Свет
Ирска се извини за смртта на 9.000 деца во домовите за мајки
![](https://makfax.com.mk/wp-content/uploads/2021/01/w_56615109.jpg)
Ирска денес официјално се извини за скандалот со домовите за невенчани мајки во кои починале 9.000 деца во периодот помеѓу 1922 и 1998 година.
„Државата ве напушти“, рече ирскиот премиер Михаел Мартин пред парламентот, еден ден по објавувањето на долгоочекуваниот извештај.
Извештајот ја потенцира прекумерната смртност во овие институции во сопственост на Католичката црква и државата и општата неприфатливост на општеството да се раѓаат вонбрачни деца, кои тогаш ги сметале за незаконски.
„Се извинувам што направивме голема неправда кон ирските мајки и нивните деца во овие домови“, рече премиерот.
По петгодишна истрага, комисија утврди дека починале 9.000 деца или 15 проценти од 57.000 деца што поминале низ тие институции за 76 години.
„Стапката на смртност на деца родени надвор од брак е речиси двојно поголема во тие домови отколку на други места“, истакна премиерот.
Домовите прифаќале девојчиња и млади жени што биле отфрлени од своите семејства и повеќето од нив немале други опции, се вели во извештајот.
Извештајот, кој вклучува 18 таканаречени домови за мајки и деца, каде што младите бремени жени биле изолирани од општеството со децении, е последниот во низата владини документи што откриваат некои од најмрачните акти на Католичката црква.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Израелските сили ги нападнаа северниот и јужниот дел на Газа, а борбите продолжија во текот на ноќта
![](https://makfax.com.mk/wp-content/uploads/2024/06/вцв.jpg)
Израелските сили денеска нападнаа неколку области низ Газа, а жителите известија дека борбите продолжиле во текот на ноќта во Рафах на југот од палестинската енклава.
Жителите изјавија дека борбите се интензивирале во населбата Тел Ал Султан во западниот дел на Рафах, каде тенкови се обидувале да се пробијат на север, пренесува Ројтерс.
Претходно денеска во израелски напад загинаа тројца Палестинци во близина на кампот Џабалија.
Свет
(Видео) Асанж пристигна во Австралија: емотивна средба со сопругата и неговиот татко
![](https://makfax.com.mk/wp-content/uploads/2024/06/677z381_asanz-kanbera.jpg)
Џулијан Асанж, кој од денеска и официјално е слободен човек, се врати во Австралија, а најемотивната средба ја имаше со сопругата Стела.
Julian Assange greets his supporters at the fence and kisses his wife after touching down a free man #auspol pic.twitter.com/HQ4JbyWKvH
— Sarah Basford Canales (@sbasfordcanales) June 26, 2024
Откако авионот слета на аеродромот во Канбера, Асанж излегол од авионот, а го пречекале бројни новинари и поддржувачи кои аплаудирале и скандирале за него.
Камерите го снимиле моментот кога Асанж ја прегрнал сопругата, ја кренал од земја и ја бакнал, а потоа го прегрнал и татко си.
Свет
Кремљ се огласи за Асанж: Сите го добија тоа што го сакаа
![](https://makfax.com.mk/wp-content/uploads/2022/03/kremlj-moskva.jpg)
Портпаролот на Кремљ, Дмитриј Песков, рече дека секој го добил она што го сакал кога станува збор за признавањето на вината и ослободувањето на основачот на Викиликс, Џулијан Асанж.
– Овде зборуваме за судски договор. Како што разбрав, секој го доби она што го сака. Нема што да се додаде, ништо да се коментира – изјави Песков на новинарите.
Асанж беше формално ослободен пред американскиот суд на Маријанските Острови, откако се изјасни за виновен по едното обвинение за кршење на Законот за шпионажа според договорот со американското Министерство за правда.
Основачот на „Викиликс“ потоа отпатува во родната Австралија.