Регион
Приказната за Балашевиќ и Оља – љубов за цел живот
Балашевиќ и неговата сопруга Оливера Балашевиќ се сретнале сосема случајно и љубовта ги врзала сè додека, за жал, судбината не ги раздели. Најубавите песни, идеалниот брак, емотивната и пријателска врска, неисцрпната инспирација и поддршка сведочат за нивната љубов, а ова е приказната за нивниот живот што траеше повеќе од четири децении.
Блажевиќ и Оливера се запознаа за време на едно телевизиско гостување, и двајцата беа гости на ТВ Нови Сад – Оливера како спортист и Ѓорѓе како музичар. Оливера тогаш не ни сонуваше дека ќе се вљуби во тој млад човек со гитара. Исклучителната гимнастичарка во четири спортски дисциплини, со неколку медали и награди, мораше да одлучи помеѓу нејзината љубов и оваа нова, која штотуку се роди.
„Во една прилика заедно го гледавме натпреварот Хајдук – Хамбургер. Одеднаш, Оља ја стави раката над моето рамо и рече: „Овој Златко Вујовиќ е опасен фудбалер“. Тогаш си реков: „Ја најдов вистинската личност, пријател кој разбира и други работи. Веднаш се женам – готово е!“, рече во една прилика Балашевиќ.
Во времето кога Оливера учеше и живееше во дом, Ѓоле често пееше под нејзиниот прозорец. Во студентската соба каде што тогаш живееше Оливера, денеска на влезната врата има плакета со натпис посветен на нив… И токму таму започна најубавата љубовна приказна.
„На мајка ми ѝ беше тешко дека одам во Нови Сад и дека ќе бидам сама, дури ми предложи да најдам момче. Имав цимерка Весна од Чачак. Запознав многу луѓе, со кои и денес сум во контакт“, изјави Оља Балашевиќ во едно интервју.
Наскоро во нејзиниот живот се појави момче, добро познатиот кантавтор од Војводина, а тој нивната љубов и студенсткиот живот го опиша во песната „Провицијалка“.
„Тој тврди дека песната е поврзана со оваа просторија. Знам дека читав белешки за предавања на масата, се подготвував за испит и често гледав низ прозорецот чекајќи да се појави. Тогаш немаше мобилни телефони, па Ѓоле свиркаше под прозорецот. Тој свиреж се користи и денес кога ќе залутаме во некој град или трговски центар. Кога ќе го слушнав неговиот свиреж, ќе истрчав низ ходникот со брзина на светлината за да го видам, па таа песна ја раскажа на многу убав начин“, рече Оливера.
Во времето кога Оливера студираше и живееше во домот, Балашевиќ, како што неколку пати раскажа, играл фудбал со станарите од студентскиот дом на блиското училишно игралиште и наскоро се дознало за нивната љубов.
„Од самиот почеток, тоа беше многу јавна љубов и единствена во светот. Сепак, имаше и такви кои ме среќаваа на улица, па ми говореа: Што ја завлекуваш таа девојка, а имаше разни сцени“, рече кантавторот.
„На пат да станам лошо момче, ја запознав и сè прерасна во приказна за мангуп и принцеза, но во малку променети улоги. Далеку од тоа дека беше „битанга“, но беше мала скитничка низ студентските соби и студентски домови, со огромна амбиција. Пред Ољaа, имав неколку трагични, формални врски, но кога ја видов за првпат, помислив дека сакам да се оженам и да имам свое семејство“, изјави Балашевиќ.
Кога отишол на одмор во Умаг, сфатил дека му недостасува, ја повикал од рецепцијата на хотелот и ја побарал за жена. Таа дури и не успеала да одговори, а тој влегол во својот „голф“ и извозел до Зрењанин.
„Отидов на море без неа како момче таа година, не знаев дека ќе се вратам со сосема поинаков поглед на животот. Таа се јави, па ја прашав: Добро, дали ќе се омажиш ти или не“, рече Балашевиќ.
Се венчале во 1981 година, но немале голема свадба бидејќи мајката на пејачот починала една година порано. Нивната Јована тогаш имала половина година, па решиле да ја завршат и таа формалност.
„Малку се плашев од тоа, затоа што многу формалности избегнав во животот. Кога матурирав, тоа беше права прилика да облечам одело, но поради сплет на околности не отидов на прославата. Ни подоцна, никогаш не бев во одело“, раскажа Балашевиќ.
