Свет
Гинзбург: „Спутник 5“ без несакани ефекти кај 85 отсто од волонтерите
Александар Гинзбург, директор на рускиот Научен истражувачки институт за епидемиологија и микробиологија „Гамалеја“, изјави дека 85 отсто од волонтерите што примиле вакцина „Спутник 5“ немале никакви несакани ефекти, пренесува ТАСС.
Три фази на клинички испитувања на вакцината „спутник 5“ покажуваат дека не се забележани несакани ефекти кај 85 отсто од волонтерите, рече Гинзбург на прес-конференција во Москва.
Директорот на Институтот „Гамалеја“ рече дека 15 отсто од вакцинираните волонтери развиле црвенило на местото на инјектирање и лесна главоболка, која поминала во рок од 24 часа.
Најнепријатниот несакан ефект што едно лице може да го развие по приемот на вакцината е температура до 38 степени за два дена, што може да се третира со една таблета „парацетамол“, објасни Гинзбург.
„Спутник 5“ е првата регистрирана вакцина против коронавирус во светот. Регистрацијата беше извршена на 11 август, а првите испитувања што следуваа почнаа во Москва на 7 септември. Два дена подоцна првиот волонтер ја прими вакцината. Клиничките испитувања опфатија вкупно 40.000 луѓе, од кои 10.000, наместо вакцина, примија плацебо.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.