Регион
Хрватски геофизичар: Не е исклучено во наредните денови да се случи уште посилен земјотрес
Јосип Стипчевиќ, геофизичар од Природно-математичкиот факултет во Загреб, објави пост на „Фејсбук“ за вчерашниот разорен земјотрес во Хрватска.
Во него, тој се обиде да објасни која е причината за вчерашниот земјотрес со јачина од 6,2 степени, што предизвика огромна штета во Петриња, Сисак и околните места, пренесува Индекс.хр.
„Додека ги гледаме напорите на спасувачите во Петриња и неговата околина, ќе се обидам да објаснам нешто во врска со земјотресите што се случија во таа област.Главната причина за земјотресите денес и вчера е далеку од локацијата на земјотресот, поточно во јадранската област. Јадранската област е мала тектонска плоча која некогаш била дел од голема африканска плоча од која се одвојувала пред милиони години.
Оваа ’наша’ мала плоча се нарекува Јадран и нејзиното движење и интеракција со Европа е причина за земјотресите во Хрватска, Италија, Босна и Херцеговина, Словенија и сите околни области. Влијанието на оваа интеракција е највидливо во областите по должина на јадранскиот брег каде што планинските масиви јасно ги означуваат границите на Јадранот во однос на другите тектонски плочи. Исто така, најсилните земјотреси се случуваат во областите каде што се допираат различни плочи, но тој удар не е ограничен само на тие тесни зони, туку е делумно пренесен во поширокиот регион.
Исто така е важно да се погледне необичниот редослед на настаните во оваа шокантна серија. Иако се надевавме дека вчера се случи главниот земјотрес, се покажа дека, за жал, само му претходи на денешниот посилен земјотрес. Се разбира, можно е да се случи уште посилен удар во наредните денови, иако тоа е многу малку веројатно. Она што засега е сигурно е дека ќе има многу повеќе последователни потреси, од кои некои ќе бидат доста силни и може да предизвикаат дополнителна штета. Денешниот земјотрес и неговите катастрофални последици ќе имаат некаква корист. Ќе научиме многу од досегашните земјотреси и од оние што ќе се случат во наредните денови и недели, а тоа ќе овозможи спречување на разорните последици од идните земјотреси во Хрватска “, напиша геофизичарот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ужас во Загреб: пронајдено тело во автомобил во одводен канал
Граѓани попладнево во одводен канал во Загреб пронашле возило со тело на непознато лице, соопшти полицијата.
Повикот во полиција стигнал нешто по 13 часот.
Полицијата набрзо пристигнала на локацијата меѓу Антуновац и Тења и потврдила дека лицето во возилото починало, пишува Вечерњи лист.
Истрагата е во тек.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.