„Сакав да се венчам на 15 август, кога е најтопло, за да бидам во маица. Сепак, се согласивме дека ќе биде на 7 мај, бидејќи ситуацијата со моето доаѓање од армијата беше целосно неизвесна. Не сакавме никакви церемонии и помпа. Го избравме четврток. Не сакавме да биде сабота или недела, затоа што токму тогаш се венчаваа некои мои пријатели и не сакав да се сретнам и да направам врева, да врескаме, да скокаме…“, рече тогаш Балашевиќ и додаде:
„На никого не рековме ништо, се подготвивме на брзина, дури и малку доцневме … Билја, кумата, дојде во последен момент, а јас му реков на Борчек да земе лична карта, дека имам некои снимања, само за да не се појави со подарок и во костум. Влетавме кај матичарот, но таму веќе нè чекаа пријатели кои сепак успеале да сфатат што се случува. Тоа беше мала, слатка церемонија што подоцна ја продолживме дома, строго со сендвичи“.
Се чувствував добро, како да не бев младоженец. Бев во елегантни црни фармерки и спортски чевли, не сакав да носам патики од почит кон мојата сопруга. Ољa носеше убав бел фустан, само без тие „работи“ на главата, кажа тој.
Во 2001 година, Балашевиќ го издаде албумот „Дневник старог момка“ посветен на неговата најголема љубов и поддршка. Секоја од дванаесетте песни е насловена по некое женско име, и со комбинирање на почетните букви од тие имиња, се добива: „Оља је најбоља“. Така тој му покажа на светот колку е единствена нивната љубов.
По Јована, Оливера и Ѓоле, добија уште две деца – ќерката Јелена и синот Алекса. Сите три деца на популарната музичка и актерска двојка успешно ја градат својата кариера.
После Јелена, која се покажа како одличен видео режисер и Јована, која е актерка, синот Алекс стана шампион во борење“, пишува Телеграф.рс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вучиќ: Секој ден ме прикажуваат како некаков си Хитлер
Ако има некој што е постојано нападнат на ужасен начин во сопствената земја, тоа сум јас. Секој ден ме прикажуваат како некаков си Хитлер, вели српскиот претседател Александар Вучиќ во интервју за германскиот Cicero.
На прашањето: „’Фридом хаус’ повеќе не ја смета Србија за слободна демократија, туку за хибриден режим. Ве обвинуваат дека ја укинувате поделбата на власта поради вашето прекумерно влијание врз партијата, парламентот и медиумите. Како го коментирате тоа?“, тој одговори:
„Имам сосема поинакво мислење и ја повикувам ‘Фридом хаус’ да дојде тука, да разгледа сè и да дојде до искрен резултат на самото место. Знаете, јас веќе го знам тоа. Ако има некој што е постојано нападнат на ужасен начин во сопствената земја, тоа сум јас. Секој ден ме прикажуваат како некаков си Хитлер.
А потоа секогаш тврдат дека имаме авторитарен или автократски режим во Србија. Но, да бидеме искрени: Во кој авторитарен режим е можно зградите на владејачката партија да бидат физички нападнати 800 пати по преземањето на функцијата? 29 пати нашите партиски згради се целосно уништени или изгорени“.
На барање да даде коментар за тоа што српската полиција дејствува против демонстрантите, но и против луѓето што протестираат против него и за критичките во Европскиот парламент за употреба на брутални методи и наводната употреба на звучни топови, Вучиќ вели:
„Тоа никогаш не се случило. Едноставно, не се случило. Ќе ви кажам едно: Ако се покаже дека е употребено акустично оружје, тогаш повеќе не сум претседател. Не ја лажам јавноста. Тие критичари во Европскиот парламент во основа само ја пренесуваа пораката на медиумите што се против нас. Постојат многу интереси, бизнис-интереси. Верувам дека сите ја знаат вистината, но дека постојат и овие интереси“.
Тој во интервјуто вели дека не сака да открие кои странски влади плаќаат за протестите против него за да не ги расипе односите со тие земји.
„Нема да кажам кои влади ги платиле демонстрантите. Имам докази, но не сакам да ги презентирам бидејќи не сакам да ги загрозам односите со тие земји. Знаеме дека имаше масовна финансиска поддршка за овие луѓе од странство. Интересно е што протестите се променија, последните големи демонстрации дојдоа од ултрадесничарски студентски групи, а не од проевропски групи. И оттогаш финансиерите исто така се повлекоа.
Сето ова не значи дека немаме поделено општество во Србија. Да, го имаме. Но, тие протести не се израз на тоа, тие се израз на астротурфинг, односно политички мотивирана и финансирана ПР-кампања, која се обидува да создаде впечаток за спонтано движење на граѓаните. Во иднина ќе откриеме кој стои зад тоа. Во моментот имаме други грижи, пред сè, енергетски проблеми, кои за нас се прашање на опстанок“.
Фото: ЕПА
Регион
Брнабиќ: Поранешниот претседател на Србија, несреќа од човек, повикува на граѓанска војна
Претседателката на српското Собрание, Ана Брнабиќ, остро го критикуваше поранешниот српски претседател Борис Тадиќ откако тој ги повика граѓаните да излезат на улица синоќа.
