Свет
Џо Бајден ја повредил ногата додека си играл со кучето
Новоизбраниот американски претседател Џо Бајден го повредил глуждот додека си играл со едно од неговите кучиња и лекарот ќе го прегледа со сите мерки на претпазливост.
Бајден се здоби со повреда во саботата и во неделата попладне посети ортопед во Њуарк во државата Делавер, соопшти неговиот кабинет, пренесува АП. Новинарите кои ги следат активностите на новоизбраниот претседател не добија можност да го видат Бајден како влегува во канцеларијата на лекарот, и покрај повеќекратните барања.
Бајден играше со Мејџор, едно од двете семејни кучиња. Тие го посвоија во 2018 година, а првото куче Шампион го имаат од изборите во 2008 година. Бајден изјави дека ќе ги донесат своите кучиња во Белата куќа, а планираат да земат и мачка.
На 78 години, Бајден ќе стане најстариот претседател кога ќе биде инаугуриран во јануари, но тој често ги отфрлаше прашањата за неговата возраст за време на кампањата. Во декември, тој објави медицински извештај во кој се открива дека зема статин за да го одржи нивото на холестерол, но лекарот го опиша како „здрав, енергичен“ и „способен за успешно извршување на должностите на претседател“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.