Забава
Врската на Бен Афлек и Ана де Армас беше многу комплицирана, тврдат нивни пријатели
Sвездата на „Бетмен против Супермен: Зора на правдата“ и новата Бонд-девојка неодамна ја прославија својата едногодишна романса и кога се чинеше дека нивната врска е успешна, тие решија да се разделат, коментираат медиумите додавајќи дека на крајот излезе дека сакаат различни работи.
„Ана има голема енергија. Бен се чувствуваше среќен Ана да е во негова близина. Но, сепак беше многу комплицирано. Ана е млада и авантуристка. Кога не работи, таа сака да патува. Таа не сака да живее во Лос Анџелес, а тој сака да остане во ЛА бидејќи таму се неговите деца“, извор близок до парот изјави за магазинот „Пипл“.
Иако повеќе не се заедно, изворот тврди дека сè уште се сакаат. „Меѓу нив двајцата има уште многу љубов“.
„Разделбата е пријателска. Ана е одлична, но Бен има семејство и тој навистина сака да биде тука за неговите деца, а Ана е на друго место во нејзиниот живот … жалосно е, но за Бен , неговите деца се пред сè“.
За Де Армас, Лос Анџелес е само место за работа. Таа има куќа во Куба, каде што сè уште живее нејзиното семејство и смета дека тоа е нејзиниот дом, според пријателите.
„Таа е во ЛА поради работа, како и сите актери, таа живее каде што ја носи работата“, порталот „Пејџ сикс“ цитира еден од пријателите на Армас.
Ана одлучи дека не сака да живее во Лос Анџелес, а Бен сака да биде близу до неговото семејство, рече изворот кој ги познава двете ѕвезди. „Негов приоритет е да се вкорени во ЛА. Тие се на различни места во нивните животи“.
Исто така, проблем е што Де Армас (32) сака да има свои деца, додека Афлек (48), наводно, не сакал да има повеќе деца.
Афлек, кој има три деца – Виолет (14), Серафина (11) и Семјуел (8) со неговата поранешна сопруга Џенифер Гарнер – се сретна со Ана на снимањето на „Длабока вода“. Почнаа да се појавуваат заедно во март минатата година кога беа забележани како уживаат во романтично бегство во Хавана.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.