„Катастрофа од човек кој, за наше големо жалење и уште поголем срам, беше претседател на Република Србија, повикува на граѓанска војна. Тој похотливо и екстатично повикува луѓето да излезат на улица и да ги нападнат своите соседи, пријатели, членови на семејството, познаници. Тој не повикува на дијалог и смирување на тензиите, не, тој повикува на насилство. Дури и за човек кој изјави на ХРТ дека не е толку горд што е претседател на Србија, тоа е многу“, напиша Брнабиќ на Икс.
Несрећа од човека који је, на нашу велику жалост и још већу срамоту, био председник Републике Србије позива на грађански рат. Сладострасно и усхићено позива људе да изађу на улице и нападну своје комшије, пријатеље, чланове породице, познанике. Не позива на дијалог и смиривање… https://t.co/J1tf4QDrSC
— Ana Brnabic (@anabrnabic) November 2, 2025
Вчерашниот ден беше обележан со тензии пред српското Собрание во Белград. Голем број граѓани се собраа во поддршка на Дијана Хрка, мајката на трагично загинатиот Стефан Хрка, која започна штрајк со глад.
Во исто време, поддржувачи на владата се собраа и во близина, во шаторска населба позната како Чациленд. Меѓу двете групи имаше голем кордон од полиција за немири. Летаа шишиња и пиротехника.
Svi moramo stati uz Dijanu Hrku u borbi u koju je danas krenula!
To je borba žene koja je izgubila dete. Borba žene koja je nakon te strašne tragedije prošla i kroz godinu dana nepravde u kojoj NIKO nije odgovarao za smrt njenog deteta i drugih 15 nedužnih ljudi. Borba žene…
— Boris Tadić (@BorisTadic58) November 2, 2025
Додека пред српскиот парламент се одвиваа судири, Тадиќ напиша на Икс: „Во овие околности, тактички е важно секој што не може да дојде во Белград да организира протести во своите градови низ Србија! На овој начин, ја ослабуваме моќта на режимот да се спротивстави на масовните демонстрации во поддршка на Дијана Хрка во Белград. СИТЕ НА УЛИЦИ! ДО ПОБЕДА!“
U ovim okolnostima taktički je važno da svi koji ne mogu da dođu u Beograd organizuju proteste u svojim gradovima širom Srbije!
Na taj način slabimo snagu režima da se suprotstavi udarnim protestima podrške Dijani Hrki u Beogradu.
SVI NA ULICE!
DO POBEDE!
— Boris Tadić (@BorisTadic58) November 2, 2025
фото: принтскрин
Регион
(Видео) Уапсен поранешниот српски кошаркарски репрезентативец и активист Владимир Штимац
Поранешниот кошаркарски репрезентативец и активист Владимир Штимац беше уапсен синоќа во Белград. Како што може да се види на снимките објавени на социјалните мрежи, Штимац е уапсен пред зградата на РТС.
Инаку, српското Министерство за внатрешни работи кратко по 2 часот наутро објави дека привело 37 лица кои, како што велат, учествувале во нарушување на јавниот ред и мир и предизвикување инциденти пред Собранието. Додадоа дека трагаат по други сторители на истите дела. Провладините таблоиди објавуваат дека, како што велат, тој е уапсен по наредба на Вишото јавно обвинителство во Белград бидејќи „цел ден поттикнувал насилство пред Собранието“.
За потсетување, Штимац вчера остро реагираше по инцидентот пред српското Собрание, испраќајќи порака до претседателот Александар Вучиќ за нападот врз млад човек кој дошол да ги поддржи демонстрантите.
На платото пред Собранието, неколку десетици луѓе од шаторската населба позната како „Чациленд“ го нападнаа младиот Ненад, член на кампањата „Да трчаме за студентите“. Тој минувал за да ја поддржи Дијана Хрка, мајка на млад човек кој трагично загина при пад на настрешницата во Нови Сад пред една година, а напаѓачите му го одзеле знамето со натпис „Трчам за студентите“.
Je li bre slino slinava jel se ovako izvinjavaš! Folirantu! @avucic https://t.co/tH4iYPx3H5
— Vladimir Štimac (@stimac15) November 2, 2025
Кратко по инцидентот, познатиот кошаркар објави кратка и директна порака до Вучиќ.
фото: принтскрин
Уапсен е возачот кој денеска со „пасат“ усмрти велосипедист на булеварот „Гоце Делчев“ во Скопје и побегна од местото
Денеска (03.11.2025) во Скопје, полициски службеници од СВР Скопје го лишија од слобода Х.К.(37) од Скопје. Тој околу 12:30 часот...
