Свет
Трамп одбива да го потпише пакетот за помош на населението
Претседателот на САД, Доналд Трамп, засега одбива да го потпише пакетот за помош за Американците погодени од пандемијата. Тој повтори дека сака финансиската помош „да се зголеми од мизерни 600 на 2.000 американски долари“.
Конгресот го одобри пакетот помош за „Ковид-19“ вреден повеќе од 900 милијарди долари, но Трамп ја блокираше таа одлука. Тој го нарече законот „срамен“ и побара да се зголеми износот на помошта за Американците.
„Јас само сакам да им обезбедам на нашите големи луѓе 2.000 американски долари, а не мизерни 600 американски долари што сега стојат во законот“, напиша на „Твитер“ американскиот претседател во заминување.
Одбивањето на републиканскиот претседател да го стори тоа е неодговорно и ќе има „катастрофални последици“, рече Бајден во саботата. Во случај Трамп да не го потпише пакетот веднаш, околу 10 милиони Американци би ги изгубиле бенефициите за невработеност, предупреди Бајден.
Демократот уште еднаш го повика републиканецот да го потпише законот за пакетот помош за загрозените од пандемијата, кој беше изгласан од Конгресот со поддршка на републиканците и демократите.
Почетокот на јануари е официјалниот рок до кога Трамп може да го потпише законот или да стави вето.
„Владините финансии завршуваат за само неколку дена, со што се доведуваат во прашање и платите за воениот персонал“, предупреди Бајден.
По инаугурацијата што ќе се одржи на 20 јануари, Бајден има намера да се заложи за уште еден пакет стимулации за спречување на пандемијата и зајакнување на економијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најден е урнатиот хеликоптер во кој се наоѓал иранскиот претседател Раиси
Спасувачки тим вечерва го пронашол урнатиот хеликоптер во кој се наоѓал иранскиот претседател Ебрахим Раиси, објави иранската државна телевизија.
Агенцијата ИРНА наведува дека е објавена точната локација каде се урнал хеликоптерот во областа меѓу Ардешир и Бразин во Варзеган.
Хеликоптерот со иранскиот претседател Ебрахим Раиси имал инцидент при слетувањето во Источен Азербејџан.
Областа е карпеста, маглива и врнежлива, а овие услови многу ја отежнаа потрагата.
Хеликоптерот со иранскиот претседател Ебрахим Раиси денес доживеа „тешко слетување“.
Свет
Израел: Демонстрантите бараат итен договор за заложниците, се обрати Хилари Клинтон
Илјадници активисти се собраа во центарот на Тел Авив барајќи предвремени избори и итен договор за ослободување на израелските заложници во Појасот Газа, а поранешната американска секретарка Хилари Клинтон им се обрати на демонстрантите преку видео врска. Треба да преземете итна акција за да ги вратите дома“, рече Клинтон, пренесува Танјуг.
Амбасадорот на САД во Израел, Џек Лу, рекол дека САД ги продолжуваат преговорите за враќање на заложниците, пишува The Times of Israel. Демонстрантите го блокираа автопатот Ајалон и запалија огнови, барајќи итен договор за ослободување на заложниците од Газа.
Бидејќи демонстрантите одбија да се разотидат по завршувањето на одобрениот митинг, полицијата го прогласи протестот за незаконски и интервенираше за деблокирање на автопатот.Полицијата соопшти дека уапсила осомничен за нарушување на редот на антивладините протести во Тел Авив.
Околу 200 демонстранти излегоа на одделни протести во Ерусалим, кои се одржаа во близина на Кнесетот.
Регион
Поставен рекорд во центарот на Белград: 1.000 гитаристи свиреа истовремено
Концертот на „Guitar Art“ денеска собра 1.000 гитаристи на плоштад во Белград, кои поставија национален рекорд во присуство на инструменталисти кои свират на гитара и слични инструменти, пренесе српска „Политика“.
Концертот „1.000 гитари“ ги привлече пред се во центарот на Белград најмладите гитаристи и нивните учители, но заедно свиреа цели семејства, составени од три генерации: дедо, татко и син…
Имаше мајки и ќерки кои „замавнаа“ со белградскиот блуз квартет и специјалните гости на концертот, меѓу кои Дејан Цукиќ, Ју групата, Кики Лесендриќ и Пилотите, Срѓан Гојковиќ Гиле, Бојана Стаменов, Никола Чутурило – Чутура. „Ова е конечно моментот кога барем на еден час ги заменуваме силиконите за витамини на ’Трг Републике’. Ова е сеќавање на мојата младост и почетоци во рокенролот. Среќен сум“, изјави Никола Чутурило Чутура за Танјуг.
За неколку минути неколку илјади љубопитни луѓе се собраа на плоштадот да уживаат во првокласен музички настан.