Македонија
ВМРО-ДПМНЕ поднесе законски измени за средното образование: „Ги поддржуваме барањата на средношколците“
Пратеничката група на ВМРО-ДПМНЕ денес поднесе предлог-закон за измени и дополнување на Законот за средното образование. Имено, по средбата пред два дена со дел од претседателството на Сојузот на средношколците на Република Македонија, од опозицијата посочија дека целосно ги поддржуваат и преку институциите ќе ги канализираат своите барања.
„Барањата на средношколците се основани и пратеничката група на ВМРО-ДПМНЕ со овој чекор ќе им помогне, наместо да го губат времето во бојкот и бирократски процедури што траат премногу долго, да се смени законот и тие да може да се насочат на учење“, истакна Игор Здравковски, пратеник од пратеничката група.
Средношколската унија во Македонија испрати барање до сите пратенички групи со кое предвидуваат олеснување на полагањето на матурата, односно проектна задача и полагање 2 предмети наместо 4, и тоа: мајчин јазик и уште еден кој ќе биде соодветен за понатамошен упис на факултет за оние што планираат да го продолжат своето образование.
ВМРО-ДПМНЕ ги повика сите други пратенички групи, без разлика дали се од мнозинството или од опозицијата, да го поддржат овој предлог-закон.
„Матурантите не бараат прашања од пониско ниво, како што најавија од Државниот испитен центар, затоа што тоа е директно штетно влијание со намалување на квалитетот на образованието, туку бараат по примерот на Обединетото Кралство, Ирска, Франција, Белгија, кои ги укинаа испитите оваа година, токму поради состојбата во образованието во услови на пандемија, кај нас да се намали нивниот број. За брза реализација на овој чекор, треба само добра волја и, конечно, намалување на егоцентричноста и ароганцијата на Царовска и за доброто на образовниот систем да ги прифати сите пропусти, да почне со правење анализи и носење рационални решенија“, рече Здравковски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Над 150 пијани возачи затекна полицијата на 1 Мај
Санкционирани се 157 возачи на територијата на целата држава, при полициски контроли за време на празничниот 1 Мај.
Од нив 41 на територија на СВР Куманово, по 34 на територија на СВР Битола, објави МВР.
За време на контролата санкционирани се и 183 други видови на сообраќајни прекршоци.
Сообраќајните контроли продолжуваат и во наредните денови. Се апелира до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.
Македонија
Османи: Со Рамковниот договор неопходни се две мнозинства за формирање Влада – парламентарното од 61 плус Бадентеровото
Со Рамковниот договор неопходни се две мнозинства за формирање Влада – парламентарното од 61 плус Бадентеровото, вели портпаролот на ДУИ, Бујар Османи.
На прес-конференција тој тврдеше дека не може да има Влада без двојно мнозинство, повикувајќи се на Рамковниот.
„Охридскиот рамковен доведе до две мнозинства, 61 и мнозинство по Бадентер. Забораваме и размислуваме само за едното мнозинство од 61. Едното секогаш оди со Бадентеровото. Ќе треба време за да ја сфатиме логиката на Охридскиот договор. Рамковниот договор има механизми за заштита на заедниците од надгласување, не е за заштита на мнозинската заедница. Затоа бара покрај 61 и Бадентерово мнозинство. Јалови се сите обиди да се потцени второто мнозинство при било кои избори по 2001 година“, рече Османи.
Тој упати низа обвинувања до ВМРО-ДПМНЕ, мѓу кои дека секојдневно рециклираат националистички тези, флертуваат со проруски интереси, отворено се закнуваат на, како што рече, славното востание од 2001, ги зголемуваат тензиите меѓу етничките и верските заедници, додека ДУИ гарантираат стабилност и соживот.
Во врска со тоа како ќе настапат во вториот круг од претседателските избори, односно дали и кој од двајцата кандидати ДУИ ќе го поддржат, одлуката ќе биде соопштена во наредните денови.
Скопје
Пронајдено лице што вчера се изгубило на Водно
Регионалниот Центар за управување со кризи – Скопје информира дека на бројот 112, вчера во 15:23 часот била добиена пријава за изгубено лице во Парк – шумата Водно.
Веднаш биле известени надлежните за нивна понатамошна постапка, по што лицето било пронајдено за околу еден час.
– Од полициската станица – Карпош во 16:34 часот во ЦУК, добиена е информација дека лице од Водно е на пат за градот, пишува во денешното соопштение на Центарот за управување со кризи.