Забава
Де Армас говори за својата кариера во интервју направено пред разделбата со Бен Афлек
Во неодамна објавеното интервју за „Сандеј тајмс стајл“, Ана де Армас својот успех како една од најдобрите актерки во подем го припишува на тоа дека била на вистинското место во вистинско време.
32-годишната актерка номинирана за „Златен глобус“ говори за тоа како наеднаш почна да бележи голем успех во својата кариера откако речиси четири години пред тоа глумеше во „Ножеви надвор“ и „Блејд ранер 2049“. Работите почнаа да се менуваат на подобро, вели таа, и додава дека поврзувањето со вистинските луѓе било многу важно во нејзиниот живот.
Исто така, се чини дека таа придава голема важност на запознавањето со сега веќе поранешниот партнер Бен Афлек на снимањето на психолошкииот трилер „Длабока вода“.
Во интервјуто таа откри дека било многу напорно да се усоврши необичниот глас на Мерилин Монро за нејзината улога во претстојниот филм Blonde („Русокоса“).
За време на интервјуто, направено пред крајот на едногодинашна романса со 48-годишниот оскаровец, актерката даде неколку ретки коментари за Афлек.
Кога списанието се обиде да стапи во контакт со прекрасната Кубанка за да поразговара за изменетиот статус на врската, нејзиниот претставник за печат одговори дека нема никакви информации за споделување.
На насловната страница пишува: Ана де Армас – Бонд-девојката што го воодушеви Холивуд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.