Свет
Бил Гејтс: Испораката на вакцини за посиромашните земји ќе доцни од 6 до 8 месеци
Посиромашните земји во најдобар случај ќе доцнат од 6 до 8 месеци во набавката на вакцини против Ковид-19 во споредба со побогатите земји, процени денеска филантропот Бил Гејтс.
Во интервју за „Ројтерс“, Гејтс вели дека дистрибуцијата на вакцини е исклучително голем проблем кој прави притисок врз глобалните институции, владите и производителите на лекови.
„Секој политичар е под притисок да се избори да ја донесе својата земја на почетокот од редот“, вели Гејтс.
Фондацијата „Бил и Мелинда Гејтс“ досега вети 1,75 милијарди долари за борба против пандемијата, вклучително и во рамките на програмата „Ковакс“ за правична дистрибуција на вакцините, водена од Светската здравствена организација (СЗО).
„Ковакс“ до крајот на годината планира да дистрибуира 2,3 милијарди дози вакцини, од кои 1,8 милијарди дози се бесплатни за сиромашните земји. Надежите се дека првите испораки ќе бидат реализирани во февруари.
Гејтс вели дека дистрибуцијата на вакцини преку „Ковакс“ првично ќе биде скромна.
Тој во писмо ги објавуви приоритетите на фондацијата, изразувајќи надеж дека луѓето што живеат во побогатите земји до крајот на годината ќе бидат сведоци на крај на пандемијата и враќање на нормалниот живот, под услов вакцинацијата да опфати 70 до 80 проценти од населението.
Додава и дека пандемијата резултира со нешто добро односно значително забрзување во развојот на вакцини.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Полскиот премиер: Русите имаат една голема предност пред Европа
Полскиот премиер Доналд Туск откри дека украинскиот претседател Володимир Зеленски му рекол во неодамнешен разговор дека Украина е подготвена да продолжи да се спротивставува на руската инвазија уште неколку години. Туск ја сподели оваа информација во интервју за „Сандеј тајмс“, според „Украинска правда“.
Подготвеност за повеќегодишна борба
Туск пренесе директна порака од украинскиот претседател, нагласувајќи ја неговата решителност. „Не се сомневам дека Украина ќе преживее како независна држава. Сега главното прашање е колку жртви ќе видиме. Претседателот Зеленски ми рече во четврток дека се надева дека војната нема да трае десет години, но дека Украина е подготвена да се бори уште две или три години“, рече Туск.
Долгорочни последици и ситуацијата во Русија
Според него, Киев сè уште е загрижен за долгорочното влијание на војната врз населението и економијата доколку конфликтот продолжи. Полскиот премиер се осврна и на ситуацијата во Русија, нагласувајќи дека војната ѝ штети и на руската економија. Сепак, тој предупреди дека внатрешната дестабилизација во Русија не мора нужно да ја заврши војната, туку може да го направи претседателот Владимир Путин уште поагресивен.
„Русите се во навистина сериозни економски проблеми. Дали тоа значи дека можеме да кажеме дека победуваме? Воопшто не. Тие имаат една голема предност пред Западот, а особено пред Европа: тие се подготвени да се борат…“, додаде Туск.
Важноста на европското единство
Ова не е прв пат Туск да ја нагласува важноста на поддршката на Киев. Тој претходно изјави дека никој не треба да врши притисок врз претседателот Зеленски да направи територијални отстапки во војната со Русија и постојано ја нагласува важноста на европската солидарност со Украина.
фото: принтскрин
Европа
(Видео) Голем напад со дронови врз Москва, одекнуваат експлозии
Москва беше цел на десетици дронови синоќа, потврди градоначалникот Сергеј Собјанин, кој информираше за ситуацијата во текот на целата ноќ. Според него, руските сили собориле 34 украински дронови што летале кон главниот град, објави „Киев Индепендент“.
Руското Министерство за одбрана подоцна соопшти дека вкупно 193 дронови биле пресретнати во текот на ноќта, вклучувајќи 40 над Московската област. Министерството потврди дека 34 од леталата биле насочени кон главниот град. Тврдењата не можеа независно да се потврдат. Московските аеродроми Домодедово и Жуковски привремено ги прекинаа операциите поради заканата од дронови.
Последици на терен
Според руските канали на Телеграм, експлозии се пријавени во неколку делови од градот и околниот регион, вклучувајќи го и округот Комунарка. Немаше непосредни извештаи за жртви, а градоначалникот Собјанин рече дека службите за итни случаи се испратени на сите локации каде што се урнале дроновите.
Вечерта, избувна пожар во складиште за нафта во Серпухов во Московскиот регион, објави рускиот канал на Телеграм „Астра“. Локалните власти не ја открија причината за пожарот, велејќи само дека е изгаснат.
Moscow region. Oil depot 🔥 pic.twitter.com/GzBnyUG9lE
— Kate from Kharkiv (@BohuslavskaKate) October 26, 2025
Киев редовно ја напаѓа Русија со дронови
Украинските власти не коментираа за нападите. Киев редовно користи дронови со долг дострел за таргетирање воени и индустриски цели во Русија, како што се рафинерии за нафта и фабрики за оружје. Сличен напад со 34 дронови врз Москва беше регистриран на 22 септември.
Од друга страна, Русија редовно извршува масовни ракетни и беспилотни напади врз украински градови. Во текот на изминатите две ноќи, пет лица беа убиени, а десетици беа повредени во нападите врз Киев. Претседателот Володимир Зеленски вчера изјави дека Русија ја нападнала Украина со речиси 1.200 дронови за напад и 50 ракети само во изминатата недела.
фото: принтскрин
Регион
Словенечкиот премиер најави построги безбедносни мерки по убиството
Словенечкиот премиер Роберт Голоб најави засилување на безбедносните мерки и измени во казнената политика по смртта на 48-годишен маж во Ново Место, кој почина по напад, пренесе „Индекс“.
Во телевизиско обраќање, Голоб рече дека државата ќе направи сè за да ја заштити безбедноста на граѓаните, но предупреди дека „репресивните мерки нема да бидат популарни“.
Тој најави двојно зголемено полициско присуство во југоисточниот дел на земјата и рече дека сите институции – полицијата, обвинителството и судството – ќе добијат поголеми овластувања.
„Овој сторител не стана таков преку ноќ. Тој е производ на систем што не функционирал. За да го смениме тоа, ќе биде потребна цела генерација“, изјави Голоб.
Премиерот ги повика сите политички лидери да покажат одговорност и да не ја користат трагедијата за собирање политички поени.

