Свет
Ердоган: Турција е единствена земја од НАТО која се бори против ДАЕШ во Сирија
Турскиот претседател, Реџеп Таип Ердоган, истакна дека Турција е единствена земја членка на НАТО која се бори против терористичката организација ДАЕШ во Сирија, пренесува „Анадолија“.
Ердоган преку видеоврска учествуваше на самитот на лидерите на Г20 одржан во рамките на претседавањето на Саудиска Арабија, каде што говореше за разни актуелни теми. Турскиот претседател се осврна на борбата на Турција против ДАЕШ и рече:
„Ние сме единствена земја членка на НАТО, која се бори против ДАЕШ на првите борбени линии во Сирија“.
Тој исто така рече дека Турција прави сè што може за елиминирање на терористичката закана, за спречување на споровите и за зајакнување на стабилноста.
„И покрај што сме оставени сами, досега фативме околу 9.000 странски терористички борци и ги депортиравме во нивните земји“, додаде Ердоган.
Тој говореше и за бегалците што ги згрижува Турција нагласувајќи дека Турција е земја што згрижила најголем број бегалци во светот во последните шест години.
„Треба да ги зајакнеме финансиските извори за хуманитарна помош за зоните погодени од војна и за заедниците што се во ризик“, додаде тој.
Турскиот претседател се осврна на пандемијата на коронавирусот нагласувајќи дека оваа пандемија уште повеќе ги продлабочува проблемите, пред сè, сиромаштијата и нееднаквоста. Меѓу другото, Ердоган нагласи дека неговата земја активно дава придонес во борбата против климатските промени.
„Додека се води борба против загадувањето на животната средина и против климатските промени, не треба да се дозволи појавување нови неправди и нови двојни стандарди“, рече Ердоган.
Турскиот претседател истакна дека нема шанси да биде успешен еден систем што не му служи на човекот, не му дава спокојство и вредност на човекот и кој не осигурува правда и безбедност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден ги нарече Индија и Јапонија „ксенофобични земји“: Не сакаат мигранти, а тие се она што не прави силни
Американскиот претседател Џозеф Бајден ги нарече Индија и Јапонија „ксенофобични земји“ затоа што не сакаат да примат мигранти.
Тој го рече ова за време на говорот на настанот за собирање средства за неговата изборна кампања, во средата навечер, на донаторска вечера пред публика составена претежно од Азиски Американци., пишуваат тамошните медиуми. Бајден рече дека претстојните избори во САД се за „слобода и демократија“ и дека економијата на земјата напредува поради нив и многу други, „бидејќи САД ги пречекуваат имигрантите“.
„Зошто Јапонија има економски проблеми? Зошто Индија? Затоа што се ксенофобични. Тие не сакаат мигранти, а тие се она што не прави силни, бидејќи имаме прилив на работници кои сакаат да бидат тука и сакаат да придонесат“, додаде американскиот претседател.
На овие зборови на Бајден досега не реагираа ниту јапонската ниту индиската влада.
Свет
Директорката на американското разузнавање: Русија напредува на бојното поле, но војната во Украина нема да заврши наскоро
Директорката на Националната разузнавачка служба на САД, Аврил Хејнс денеска оцени дека војната во Украина нема наскоро да заврши, а развојот на ситуацијата на домашен и меѓународен план е во корист на рускиот претседател Владимир Путин.
Хејнс пред Комитетот за вооружени служби на Сенатот изјави дека Русија ги интензивирала нападите врз украинската инфраструктура за да ја намали способноста на Киев да распоредува војници и оружје, да го забави военото производство и да ја принуди Украина да ги разгледа преговорите.
„Сè поагресивните тактики на Путин против Украина, како што се ударите врз енергетската инфраструктура на Украина, имаат за цел да создадат впечаток во Украина дека продолжувањето на борбата само ќе ја зголеми штетата за Украина и нема да понуди пат до победата“, рече Хејнс.
Говорејќи пред Комитетот за проценка на заканите на САД во 2024 година, таа рече дека „оваа агресивна тактика веројатно ќе продолжи“ и „војната нема да заврши наскоро“.
Хејнс изјави дека Русија напредува на бојното поле и дека нејзините сили наскоро би можеле да направат тактички пробив во Доњецк и Харков, пренесува Танјуг.
Регион
(Видео) Избрана е новата Влада на Србија
Собранието на Србија со 152 гласа ја изгласа новата Влада на премиерот Милош Вучевиќ. Два дена траеше расправата за составот на Владата и нејзиниот план за работа, при што опозицијата го оспори кредибилитетот на Вучевиќ, посочувајќи дека, како и досега, за секоја одлука ќе биде прашан претседателот на државата Александар Вучиќ.
Новата Влада на Србија брои 31 член, од кои една третина се нови имиња во споредба со претходната Влада на чело со Ана Брнабиќ.
Премиерот Вучевиќ претходно изјави дека длабоко верува во историскиот договор меѓу Србите и Бошњаците и рече дека сака добри односи и со Хрватите. Истовремено, тој рече дека нема да ги гради овие односи на штета на сопствените интереси и дека Србија нема да се откаже од традиционалните пријатели.
Посебно внимание предизвикаа двајцата министри кои се под санкции на САД: Александар Вулин ќе биде вицепремиер, а Ненад Поповиќ ќе биде министер без ресор.