Свет
Турција: Санкциите се голема грешка, ќе возвратиме
Турција ја осуди како голема грешка одлуката на САД да воведат санкции против неа поради набавката на рускиот ракетен систем С-400.
Анкара најави дека ќе му возврати на Вашингтон на начин на кој смета дека е неопходен, бидејќи повеќепати ги повикуваше САД да го решат ова прашање преку дијалог.
Министерството за надворешни работи на Турција ги повика САД, инаку сојузник на НАТО во Анкара, да ја сменат оваа неправедна одлука, што може да им наштети на билатералните односи меѓу двете земји.
Министерството смета дека одлуката за воведување санкции е необјаснива откако Вашингтон постојано ја одбиваше понудата на Анкара за формирање заедничка работна група, пренесува „Ројтерс“.
САД вчера воведоа санкции против турскиот Секретаријат за одбранбена индустрија, неговиот директор Исмаил Демир, како и некои други вработени поради набавка на рускиот ракетен систем С-400, објави Министерството за финансии на САД.
Санкциите вклучуваат забрана за добивање дозвола за извоз во САД, како и замрзнување на имотот и ограничување на визите за директорот Демир и уште тројца вработени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Вирусот на птичји грип е пронајден во говедско месо во САД
Вирусот на птичји грип е пронајден во говедско месо во САД, но официјални лица изјавија дека месото потекнува од една болна млечна крава и дека не било дозволено да се најде во продавниците во земјата, соопшти американското Министерство за земјоделство.
Надлежните прецизираат дека говедското месо останува погодно за консумирање.
Министерството соопшти дека вирусот бил откриен за време на тестирањето на 96 млечни крави кои биле извадени од производната линија бидејќи федералните инспектори забележале знаци на болеста при рутински прегледи на трупови во погоните за преработка на месо. Птичји грип е пронајден само кај една од овие крави.
Птичјиот грип е пронајден во стадата млечни говеда во девет држави, откриен е во млеко и предизвика уништување на милиони кокошки и мисирки. Сепак, неговото откритие во говедско месо е новост за епидемијата што започна во 2022 година.
Регион
Состојбата на словачкиот премиер Фицо се подобрува
Лекарскиот тим, што се грижи за словачкиот премиер Роберт Фицо, по минатонеделниот атентат денеска потврди дека неговата состојба е субјективно подобрена, соопшти прес-службата на словачката Влада.
Фицо се лекува во болницата „Рузвелт“ во Банска Бистрица.
Тој беше застрелан минатата среда од 71-годишниот писател Јурај Цинтула, кој веднаш беше приведен од полицијата.
Регион
Лоцирани се остатоците од авионот што се урна во близина на Загреб
Лоцирани се остатоците од авионот што се урна попладнево во близина на Загреб. Неофицијално се дознава дека три лица преживеале, додека едно лице починало, јавува 24сата.
„Денеска во 15 часот и 51 минути е добиена дојава за пад на мал спортски авион во шумата јужно од Керестинац. Полициски службеници излегоа на терен, се укажува помош на повредените, местото на настанот е обезбедено“, соопштија од полицијата.
Авион од типот „Цесна“ кој се користел за скокови со падобран, се урна попладнево во близина на Загреб. Според неофицијални информации, во него имало четворица членови на екипажот.
Најверојатно се работи за спортски, тренинг или туристички авион кој се урнал во недалеку од пистата во загрепската населба Јеждовец.