Свет
Во Бразил откриени пациенти заразени со два вида коронавирус истовремено
Научниците од јужниот дел на Бразил објавија дека откриле двајца пациенти заразени со два различни вида коронавирус истовремено.
Тие рекоа дека се многу загрижени и дека нивната студија е прва во светот што потврди коинфекција со два вида коронавирус.
Откритието е објавено на медицинската страница „medRxiv“, а студијата допрва треба да помине низ процесот на рецензија и да биде објавена во научно списание, пренесува „Ројтерс“.
Двајцата пациенти се на возраст од околу триесет години и се заразени на крајот на ноември со видот П.2, кој е идентификуван во Рио де Жанеиро, додека биле позитивни на уште една мутација на вирусот.
Тие покажале благи симптоми на болеста, како што се сува кашлица кај еден пациент и кашлица, болки во грлото и главоболка кај друг и за ниеден од нив не било потребно болничко лекување.
Случаите привлекуваат внимание на тоа колку мутации веќе може да има во Бразил и предизвикуваат загриженост кај научниците дека коинфекцијата со различни видови може да го забрза појавувањето на нови мутации, наведува „Ројтерс“.
Тоа би бил уште еден еволутивен пат за вирусот, тврдат научниците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Премиерката на Бангладеш: Сопствениците на фабрики да се откажат од луксузот заради вработените
Премиерката на Бангладеш Шеиха Хасина за време на своето обраќање по повод празникот Први мај ги повика сопствениците на текстилните фабрики и другите фабрики од Бангладеш да ги подобрат условите за работа на своите вработени со тоа што ќе се откажат од дел од својот луксуз.
„Сакам сопствениците (фабриките) да посветат посебно внимание на работниците, намалувајќи го малку нивниот луксуз, бидејќи работниците ви дадоа простор да водите луксузен живот со зголемување на производството со нивната напорна работа“, рече Хасина.
Таа, исто така, ги предупреди работниците да ги игнорираат повиците за штрајк бидејќи „на тој начин работниците понекогаш всушност си нанесуваат штета себеси, на своите семејства, на земјата и на сопствениците на фабриките“, пренесува агенцијата БСС.
Свет
Уривање на дел од автопат во Кина: Најмалку 24 лица загинаа, 30 се повредени
Најмалку 24 лица загинаа, а 30 се повредени при уривање на дел од автопат на југот на Кина, во провинцијата Гуангдонг, јавија кинеските медиуми.
„Осумнаесет автомобили паднаа по падината откако се урна дел од автопатот долг 17,9 метри околу 2 часот по полноќ“, се вели во соопштението на властите во градот Мејџоу во провинцијата Гуангдонг, пренесува АП.
Според американската агенција, околу 11:45 часот по локално време под урнатините биле пронајдени 18 автомобили.
Свет
Блинкен им порача на Израел и Хамас дека е време за прекин на огнот
Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа.
Ова е седма посета на Блинкен од почетокот на војната меѓу Израел и Хамас – палестинска група прогласена за терористичка организација од страна на САД и Европската Унија уште од октомври.
Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници.