Милиони украински бегалци во ЕУ би можеле да го изгубат статусот на бегалци бидејќи не постои јасен план што би им овозможил да останат по воспоставувањето на примирјето со Русија.

Од почетокот на руската инвазија во февруари 2022 година, директивата за привремена заштита на ЕУ стана правна поддршка за речиси 4,3 милиони Украинци. Оваа директива им овозможува на Украинците да добијат право на работа и пристап до услуги, при што повеќето од нив се населуваат во Полска, Германија, Чешка и Словачка.

Меѓутоа, како што напредуваат преговорите за примирјето, оваа бегалска мрежа би можела да биде нарушена, наведува „Украинска Правда“.

Прекинот на огнот може да ја промени ситуацијата преку ноќ, принудувајќи ги земјите домаќини да одлучат дали да ја повлечат заштитата, да инсистираат на интеграција или да бараат да ги вратат бегалците дома.

Минатата година ЕУ ја продолжи заштитата на бегалците до април 2026 година, но секое идно продолжување ќе биде на годишно ниво, анализира медиумот.

Секоја земја на ЕУ ја толкува директивата во своето национално законодавство на различен начин, што значи дека Украинците се третираат различно во зависност од тоа каде се населиле.

Европската комисија почна да ги разгледува следните чекори, вклучително и продолжување на привремената заштита, помагање на луѓето да преминат кон национален статус за работа, студирање или обединување на семејството, како и поддршка за оние кои ќе одлучат да се вратат во Украина.

Според „Јуроактива“, ЕУ ќе го разгледа ова прашање на следниот состанок на Советот на министри за внатрешни работи во јули.

Белата куќа се најде на удар на критики по објавувањето на видеото на кое се гледа депортацијата на илегалните мигранти со текстот „На, на, на, на, на, на, на, на, еј, еј збогум“ во заднина.

Видеото беше објавено вчера, а многу бргу предизвика бран негодувања на социјалните мрежи. Многу корисници го нарекоа дехуманизирање.

Не е првпат администрацијата на Трамп да меша депортации со поп-музика. Белата куќа пред неколку недели сподели уште едно видео. Текстот на песната е цитиран заедно со видеото, што е очигледна референција за затворање и заминување.

 

View this post on Instagram

 

A post shared by The White House (@whitehouse)

Но, членовите на бендот воопшто не биле задоволни од ваквата интерпретација на нивната музика. Бендот објави официјално соопштение во кое ја осудува употребата на нивната песна без дозвола и јасна порака до тимот на Трамп.

„Ние на кој било начин не ја одобривме употребата на нашата песна ‘Клосин тајм’“, напишаа „Семисоник“.

„Не нè ни прашаа. Песната е за радоста, за можностите и за надежта и целосно ја промашиле поентата“, додаваат тие.

Нивниот одговор бргу се прошири на социјалните мрежи и беше прегледан повеќе од седум милиони пати, со коментари за поддршка од многубројни фанови и музички колеги.

Многумина предложија бендот да поднесе тужба. Сепак, се чини дека тоа нема да се случи. Имено, Ден Вилсон, фронтмен и главен автор на песната, го продаде целиот свој музички каталог во 2021 година на „Прајмари вејв мјузик паближинг“. Тоа значи дека тие сега ги имаат правата на сите песни, вклучувајќи ја и „Клосинг тајм“, и на тој начин одлучуваат за можните правни чекори.

Заканите и притисокот не се начин за справување со Кина, изјави портпаролот на нејзиното Министерство за надворешни работи опишувајќи ги тарифите што ѝ ги воведе американскиот претседател Доналд Трамп како навредливи.

Тарифите се „типичен унилатерализам и протекционизам, економска злоупотреба“, рече Лин Џијан за време на редовната прес-конференција. Тој додаде дека американските тарифи во име на реципроцитет, всушност, им служат на САД само на сметка на другите земји.

Минатата недела Трамп воведе 34 отсто од новите царини на кинескиот увоз како дел од мерките што ги воведе на повеќето американски трговски партнери. Ова го зголеми вкупното ниво на царини за кинески стоки на 54 отсто, а Пекинг одговори со контрамерки.

Лин го пренасочи прашањето за потенцијалните преговори со САД на други кинески владини тела.

„Американската злоупотреба на царините ги лишува земјите, особено оние од глобалниот југ, од нивното право на развој“, рече Лин наведувајќи ги зголемената нееднаквост меѓу богатите и сиромашните во секоја земја и посебното влијание на царините врз посиромашните земји.

Сите земји треба да се држат до консултации, заедничко одлучување и вистински мултилатерализам, рече портпаролот.

Тој ги повика земјите заеднички да се спротивстават на сите форми на унилатерализам и протекционизам и да ги заштитат меѓународниот систем и мултилатералната трговија засновани на вредностите на Обединетите нации и Светската здравствена организација.