Свет
Прелиминарен извештај на СЗО за потеклото на Ковид-19: Првиот заболен клуч на истрагата

Прелиминарниот извештај на Светската здравствена организација (СЗО) за потеклото на коронавирусот препорачува поопширно пребарување на контактите на првиот познат пациент заболен од Ковид-19 во Вухан, Кина, како и на синџирот за снабдување на речиси 10 трговци на пазарот за морска храна во Хуанан, за кои се смета дека имале улога во раното ширење на Ковид-19 кон крајот на 2019 година.
На кинеските научници им биле потребни многу месеци за да ја направат првата истрага за потеклото на вирусот, тврдат истражителите запознаени со нацрт-извештајот, пренесува „Си-ен-ен“.
Тие рекоа дека сметаат дека е изненадувачки и неверојатно што кинеските научници не ја завршиле работата.
Препораките на Комисијата, меѓу другото, ќе се осврнат на две клучни линии на истрага, велат истражителите запознаени со нацрт-извештајот за „Си-ен-ен“.
Најпрво ќе побараат понатамошно работење на историјата на контакти на пациентот од Вухан, кој се разболе на 8 декември 2019 година, што е прв случај за кој кинеските научници и панелот на СЗО наведоа дека се разболел од ковид-19.
Идентитетот на пациентот не е објавен, но, според истражителите на СЗО, тој е канцелариски работник на околу 40-ина години, кој не патувал на егзотични дестинации и немал историја на контакти, а живеел со сопругата и детето.
Во прелиминарниот извештај што ќе биде презентиран следната недела, комитетот на СЗО исто така ќе препорача итна истрага за синџирот на снабдување на пазарот на морски плодови во Хуанан, велат истражувачите запознати со нацрт-извештајот.
Лидерот на мисијата на СЗО Питер Бен Ембарек одби да ги коментира деталите за секое понатамошно пребарување или тестирање на контактите што се потребни.
Тој за „Си-ен-ен“ изјави дека се потребни дополнителни истражувања.
Други научници изразија изненадување, па дури и неверување дека Кина очигледно не извршила понатамошни истраги, како во историјата на контакт на првиот пациент, така и во синџирот на снабдување на пазарот во Хуанан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Путин денеска изјави дека преговорите со САД во Алјаска биле „многу искрени и содржајни“

Рускиот претседател Владимир Путин денеска изјави дека преговорите со САД во Алјаска биле „многу искрени и содржајни“ и ги приближиле двете страни до донесување на неопходните одлуки.
– Разговорот беше многу отворен и по мое мислење нѐ доближува до потребните решенија, рече Путин на состанок во Кремљ посветен на резултатите од преговорите во Анкориџ.
Тој додаде дека долго време не биле водени преговори од ваков вид на толку високо ниво и дека имал можност „смирено и детално“ да ја изложи руската позиција. Според него, се дискутирало за сите аспекти на билатералната соработка, но главниот акцент бил ставен на можностите за праведно решавање на украинската криза.
На состанокот во Кремљ присуствуваа премиерот Михаил Мишустин, претседателот на Државната дума Вјачеслав Володин, раководителот на претседателската администрација Антон Вајно, како и секретарот и заменик-претседателот на Советот за безбедност Дмитриј Медведев и Сергеј Шојгу. Присуствуваа и вицепремиери, министри, како и гувернерката на Централната банка, претставници на ФСБ, Генералштабот и Рускиот фонд за директни инвестиции.
Путин најави дека детално ќе ги информира учесниците за разговорите со американскиот претседател Доналд Трамп. Состанокот во Кремљ продолжи зад затворени врати.
Регион
Црна Гора се бори со пожари

Седми ден по ред пожарите во Црна Гора не стивнуваат, а најкритично е во Подгорица, каде што и покрај тоа што ситуацијата е под контрола.
Началникот на Дирекцијата за цивилна заштита и намалување на ризици од катастрофи, Љубан Тмушиќ, соопшти дека најзагрозени области се Пипери и Кучки Корита. – Во овие подрачја се ангажирани сите расположливи ресурси – 12 возила и 42 пожарникари, рече Тмушиќ.
Посебна закана претставуваат и таканаречените „подземни пожари“ кои се активираат со пораст на температурите.
Во гаснењето се вклучени и армијата, како и помош од странство – Србија испрати хеликоптер, а вчера пристигна и швајцарски тим со 26 пожарникари и четири специјализирани возила. Поддршка дава и хеликоптер од Чешка.
Свет
(Видео) Четворица маскирани напаѓачи ограбија златарница во западниот дел на Сиетл

Четворица маскирани напаѓачи ограбија златарница во западниот дел на Сиетл и за помалку од две минути украдоа накит и луксузни предмети во вредност од околу два милиона долари, соопшти полицијата.
Настанот се случил во четвртокот попладне, а надзорните камери снимија како осомничените со чекани ги разбиваат заклучените стаклени врати и за 90 секунди празнат шест витрини. Меѓу украдените предмети се наоѓаат и „Ролекс“ часовници со проценета вредност од 750.000 долари и смарагдна огрлица вредна 125.000 долари, објави Еј-Би-Си њуз.
За време на грабежот, еден од напаѓачите им се заканувал на вработените со спреј против мечки и електрошокер, но никој не бил повреден.
„Длабоко сме потресени како вработени. Продавницата ќе биде затворена извесно време“, изјави потпретседателот на семејната златарница Џош Минаше.
Полицијата пристигнала веднаш по дојавата, но сторителите веќе избегале со возило и засега се недостапни за законот.