Регион
Северен Кипар ги повикува кипарските Грци да се согласат на разговори
Претседателот на кипарските Турци, Ерсин Татар, во саботата го повика претседателот на кипарските Грци, Никос Анастасијадес, да одговори позитивно на повиците за дијалог и да го реши кипарското прашање, пренесува „Мидл Ист монитор“.
Во изјавата на Татар се вели дека Анастасијадес верува оти решението за две држави е реално, меѓутоа поради големиот притисок од Православната црква, Прогресивната работничка партија, Националниот народен фронт и други елементи, Анастасијадес е принуден да им се врати на старите политики.
Татар истакна дека неговата земја го поддржува решението за две држави засновано на еднаков суверенитет додавајќи:
„За доброто на нашата држава, за слободата на нашиот народ и за нивните животи во безбедност, повикуваме на решение засновано на концептот на две држави“.
Островот Кипар е поделен на влада на кипарските Турци на север и администрација на кипарските Грци на југот од воениот удар во 1974 година за анексија на Кипар кон Грција. Со текот на годините имаше неколку обиди за решавање на кипарскиот спор, но тие повеќепати не успеваа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.
Регион
Земјотрес од 4,3 степени утрово во Србија
Утрово земјотрес со јачина од 4,3 степени според Рихтеровата скала е регистриран во регионот на Кладово, соопшти Републичкиот сеизмолошки завод.
Земјотресите со ваков интензитет можат да предизвикаат помали оштетувања на зградите во епицентралното подрачје, јавуваат српските медиуми.
Засега нема извештаи за евентуална штета.
Регион
Обвинителството бара продолжување на притворот на осомничените за убиството на двегодишната Данка
Вишото јавно обвинителство во Заечар му предложило на судот продолжување на притворот на Срѓан Ј. и Дејан Д., осомничени за убиството на двегодишното девојче Данка Илиќ за уште 30 дена.
Осомничените се во притвор од 6 април поради ризик од бегство, можност за влијание врз сведоци и уништување или отстранување на трагите на делото, како и вознемирување на јавноста.
Во притвор е и таткото на Дејан Д. под сомнение дека му помогнал на синот да го премести телото на девојчето.
Полицијата по 10-дневна потрага и детална проверка на сите трагови и информации, ги уапси С.Ј и Д.Д. за кои се сомнева дека девојчето го удриле со автомобил а пото нејзиното тело го ставиле во багажникот на колата и го однеле на депонија.
Телото на девојчето кое исчезна на 26 март во Бањско Поље кај Бор се уште не е пронајдено.