Свет
Државен удар во Мјанмар, армијата го уапси претседателот
Владејачката партија на Мјанмар, Националната лига за демократија (НЛД), денес потврди дека армијата ги уапсила претседателот Вин Минта и лидерот на партијата Аунг Сан Су Чи и ги повика граѓаните да останат смирени, при што странските држави ги осудуваат воените дејства во првичните реакции, пренесува „Ројтерс“.
Воената акција следуваше утрово бидејќи генералите побараа од владејачката партија да ја одложи денешната конститутивна седница на парламентот, на која НЛД освои 83 проценти од местата, а портпаролот на партијата, Мио Ниунт, за „Ројтерс“ изјави дека покрај Аунг Сан Су Чи, притворен е и претседателот Вин Минт и други партиски лидери.
Владејачката партија ги повика граѓаните да не реагираат на акцијата на армијата, чии припадници патролираат по улиците на поголемите градови, а телефонските линии и интернетот се прекинати во Непјидо и Јангон.
Белата куќа соопшти дека претседателот Џо Бајден бил свесен за апсењето на Аунг Су Чи.
„Соединетите Американски Држави се спротивставуваат на секој обид за промена на исходот од неодамнешните избори или ја попречуваат демократската транзиција во Мјанмар и ќе ги преземат сите мерки против одговорните за овие случувања доколку не се промени ситуацијата“, рече портпаролката Џен Псаки.
Австралиската влада соопшти дека е длабоко загрижена од извештаите дека војската повторно се обидува да ја преземе контролата над Мјанмар и повика на итно ослободување на нелегално притворените политички лидери.
Јапонија соопшти дека ја следи ситуацијата, но во моментот не планира да ги повлече јапонските државјани од Мјанмар.
Армијата на Мјанмар рано утрово прогласи вонредна состојба, ја презеде власта во земјата и потврди дека извршила апсења на високи владини претставници како одговор на наводната измама за која тврдат дека била извршена за време на изборите минатата година и му ја предала власта на командант началникот, генерал Мин Аунг Хлаингу.
Политичките тензии во земјата ескалираа минатата недела кога портпаролот на армијата одби да ја исклучи можноста за државен удар, само неколку дена пред свикувањето на новиот парламент и предупреди дека вооружените сили може да преземат мерки доколку не бидат разгледани нивните поплаки за изборна кражба.
Изборната комисија на Мјанмар во четвртокот ги отфрли тврдењата на армијата за изборни измами и ги потврди резултатите од гласањето, на кои НЛД освои 83 проценти од местата во парламентот, што доведе до најдиректни конфронтации меѓу цивилната влада и армијата.
Уставот на Мјанмар предвидува 25 проценти места во парламентот за армијата и контролата на трите клучни министерства во новата администрација на Чи, а командантот на армијата, Мин Аунг Хлаинг, рече дека уставот треба да се укине доколку не се почитува повикувајќи се на претходните случаи во Мјанмар, соопшти агенцијата.
Генералниот секретар на ООН, Антонио Гутереш, остро ги осуди воената акција и денешното притворање на Аунг Сан Су Чи и другите политички лидери во Мјанмар и го повика военото раководство да ја почитува волјата на народот изразена на последните избори.
„Овие настани се сериозен удар врз демократските реформи во Мјанмар, сите релевантни лидери во земјата треба веднаш да почнат дијалог и да се воздржат од какво било насилство и целосно да ги почитуваат човековите права и основните слободи“, рече портпаролот на генералниот секретар на ООН, Стефан Дизарик.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Националната гарда на Флорида се подготвува за најголемата спасувачка операција во историјата
Националната гарда на Флорида се подготвува за операции за пребарување и спасување откако ураганот Милтон ќе помине над државата, изјави денеска гувернерот на Флорида, Рон Де Сантис.
„Ова е најголемата мобилизација на Националната гарда на Флорида за операција за пребарување и спасување во историјата на државата Флорида“, додаде тој.
ДеСантис рече дека има околу 9.000 гардисти на теренот, од кои една третина доаѓаат надвор од државата. Дваесет и шест тимови за пребарување и спасување се подготвени, рече гувернерот.
„Тие во моментов се позиционирани на местата на потенцијален удар долж западниот брег за да започнат итни спасувачки операции веднаш штом ќе помине бурата“, рече ДеСантис.
Регион
Земјотрес во регионот на Параќин
Републичкиот сеизмолошки завод денеска регистрираше земјотрес со јачина од 3,6 степени според Рихтеровата скала во регионот на Параќин.
Според веб-страницата на Сеизмолошкиот завод, земјотресот е регистриран во 15:38 часот.
„Теоретскиот интензитет во епицентарот беше проценет на ниво V од Меркалиевата скала. Земјотреси со ваков интензитет може да предизвикаат многу мали оштетувања на објекти во епицентралното подрачје“, наведуваат од Републичкиот сеизмолошки завод.
Медиумите објавија дека потресите се почувствувале во Крушевац, Крагуевац и Сврљиг.
Свет
Пилот починал за време на лет, авионот принудно слетал на аеродромот во Њујорк
Авионот на „Туркиш ерлајнс“ синоќа полетал од Сиетл во САД и принудно слетал во Њујорк поради смртта на пилотот која се случила за време на летот.
Пилотот пред смртта се обидел принудно да го приземји авионот кој летал за Истанбул, но трагедијата се случила пред да успеат да слетаат, пренесуваат медиумите во регионот.
„Пилотот на нашиот Ербас 350… летот ТК204 од Сиетл за Истанбул почина за време на летот“, изјави портпаролот на авиокомпанијата.
Веднаш му била укажана прва помош од персоналот, но и покрај тоа човекот ја загубил битката со животот, пишува Метро.
„По неуспешниот обид да се пружи прва помош, копилотот и копилотот решија да го преземат леталото и принудно да слетаат во Њујорк“, додаваат од авиокомпанијата.