Свет
Петмина загинати и 18 повредени во терористички напад во сириски Ал Баб
Пет цивили ги загубија животите, а 18 цивили се повредени при експлозија на автомобил бомба во областа Ал Баб во Северна Сирија, пренесува „Анадолија“.
Бомбата што е детонирана била поставена во возило во центарот на областа Ал Баб, во провинцијата Алепо, која беше исчистена од терористите со турската операција „Штитот на Еуфрат“ во февруари 2017 година.
Според првите процени, во терористичкиот бомбашки напад 5 цивили го загубиле животот, а 18 се повредени. Пожарникарите што пристигнале на местото на настанот интервенираат за да се изгасне пожарот, а ранетите лица се пренесени во болниците во Ал Баб.
Постои загриженост од зголемување на бројот на жртвите. По експлозијата, настаната е голема материјална штета, а голем број возила не се во употреблива состојба.
Локалните безбедносни сили, кои спроведуваат истрага на местото на настанот, ја потенцираат можноста нападот да го извршила терористичката организација ЈПГ/ПКК.
Терористичката организација ЈПГ/ПКК, која под окупација ги држи регионите Тел Рифат и Манбиџ, често организира терористички напади во регионите Ал Баб, Азаз, Џарабулус и Африн.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.