Свет
РТ: Документарецот на Навални не го сменил мислењето на Русите за Путин
Со својот блескав ентериер и дигитално студио за танцување, раскошната вила на брегот на Црното Море во Русија, за која се вели дека е во сопственост на рускиот претседател Владимир Путин, секако стаписа многумина. Сепак се чини дека има и многу такви кои се скептични во врска со наводите во документарецот, пренесува РТ.
Новата анкета спроведена кај повеќе од 1.600 Руси од страна на московскиот центар „Левада“, проценува дека повеќе од четвртина од возрасната популација во Русија го гледала видеото што ги објави тврдењата на интернет.
Снимен од затворениот опозиционер Алексеј Навални и неговата група, Фондот за борба против корупција (ФБК), регистрирана како странски агент од руското Министерство за правда, во документарецот се тврди дека објектот вреден неколку милиони долари е тајно приватно одморалиште на Путин.
Иако привлече повеќе од 100 милиони прегледи по емитувањето на Јутјуб, не сите што го гледале документарецот ги прифаќаат тврдењата во него. Третина од гледачите рекле дека се сигурни оти наводите се невистинити.
Други 38 отсто рекле дека, иако може да има одредена вистина во експлозивните тврдења, било тешко да се процени нивната веродостојност. Само околу 17 отсто рекле дека се сигурни во вистинитоста на филмот.
Повеќе од половина Руси велат дека не се загрижени за обвинувањата. Огромно мнозинство, 77 отсто од анкетираните, изјавиле дека тоа не го менува нивниот став кон Путин; 29 отсто тврдат дека претседателот никогаш не би ја злоупотребил својата моќ, а дополнителни 24 отсто рекле дека, дури и да го сторил тоа, животот во земјата се подобрил со Путин.
Седумнаесет отсто сметаат дека Путин е виновен, а четвртина велат дека е виновен, но само колку и другите високи функционери. Младите биле покритични кон претседателот во овој аспект.
Друга анкета објавена минатата недела од „Левада“, која исто така е регистрирана како странски агент од руската влада, покажа дека вкупниот рејтинг на одобрување на Путин се намалил за еден поен, при што 64 отсто од Русите изјавиле дека имаат поволно мислење за него. Околу една третина изјавиле дека не ги одобруваат неговите активности и само два отсто не изразиле мислење.
Поддршката за Путин е најсилна кај оние на возраст од 55 години и постари, но мнозинството во секоја возрасна група смета дека неговото однесување на функцијата досега е поволно, вклучително и 51 отсто на возраст од 18 до 24 години.
Наводните откритија за имотот во Геленџик беа емитувани кусо откако Навални беше уапсен на московскиот аеродром „Шереметјево“ под обвинение за кршење на условите за условна казна од три и пол години за измама.
Одговарајќи на тврдењата, портпаролот на Путин, Дмитриј Песков, рече дека ништо од тоа не е точно. Градежниот тајкун Аркадиј Ротенберг подоцна изјави дека тој е корисник и на вилата и работи на тоа локацијата да се претвори во луксузен хотел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Американски разузнавачи со предупредување: Русија и Кина подготвуваат заедничка инвазија
Американското разузнавање има информации кои укажуваат дека Русија и Кина тесно соработуваат за голем број воени прашања, вклучително и потенцијална инвазија на Тајван.
Такво нешто ја поттикна американската администрација да планира како да спречи такво сценарио, пренесува „Блумберг“.
„Ова е првпат Кина и Русија да соработуваат за прашањето на Тајван. Кина дефинитивно сака да соработува со Русија во оваа насока“, рече шефицата на Националната разузнавачка служба Аврил Хејнс за време на нејзиното сведочење пред Конгресот.
Републиканскиот сенатор Мајк Раунд од Јужна Дакота ја праша Хејнс за такво сценарио за време на сослушувањето на Комитетот за вооружени служби во Сенатот. Тој праша и дали Пентагон планира одговор на таквата можност, бидејќи големи се шансите во случај на конфликт со една земја да биде отворен потенцијален конфликт со една или повеќе од нив. Тоа би влијаело на многу работи.
„Секако дека постои можност да се случи такво нешто. Одговорот на тоа прашање зависи од сценариото што би се развило“, рече Хејнс, додавајќи дека разузнавачките проценки укажуваат дека постои зголемена соработка во партнерството „без забрани“ меѓу Русија и Кина во секој општествен сектор – политички, економски, воени, технолошки“, пренесува медиумот.
Нејзините изјави, според написите ги потврдил и генерал-полковник Џефри Круз и нагласил дека ситуацијата внимателно се следи и дека „тие се подготвени доколку се случи несакано сценарио“.
Медиумот анализира дека треба да се знае дека Русија, Кина и Иран во средината на март одржаа заеднички воени вежби наречени „Поморски безбедносен појас – 2024“ во Оманскиот Залив и Арапското Море.
Свет
Медведев до Швајцарија: Ти благодарам, земјо на сирењето и часовниците
Дмитриј Медведев, поранешен руски претседател и актуелен заменик на Советот за безбедност, рече дека конференцијата за прекин на огнот во Украина ќе биде уште еден доказ за пропаѓањето на „мировниот план“ на украинскиот претседател Володимир Зеленски.
Швајцарската влада претходно објави дека Русија во моментов не е меѓу десетиците поканети земји, додавајќи дека е отворена за нејзино учество, но дека Москва не е заинтересирана. Берн го најави собирот во јануари, велејќи дека го организирал на барање на украинскиот претседател Володимир Зеленски.
Медведев објави денеска на Телеграм. „Која е користа за Русија од швајцарската „мировна конференција“? Придобивката е трикратна. Прво, тоа ќе биде уште еден доказ за пропаѓањето на таканаречениот мировен план на идиотот Зеленски.
Второ, тоа ќе стане видлив доказ за целосната немоќ на сегашните западни елити, кои извршија болна самокастрација на нивната способност да го прекинат воениот конфликт. Згора на тоа, по директна наредба на група сенилни лекари од Вашингтон.
Трето, тоа ќе им овозможи на нашите вооружени сили да продолжат да ја чистат територијата на Мала Русија од неонацистите без мешање или сметка за нечии глупави „мировни иницијативи“ и сите ние да извршиме скрупулозна работа во насока на конечниот колапс на политичкиот режим на Украина и брзото враќање на нашите оригинални територии во Руската Федерација. Ти благодарам, земјо на сирењето и часовниците“, напиша Медведев.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.