За вакцинација против сезонскиот грип досега пријавени над 76 илјади граѓани, почна и вакцинацијата со комерцијалните вакцини за 700 денари
Министерството за здравство информира дека за вакцинација против сезонскиот грип за ризичните категории населени досега се пријавени над 76 илјади...
(Видео) Мисајловски: Со освоени 54 општини и градот Скопје, ВМРО-ДПМНЕ е апсолутен победник на овие локални избори
Со освоени 54 општини и градот Скопје, ВМРО-ДПМНЕ е апсолутен победник на овие локални избори. А владината коалиција, на овие...
Претседателот на општинската организација на СДСМ во Ѓорче Петров поднесе оставка
Претседателот на општинската организација на СДСМ во Ѓорче Петров, Костадин Ацевски, поднесе оставка поради лошите резултати на локалните избори. Според...
Александар Стојкоски го доби уверението за втор мандат како градоначалник на општина Ѓорче Петров
Општинската изборна комисија денес официјално му го врачи уверението за избор на Александар Стојкоски за градоначалник на општина Ѓорче Петров,...
Глобален индекс на мирот 2025: Русија најнебезбедна земја во светот, Македонија на 51. место
Институтот за економија и мир (IEP) го објави својот годишен глобален индекс на мирот, сеопфатна анализа што рангира 163 земји...
Уапсен возач во Скопје: прегазил пешак и избегал од местото на несреќата
Вчера во 19:10 часот во СВР Скопје е пријавено дека на улицата „Димитрие Чуповски“ во Скопје, патничко возило „фолксваген тигуан“...
Во двор во семејна куќа во Битолско организирани борби со кучиња: поведена постапка против двајца
Основното јавно обвинителство Битола поведе постапка против две лица за кривично дело – Убивање и мачење животни од член 233...
„Влен“: Со еден глас Албанците го запечатија крајот на ерата на Ахмети!
„Изборите што ги нарекоа „референдум“ завршија како политички суд против оние што го држеа албанскиот народ како заложник 23 години...
(Видео) Најмалку 20 мртви, а повеќе од 150 повредени во силниот земјотрес во Авганистан
Земјотрес со јачина од 6,3 степени го погоди северниот авганистански град Мазар-е Шариф рано наутро во понеделник, при што загинаа...
Брнабиќ: Поранешниот претседател на Србија, несреќа од човек, повикува на граѓанска војна
Претседателката на српското Собрание, Ана Брнабиќ, остро го критикуваше поранешниот српски претседател Борис Тадиќ откако тој ги повика граѓаните да...
Обвинител: Грабежот во „Лувр“ е дело на ситни криминалци, а не на професионалци
Спектакуларната кражба на накит од 88,4 милиони евра во музејот Лувр минатиот месец не е дело на професионални крадци во...
Трамп: Не размислувам да испратам ракети „томахавк“ во Украина
Американскиот претседател Доналд Трамп изјави дека всушност не размислува да ѝ даде на Украина крстосувачки ракети „Томахавк“ со долг дострел....
(Видео) Мециновиќ до гласачите на СДСМ: Браната е пукната и ние сме вашата опција, затоа што Левица е опозицијата на ВМРО-ДПМНЕ
Во изминатите два месеци постигнавме нешто што не можевме да го замислиме. Во создавањето на ова движење, во овие 60...
(Видео) Фатмир Дехари падна од народот кој се обедини против раскалашеноста и недомаќинското работење, рече Мицкоски за победата во Кичево
Премиерот и лидер на ВМРО – ДПМНЕ, Христијан Мицкоски, вечерва многу порано отколку во првиот круг прогласи голема победа на...
Орце Ѓорѓиевски: Скопје е ослободено!
Кандидатот на ВМРО-ДПМНЕ за градоначалник на Град Скопје, Орце Ѓорѓиевски, ја слави победата на денешните избори. Тој вели дека вечерва...
(Видео) Герасимовски: Центар што го сакаме е победнички и во сигурни раце
Кандидатот за градоначалник на Општина Центар од редовите на СДСМ Горан Герасимовски, вечерва во изјава за медиумите потенцираше дека денеска...
(Видео) Победата на Орце Ѓорѓиевски се слави пред Белата палата
Победата на кандидатот на ВМРО-ДПМНЕ за градоначалник на Скопје, Орце Ѓорѓиевски се слави пред Белата палата. Од обработени 97,69% досега,...
(Видео) Филипче: Покрај освоените три градоначалнички места во првиот круг, имаме победа уште во три
Претседателот на СДСМ, Венко Филипче вечерва на прес-конференција им честиташе на граѓаните за достоинственото гласање на вториот круг на изборите....
Митески: Голема победа во Аеродром со 18 илјади гласа
Кандидатот за градоначалник на Аеродром, од редовите на ВМРО-ДПМНЕ, Дејан Митески упати благодарност за можноста да ја води општината во...
