Македонија
Засадени над 15 илјади садници на повеќе локации во Скопје
Град Скопје и ЈП „Паркови и зеленило“ во есенското раззеленување на Скопје и уредување нови зелени површини, засадија над 15.000 висококвалитени садници на повеќе локации во сите скопски општини. Град Скопје согласно со новите стандарди на квалитет продолжи со подигнување нови дрвореди со квалитетни дрвја со просечна висина од околу 5,5 метри коишто веднаш ќе се вклопат во екосистемот на нашиот град, толку потребно за прочистување на воздухот.
Со висококвалитетни листопадни и зимзелени дрвја, како и декоративни садници, разубавени се градските булевари и улици (8 Септември, Х.Т Карпош, Босна и Херцеговина, АСНОМ, Никола Карев, Илинден, Втора македонска бригада, Февруарски поход, Трета македонска бригада, Гоце Делчев, 11 Октомври, Кружниот тек во Чаир и други).
Значајно е да се нагласи дека нови квалитетни дрвореди се засадени во новите паркови во Мичурин и во Кисела Вода, простори што беа повеќедецениски диви депонии.
Есенското раззеленување периодов се одвива секојдневно низ цело Скопје, со голема разлика во квалитетот на дрвјата во споредба со минатото. Како дел од акцијата се подигнуваат нови дрвореди и се дополнуваат постоечките во градските паркови, се обновува средишното булеварско зеленило, а се уредуваат и нови зелени површини, како и мали зелени плоштади, а некогашните депонии стануваат паркови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Николоски: Власта размислува за поткуп на гласачи
Потпретседателот на ВМРО-ДПМНЕ и носител на изборна единица 4, Александар Николоски, денеска рече дека власта размислува за поткуп на гласачи на изборите закажани за 8 мај.
„Ја гледаме паниката во власта, особено во политичката партија ДУИ, слушаме дека веќе интензивно размислуваат за поткуп на гласачи, да им кажам дека тоа е недозволиво, дека е законски казниво дело и дека одговорност ќе има. Да не помислуваат на таква работа, нашата цел е јасна што поголема поддршка за СДС и ДУИ да одат во опозицијата. И ние сме убедени дека граѓаните ќе ни дадат огромна поддршка за да го реализираме ова, се со цел после тоа да воведеме функционален систем на правото, економски да ја развиваме Македонија, да ги подобруваме условите во образованието, во здравството, пензиите да растат, а младите да имаат подобра иднина во Македонија“, изјави Николоски.
Тој денеска е во посета на општините Гевгелија, Валандово и Неготино.
Македонија
Трипуновски: Извршивме порибување на рекреативната зона акумулацијата Градче со 185кг подмладок на крап
Дополнителниот заменик министер за земјоделство, шумарство и водостопанство Цветан Трипуновски денеска е во работна посета на Кочанскиот регион и општина Чешиново-Облешево каде што оствари повеќе средби со земјоделците од овој регион, но исто така изврши и порибување на акумулацијата Градче.
Денеска заедно со пратениците, градоначалникот и концесионерот извршивме порибување на акумулацијата Градче со 185 килограми подмладок на крап. Подмладокот е обезбеден од репро центарот Акватика и истиот поседува здравствен сертификат, порибувањето се изврши во присуство на инспектор од Државниот инспекторат за земјоделство. – изјави Трипуновски.
Порибувањето се врши се со цел одржување на рибниот фонд во акумулациите ширум територијата на Република Македонија и овозможува одржување на водниот свет како и можност за рекреативен риболов.
Зачувување на рибниот фонд во Република Македонија е еден од приоритетите на ВМРО-ДПМНЕ и во иднина ќе извршиме порибување и на останатите акумулации за да го зачуваме еко системот и рибниот фонд во Република Македонија.
Македонија
Лукаревска: СДСМ има луѓе кои никогаш нема да отстапат од социјалдемократските вредности за слобода, правда, еднаквост и просперитет
“Денеска е 27 април, точно седум години од “крвавиот четврток” во македонското собрание. Слободата и демократијата што ја имаме и живееме во изминатите седум години имаат своја цена. Сите големи успеси на СДСМ и на сите прогресивни граѓани имаат висока цена, ама вредеше, некои работи не смеат да се заборават, за да не се повторат. Затоа ние остануваме со граѓаните, со сите вас кои што верувате во единствениот исправен пат за државата, во членството во Европската Унија како најцврста гаранција за сигурна и безбедна иднина. Само заедно можеме да ја оствариме таа цел, зашто е наша, заедничка”, изјави носителката во третата изборна единица, Сања Лукаревска.
Лукаревска истакна дека СДСМ е голема, силна партија, која што секогаш донесувала правилни одлуки за сигурна иднина на државата.
“Никогаш нема да се откажеме од нашите социјал- демократски вредности за слобода, правда, еднаквост и просперитет за сите граѓани, без поделби и раздор, без крвави сценарија. Ние веруваме во заедничка, подобра, европска иднина за сите граѓани. И на 8 мај, и по 8 мај, ќе покажеме и докажеме дека СДСМ има луѓе кои никогаш нема да отстапат од нашите вредности, ги браневме и ќе продолжиме со истата посветеност, за нас нема друг пат. Да продолжиме заедно, да покажеме одлучност, можеме, како и пред седум години, заедно со сите прогресивни граѓани за сигурна и безбедна иднина”