Свет
Лекар од Арканзас отпишал 650.000 долари долг на пациенти болни од рак
Добродушен лекар од Арканзас им отпишал 650.000 долари долг на пациенти болни од рак.
Д-р Омар Атик испратил честитки за празниците на адресите на речиси 200 пациенти болни од рак пишувајќи дека им се простени долговите во неговиот центар за третман на карцином, пишува „Арканзас демократ газета“.
Центарот работел 20-ина години, но морало да се затвори во февруари 2020 година поради недостиг на персонал.
„Клиниката се откажува од сè што нејзините пациенти должат. Мислевме дека нема подобро време за тоа од празниците“, се вели во соопштението.
Но, не биле сите изненадени од гестот.
„Да го знаевте д-р Атика, оваа одлука немаше да биде толку чудна. Тој е еден од најпаметните лекари што некогаш сум ги сретнал, но исто така е и еден од најчувствителните“, изјавил Дејвид Ротен, извршен потпретседател на медицинското друштво во Арканзас.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во поплавите во Бразил загинаа осум лица, а 21 се исчезнати
Осум лица загинаа, а 21 се водат како исчезнати во поплавите предизвикани од обилните дождови во државата Рио Гранде до Сул во јужен Бразил.
Над 1.400 жители се раселени поради невремето што доведе до пораст на нивото на водата и поплави во 104 општини, пренесува Ројтерс.
Гувернерот Едуардо Леите изјави дека државата работи на пронаоѓање на исчезнати лица и за обезбедување на безбедноста на оние во загрозените области.
Свет
Лидерот на ИСИС убиен во операција во пограничниот регион на Мали
Водачот на една од групите поврзани со Исламската држава, Абу Худајфа, е убиен во операција во пограничниот регион кој опфаќа делови од Мали, Буркина Фасо и Нигер.
Неутрализацијата на терористичкиот функционер беше извршена за време на голема операција во Липтак, триграничен регион кој опфаќа делови од Мали, Буркина Фасо и Нигер, соопштија властите на Мали.
Во соопштението се потсетува дека лидер на ИСИС учествувал во нападот на Нигер во 2017 година, што резултираше со убиство на четири американски Зелени беретки и четворица нигериски војници, вклучително и еден преведувач.
Свет
Евакуирани туристи во Кенија поради поплави, 170 загинати од март
Туристи беа евакуирани од десетици хотели, апартмани и кампови откако пукнаа браните во Националниот резерват Масаи Мара поради поплавите во кои загинаа повеќе од 170 луѓе низ Кенија од почетокот на сезоната на дождови во средината на март.
Црвениот крст на Кенија соопшти дека спасил 61 лице од резерватот, кој е популарна туристичка дестинација за годишната миграција на диви пчели од Серенгети во Танзанија, пренесува Асошиетед прес.
Метеоролошкиот оддел на Кенија предупреди дека ќе очекуваат нови дождови оваа недела, откако во понеделникот пукна брана во градот Маи Махи во округот Накуру, при што загинаа 48 луѓе, а над 80 се водат како исчезнати.