Забава
(Видео) Дру Баримур се расплака кога доби роденденска порака од ќерките и пријателите
Таа е самохрана мајка на две ќерки, Олив и Френки.
А во понеделникот Дру Баримор се расплака кога нејзините мали девојчиња ѝ посакаа среќен роденден во текот на една многу посебна епизода од нејзиното дневно ток-шоу.
Кога гостинката водителка Савана Гатри најави дека осумгодишната Олив и шестгодишната Френки снимиле порака за неа, Дру ги стави рацете на лицето и се расплака.
Девојчињата зборуваат во краток анимиран клип во кој се појавуваат како мачки.
„Здраво мама! Олив и јас сакавме да ти испратиме специјална порака на твојот роденден, па еве“, започна Френки. Потоа тие ја искажаа својата почит кон својата мајка, поранешната детска sвезда и популарна актерка, која во понеделникот наполни 46 години.
„Те сакаме повеќе од верверички и бисери или јадење сирење на ветре. Те сакаме повеќе од држење за раце или лулање на трапез“, рекоа девојчињата.
И на крајот Френки вели: „Остана уште нешто. Ти си најдобрата мајка на светот. Среќен роденден!“
Дру ги дели своите ќерки со поранешниот сопруг Вил Копелман од кого се разведе во 2016 година по четири години брак.
Неколку селебрити пријатели од нејзината четиридецениска холивудска кариера исто така испратија честитки за роденденот или снимки.
Камерон Дијаз, Стивен Спилберг и Дејвид Летерман сите ја изненадија Дру во шоуто, потсетвајќи ја на нејзините најнезаборавни моменти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Принцезата Шарлот денеска полни девет години, обожавателите со нетрпение очекуваат фотографија
Принцот и принцезата од Велс, имаат уште една причина за славење оваа недела – роденденот на принцезата Шарлот.
Принцезата Шарлот денеска наполни девет години и обожавателите со нетрпение ја очекуваа годишната роденденска фотографија што семејството ќе ја објави на нивниот посебен ден, објави Мирор.
Сепак, тие ја прекинаа традицијата минатата недела кога принцот Луис наполни шест години, а се чини дека планираат да го сторат истото и овој пат.
Забава
Принцот Вилијам ја воодушеви и шокираше сопругата Кејт со подароци: Најчуден е оној од почетокот на нивната врска
Повеќето сопрузи им подарувале на своите сопруги подароци за годишнината што би сакале да ги заборават, а принцот Вилијам не е исклучок.
Тој со текот на годините ја воодушевуваше и шокираше принцезата Кејт со подароци што таа или ги мразеше или сакаше, објави Мирор, истакнувајќи дека парот веќе ја прослави 13-годишнината од бракот.
Самиот Вилијам призна дека некои од неговите подароци биле погодени или промашени.
Принцот Вилијам (41) и купи на Кејт нежен часовник од 4.850 фунти Balloon Blu d Cartier за нивната трета годишнина од брак во 2014 година.
За време на кралската турнеја низ Канада во 2016 година, принцезата од Велс беше видена како носи часовник со ситни сафири, што одговараше на нејзиниот веренички прстен, исто така уште еден скап подарок.
Сепак, принцот Вилијам неодамна призна дека еднаш на својата сопруга и подарил двоглед на почетокот на нивната врска бидејќи во тоа време се чинело соодветно.
Принцот Вилијам и купил на својата сопруга комплет за накит вреден 121.000 фунти за нејзиниот роденден.
Се верува дека тоа било подарок за нејзиниот 30-ти роденден во 2012 година, иако тоа не е потврдено, а во 2022 година, Кејт носеше пар обетки од 100 фунти, кои беа божиќен подарок од принцот Вилијам од брендот Сезан.
Наука
Здравиот начин на живот го неутрализира влијанието на генетиката за повеќе од 60 проценти, покажува истражување
Здравиот начин на живот може да го компензира влијанието на генетиката за повеќе од 60 проценти и да додаде уште пет години на животот, според првата студија спроведена на оваа тема.
Добро е познато дека некои луѓе се генетски предиспонирани за пократок животен век, објави Гардијан.
Исто така, добро е познато дека факторите на животниот стил, особено пушењето, консумирањето алкохол, исхраната и физичката активност, можат да влијаат на долговечноста.
Сепак, досега не е направено истражување за степенот до кој здравиот начин на живот може да се спротивстави на генетиката.
Наодите од неколку долгорочни студии сугерираат дека здравиот начин на живот може да ги ублажи ефектите од гените што го скратуваат животот за 62 проценти и да додаде дури пет години на животот.
Резултатите беа објавени во списанието BMJ Evidence-Based Medicine.
Оваа студија ја појаснува клучната улога на здравиот начин на живот во ублажувањето на влијанието на генетските фактори врз скратувањето на животниот век, заклучија истражувачите.
Студијата опфатила 353.742 луѓе од Обединетото Кралство Биобанка и открила дека оние со висок генетски ризик за пократок живот имаат 21 отсто зголемен ризик од рана смрт во споредба со оние со низок генетски ризик, без оглед на нивниот животен стил.