Движењето ЗНАМ – За наша Македонија денеска на прес конференција зборуваше за животната средина. Нешто што, како што рекоа, е поважно од сите нас во Куманово.

„Таа е заеднички дом за сите нас. Дишеме ист воздух, делиме ист простор и одговорни сме за истата иднина – затоа мораме заеднички да ја чуваме, нејзиното штитење е голем предизвик за сите нас. Предизвик кој сме должни да го надминеме и да го реализираме во целост“, рече кандидатот за советник од советничката листа на ЗНАМ Тамара Тренчевска.

Нашата цел, додаде таа, е да ја подигнеме еколошка свест и да создадеме зелена и чиста Општина, во која секој граѓанин ќе има можност за здрав живот.

Тренчевска ги наведе приритетните проекти што се предвидени во програмата: поставување на соларни панели на јавни објекти, установи и институции и енергетско ефикасни фасади, интегриран систем за селекција, сепарација, транспорт и преработка на отпад, дигитална контрола и мониторинг за регулирање на бучава во угостителски објекти, видеонадзор на јавни површини и точки од јавен интерес за заштита на имот и животна средина, ширење на секундарна дистрибутивна гасоводна мрежа со фокус на јавни објекти, индустриски капацитети (с. Добрашане, нас. Карпош, индустриска зона Новини и Речица), колективни станбени згради и домаќинства, намалување на цената за приклучок на гасоводна мрежа, зајакнување на капацитетите на Сектор за инспекциски надзор во Општината, зајакнување на капацитетите на ЈП „Чистота и зеленило“ и зголемување на буџетот за одржување на хигиенатам, зголемен интензитет на перење на улици и плоштади, замена на сите постојни надземни контејнери во централно подрачје со полуподземни контејнери, поставување на дополнителни контејнери за селекција на отпад, нови контејнери на локации каде што има потреба, поголем број мали корпи за отпадоци на јавни површини со висока фреквенција, зголемена инспекциска контрола на критични подрачја и речни корита, континуирано чистење на речните корита во градот, зголемена едукација за екологија на учениците од најрана возраст, продолжување на Субвенции за користење на клима уреди, кампањи за подигнување на јавната свест за заштита на животната средина со поддршка на НВО, активизам и волонтерски организации и поставување мерни станици за квалитет на воздух на повеќе клучни локации.

Претседателот на СДСМ, Венко Филипче, изјави дека спиновите и лагите со кои се служи премиерот и ВМРО-ДПМНЕ изминатиот период се резултат на целосна безидејност и обид да се сокрие неспособноста на власта да испорача резултати.

„Спиновите и лагите со кои што се служи премиерот и ВМРО-ДПМНЕ изминатиот период се резултат на една целосна безидејност што друго да направат. Немаат што да прикажат, немаат сериозен проект се вадат и како алиби го кажуваат тоа дека за некои работи биле потребни децении,“ рече Филипче.

Тој нагласи дека власта бара оправдување затоа што граѓаните гледаат дека нема ништо реализирано, за разлика од конкретните резултати што ги постигна СДСМ во својот мандат.

„Соочени се со тоа што ние го кажуваме што ние сме направиле во нашиот мандат за само година или две. И ако ние сме можеле за две години да ги зголемиме платите на лекарите, да почне зголемувањето на минималната плата која до крајот на мандатот е дуплирана. Платите на докторите до крајот на мандатот за 2,5 пати некаде зголемени, ако сме можеле за само два години од мандатот Социјалната помош да ја зголемиме за 300%, ако сме можеле за само две години да ги решивме 30 -годишните отворени стечајците, тие да се целосно обештетени, зошто тогаш ВМРО-ДПМНЕ бара некакво алиби за тоа дека за некои работи требале децении? Не е тоа вистината. Вистината е дека немаат ниту капацитет, ниту волја, ниту визија како да ја водат државата напред,“ истакна Филипче.

Претседателот на СДСМ додаде дека ваквото однесување станало постојана пракса на власта:

„И во таква ситуација се што прават, спинуваат. Куфери со пари, предавства, поделба на граѓаните. И тоа е нешто што го прават во континуитет, тоа не е нешто ново. Тие, исто како и ланската кампања, и сега ја тераат кампањата. Ама сега водат државата, имаат одговорности, мораа да покажат резултати. Граѓаните гледаат дека нема никаква испорака, се намалуваат платите, се скратија пензиите, просечната плата паѓа 3 месец поред,“ рече Филипче.

„Ппензионерите наместо 1000 денари зголемување, требаше да имаат 2000, ако го продолжеа нашиот систем на зголемување на пензиите со методологијата, они се одлучија за линарно зголемување. И сега парите се скратија. Предупредувавме дека така ќе биде,“ изјави Филипче.

На крајот, тој упати критика за, како што кажа, неконтролираниот раст на цените и неактивноста на Владата:

„Цените се надвор од контрола. Никој не ги контролира цените во маркетите. А има владата механизам да го направи тоа. Ниту една добра мерка која ќе предложиме не ја подржаа. Во таква ситуација барат предавници, го делат народот, а државата стагнира,“ порача претседателот на СДСМ Венко Филипче.

Центар не е само општина – тоа е дух, приказна и начин на живот, порача кандидатот за градоначалник на Општина Центар од Движењето ЗНАМ – За наша Македонија, Мирослав Лабудовиќ, во својата денешна изјава.

Лабудовиќ истакна дека целта е да се врати вистинскиот маалски дух кој некогаш го правел Центар жив, топол и полн со енергија.

„Центар мора повторно да ги разбуди своите маала – местата каде што луѓето се поздравуваа со насмевка, каде што се седеше на клупа под липа, каде што се делеше и радост и мака. Денес тој дух е загубен меѓу бетон, сообраќаен метеж и бучава. Моја визија е повторно да го оживееме маалскиот живот – да создадеме средина каде што секој граѓанин ќе се чувствува спокојно, безбедно и гордо што живее токму овде“, истакна Лабудовиќ.

„Затоа, ќе ги уредиме и осветлиме запуштените зелените катчиња и детските игралишта во Капиштец и ќе ја обновиме уништената урбана опрема. Во Дебар Маало ќе создадеме нови пешачки зони и велосипедски патеки, а се разбира ќе има и повеќе паркинг простор и слободни тротоари.. Во Буњаковец ќе има нова катна гаража која ќе ги ослободи улиците. Во Градски ѕид ќе ги обновиме плочниците и ќе засадиме нови дрвја. И, многу други нешта во сите центарски маала“, истакна Лабудовиќ.

Тој додаде дека обновата на Центар не значи само изградба и инфраструктура – туку обновување на човечките вредности: довербата, солидарноста и заедништвото.

„Со ревитализација на старите маала, со зачувување на она што е дел од нашето секојдневие и создавање нови јавни простори – ќе им го вратиме на центарци она што најмногу им недостига: блискоста, припадноста и човечката топлина. Секое маало ќе биде мало срце на нашата општина – пулсот на едно современо, но топло Скопје“, нагласи Лабудовиќ.

Кандидатот за градоначалник порача дека центарци отсекогаш знаеле што е вистинска вредност.