Забава
Ирански свештеник твитна: Ако се вакцинирате, ќе станете геј
Иранскиот свештеник Абас Табризијан е познат по своите контроверзни размислувања. Еден од неговите бисери е тврдењето дека мажите не може да го пренесат коронавирусот и дека само жените мора да носат заштитни маски.
Абас (59) им порача на Иранците да не се вакцинираат против коронавирусот затоа што може да станат хомосексуалци, пренесуваат светските медиуми, кои на ваквата бизарна теорија коментираат: „иако веќе се објавени студии дека короната може значително да го оштети мозокот, за Абас очигледно не треба никаков вирус“.
Според порталот Albawaba, овој 59-годишен свештеник претходно промовирал фанатизам и лажни вести за западната медицина. Така, во јули тој јавно објави дека мажите не може да го пренесат коронавирусот и дека само жените треба да носат заштитни маски.
Имено, хомосексуалноста во Иран се казнува со смрт, а според овој фанатик, секој што ќе прими вакцина против коронавирусот може да биде во опасност.
„Не им приоѓајте на вакцинираните! Станаа хомосексуалци“, напиша Табризијан на „Твитер“. Неговата објава веднаш се прошири на социјалните мрежи и наиде на многубројни негативни коментари.
„Ова е апсурдно, само медицинските експерти треба да разговараат за такви работи“, напиша еден корисник.
Медиуми потсетуваат дека Табризијан не е првиот поборник на оваа теорија. Претходно, израелскиот православен рабин Даниел Асор предизвика бес кога на социјалните мрежи напиша дека вакцините ги претвораат луѓето во хомосексуалци и ги повика неговите следбеници да ја одбијат вакцината.
Иран ја одобри руската вакцина „спутник В“ против коронавирусот и почна да ја вакцинира нацијата, забранува увоз на вакцини од САД и Велика Британија опишувајќи ги како небезбедни.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Фото) Руската бомба никогаш не била посекси, дури ни во бизарна облека
Познатата манекенка Ирина Шајк се појави во Прага на презентацијата на календарот на Пирели за 2026 година и ги воодушеви сите со својот екстравагантен моден избор.
Руската убавица е позната како некој што често изгледа лежерно и опуштено, а најдобро се чувствува во широка облека, но кога станува збор за црвениот тепих, таа секогаш е подготвена за изненадувања.

Овој пат, Ирина беше и драматична и провокативна. На црвениот тепих се појави во црна асиметрична тоалета која имаше проѕирни делови, а сè комплетираше со шапка и смарагдни обетки, додека ги избели веѓите.
За сè да биде во согласност со нејзиното издание, Ирина ја прилагоди и шминката, па имаше потемен кармин и истакнат ајлајнер.

Покрај неа, на календарот се појавува и Венус Вилијамс, а руската манекенка не го криеше своето задоволство што е дел од еден ваков настан.
„Календарот на Пирели не се само убави слики, тоа е уметност и да се биде дел од нешто такво отсекогаш ми било сон, па затоа е чест“, рече Ирина.

фото: принтскрин
Забава
Пука Козметика прославува 30 години од формирањето
На 13 декември во МКЦ со почеток од 19:30 рап групата Пука Козметика ќе прослави 30 години од формирањето.
Во киното Фросина започнува да се раскажува приказната на групата од своите почетоци до денес, во лобито потоа е предвидена промоција на винил изданието 30 години Пука Козметика и коктел за присутните, за вечерта кон 22:00 во денсинг салата да продолжи музичкиот дел со концерт на Пука Козметика и другарите.
Пука Козметика е група на пионери на македонскиот рап, формирана декември 1995 година од браќата Жарко и Дарко Масларковски заедно со Мартин Георгиевски и Видомир Андреевски.
Во следната 1996 веќе почнуваат да работат на свои авторски песни, а 1997 веќе попрофесионслно навлегуваат во процесот на снимање и настапи.

Првиот официјален албум на групата е издаден 2006-та, следува троен албум во 2012-та, како и многу албуми и соработки во Токсикологија Мјузик. Во повеќе децениското постоење групата има многу самостојни концерти и настапи (клубски и фестивалски), во Македонија и регионот, а посебно како предгрупа на еминентни рап артисти од Светот.
Во периодот што следи рап групата најавува две нови песни од новиот албум. Прославите на роденденот 30 години Пука Козметика во 2026-та ќе продолжат низ градовите во Македонија.
Забава
Кирил Џајковски и Констракта, специјални гости на концертот во чест на Влада Дивљан
Во понеделник, 17 ноември, во Филхармонија ќе се одржи големиот концерт посветен на еден од најзначајните музички автори на овие простори, Влада Дивљан.
На сцената, како специјални гости ќе се придружат Кирил Џајковски – пионер на електронската музика и уметник чиј препознатлив звук одамна ги надмина локалните рамки – и Констракта, артистката што внесе свежа уметничка перспектива на регионална сцена со уникатен пристап, интелигентен хумор и современа естетика.
Концертот, насловен „Само една љубов имам“, го подготви групата „Невладина Организација“ по повод десетгодишнината од смртта на Влада. Нивната турнеја со овој концерт симболично започна во Виена, со фантастична премиера во градот каде што Влада Дивљан живееше и твореше од 1999 година до крајот на животот, а по Белград и Загреб, сега пристигнува и во Скопје како дел од програмата на фестивалот ТАКСИРАТ.
Владиниот бенд „Невладина Организација“ го предводат неговите долгогодишни пријатели и соработници Зденко Колар, Саша Шандоров, Борис Буњац, Марко Миливојевиќ, како и подмладокот Дамјан Дашиќ и Марко Чалиќ. Нивната најважна мисија е зачувување на Владините големи хитови и безвременски песни, и повторно доживување на неговата музика заедно со публиката.

Македонската публика ќе има прилика да го чуе и види бендот кој работеше со единствениот уметник Влада Дивљан и да ги запее песните од неговиот богат опус и од сите периоди на неговата музичка кариера. Невладина Организација ќе ги изведе во живо најубавите песни од неговиот каталог – од времето на „Идоли“, па преку соло делата, до „Олд Старс“ бендот, „Невладина Организација“ и „Лјетно кино“.
Влада Дивљан, пејач, композитор, гитарист, го основа еден од водечките бендови на новиот бран „ВИС Идоли“ во 1980 година. Тие ги објавија култните албуми „ВИС Идоли“, „Odbrana i poslednji dani“, „Čokolada“ и „Šest dana juna“. Покрај тоа, има објавено уште 8 албуми за време на неговата самостојна кариера, но и со групите „Олд Старс“, „Невладина организација“ и „Лјетно кино“. Со Срѓан Гојковиќ Гиле, тој создаваше музика за деца, а компонираше за телевизија, филм и театар. Од 1999 година живееше во Виена, каде што почина на 4 март 2015 година.
Се навршија 10 години откако нѐ напушти еден од најуникатните музички автори од Балканот, а со концертот кој во рамки на ТАКСИРАТ ФЕСТИВАЛ ќе се одржи на 17 ноември во Филхармонија, неговите пријатели, соработници и верната публика ќе го прослават неговото вонвременско дело.

