесат своите лудории во Големото јаболко.
Класикот за мачката и глушецот, кои постојано се бркаат, добива хибридна филмска форма.
Безвременската приказна за борбата на мачорот Том и глушецот Џери, која со години секој ден влегуваше во нашите домови преку малите екрани, се претвора во хибрид од анимиран и игран филм.
Хибридот веќе се снима, со Тим Стори на режисерскиот стол. Во актерска екипа се Клои Морец, Мајкл Пена, Роб Делејни, Кен Јонг и Колин Џост од „Сатрдеј најт лајф“.
Продукцијата го снима реалниот свет, а Том и Џери ќе бидат додадени со анимација – комбинација што ја видовме во филмот Who framed Roger Rabbit.
Мачката и глушецот нема да имаат гласови, туку нивната интеракција претежно ќе се сведе на физичка комедија. Од „Ворнер брос“, всушост, сакаат да ја тестираат можноста на паралелна работа на екипите на терен и на аниматорите.
Според трејлерот на филмот, со наслов „Том и Џери“, вечните непријатели го селат своето 80-годишно ривалство во хотел во Њујорк, каде што ќе се случи голема свадба.
Некои сцени се познати и личат на оние што веќе сме ги гледале во кратките цртани филмови – како Џери голта цели маслинки или го треска Том со прозорецот. Трејлерот е дефинитивно модерен изглед со нови шеми, но носталгијата останува.
Премиерата на филмот е предвидена за 5 март 2021 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Фото) Џорџ Клуни ја врати својата природна боја на косата: „Изгледав како дилер на дрога“

Џорџ Клуни ги привлече погледите на црвениот тепих на 78-мото доделување на наградите „Тони“ во својот препознатлив стил – со својата природна, седа коса што реши да ја врати по долго време.
Познатиот актер ја доби својата прва номинација за наградата „Тони“ оваа година, благодарение на улогата во бродвејската претстава Good Night, and Good Luck.
Претходно тој ја обои косата во темна боја за да личи на новинарот Едвард Р. Мароу што го играше, но по завршувањето на претставата, реши да се врати на својата природна боја – што особено ја израдува неговата сопруга Амал.
„Мојата сопруга беше најсреќната личност кога се вратив дома и сè ишишав“, рече 64-годишниот Клуни на црвениот тепих.
„Изгледав како дилер на дрога со таа лоша црна боја за коса“, додаде тој.
Забава
Софија Вергара со заводлива фотографија ги воодушеви обожавателите: „Пристигна летото“

Софија Вергара (52) објави заводлива фотографија од себе како се сонча покрај базен на Инстаграм. Таа на шпански во описот напиша „Летото е тука“.
Нејзината објава привлече илјадници обожаватели кои лајкнаа и коментираа, вклучувајќи ја и колешката судијка на „Америка има талент“, Хајди Клум.
„Дојди… и јас го правам истото. Се сончам“, коментираше Клум, на задоволство на нејзините бројни обожаватели.
Софија неодамна беше во центарот на вниманието на медиумите поради нејзината наводна врска со возачот на Формула 1, Луис Хамилтон. Иако беа видени заедно неколку пати, нивната романса, според странските медиуми, не траела долго. Се вели дека Луис го изгубил интересот, а актерката наводно после тоа се чувствувала „напуштено“.
Забава
(Фото) Најпопуларниот маникир на сезоната: нокти со цреши

Кога треба да смислите идеи за вашиот летен маникир, „нокти со цреши“ веројатно не е првото нешто што ви паѓа на ум.
Сепак, ова лето работите се менуваат и ако внимателно ги следите инфлуенсерите на социјалните медиуми или познатите личности како Хејли Бибер и Кортни Кардашијан, ќе забележите дека маникирите инспирирани од цреши се голем тренд ова лето.
Накратко, маникирите со цреши и овошја воопшто се поврзани со чувство на безгрижност и носталгија, без разлика дали станува збор за аутфит (облека, додатоци итн.) или за нашиот маникир. И како и со повеќето трендови, постојат толку многу начини да се усвои трендот на нокти со цреши.
Инстаграм е полн со инспирација за нокти, почнувајќи од класични комбинации како проѕирна основа со мали црвени цреши, до безвременски техники како францускиот маникир, па сè до поуникатни идеи како комбинирање на трендот на нокти со хромирани нокти со цреши.