Свет
Сателитски снимки од нуклеарна централа покажуваат дека Северна Кореја го зголемува производството на плутониум

Некои сателитски снимки сугерираат дека Северна Кореја можеби се обидува да произведе повеќе плутониум за атомско оружје во својата главна нуклеарна централа откако лидерот Ким Џонг-ун во јануари вети дека ќе ги зголеми активностите во таа област, пренесува АП.
Агенцијата наведува дека американската интернет-страница „38 норт“, која ги следи настаните во Северна Кореја, објави дека снимките од нуклеарниот комплекс во Јонгбијон покажуваат дека електраната на јаглен во овој објект работи по приближно двегодишна пауза.
Тој рече дека ова може да сугерира дека во тек се подготовки за обработка на плутониум потребен за нуклеарното оружје на Северна Кореја, но дека тоа исто така може да значи дека централата се подготвува само за ракување со радиоактивен отпад.
Претходно, генералниот директор на Меѓународната агенција за атомска енергија (МААЕ), Рафаел Гроси, потврди дека некои нуклеарни централи во Северна Кореја продолжуваат да работат, што е очигледна повреда на важечките резолуции на Советот за безбедност на Обединетите нации.
Plutonium is one of the two key ingredients to build nuclear weapons along with highly enriched uranium. NKorea’s Yongbyon complex, north of the capital city of Pyongyang, has facilities to produce both ingredients. https://t.co/AFi7CBShF7
— Hyung-jin Kim 김형진 (@hyungjin1972) March 4, 2021
Плутониумот е една од двете клучни состојки за изградба на нуклеарно оружје заедно со високо збогатен ураниум.
Комплексот Јонгбијонг, северно од главниот град Пјонгјанг, има погони за производство на обете компоненти, но не е познато колку досега е произведено во овој комплекс и каде се складира, според агенцијата.
„Ројтерс“ известува дека во јануари Ким ветил оти ќе го зголеми својот нуклеарен арсенал и обелоденил низа високотехнолошки системи за оружје насочени против САД, со порака дека судбината на билатералните односи меѓу двете земји зависи од тоа дали Вашингтон ја повлекува својата непријателска политика кон Северна Кореја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Украина и Русија разменија заробеници

Украина и Русија денес одржаа нова размена на воени затвореници според јунскиот договор, без да го откријат нивниот број.
Двете земји неколку пати разменија воени затвореници во последните недели, што е единствената област на соработка меѓу двете завојувани страни кои не постигнуваат напредок во мировните преговори, според медиумите.
„На 4 јули, нова група руски војници се врати од територијата контролирана од режимот во Киев“, соопшти руското Министерство за одбрана.
Објави видео на кое се прикажани околу петнаесет војници опкружени со знамиња и извикуваат „Русија“ во автобус.
Украинскиот претседател Володимир Зеленски, исто така, ја потврди размената, велејќи дека повеќето од затворениците биле во руско заробеништво од 2022 година, вклучувајќи и цивили.
„Размените мора да продолжат. Целта на Украина е да ги ослободи сите наши сонародници притворени во Русија“, напиша Зеленски на апликацијата Телеграм.
На 2 јуни, Киев и Москва се согласија да ги ослободат сите воени заробеници под 25 години и тешко ранетите, како и да ги вратат останките на паднатите борци, што беше единствениот позитивен исход од разговорите во Истанбул.
Двете страни неодамна престанаа да откриваат информации за ослободените затвореници.
Свет
(Видео) Трамп на митинг: Демократите ме мразат, но и јас ги мразам, не можам да ги поднесам

Претседателот на САД, Доналд Трамп, повторно предизвика бран реакции со шокантна изјава, пишуваат светските медиуми.
„Тие ме мразат, но и јас ги мразам“.
Зборувајќи на митинг во Ајова, Трамп коментираше за фактот дека демократите не го поддржаа неговиот закон, кој го нарекува „одличен, прекрасен закон“. Во таа пригода, тој рече: „Тие го мразат Трамп, но и јас ги мразам, знаете? Навистина не можам да ги поднесам. Бидејќи верувам дека ја мразат нашата земја“.
BREAKING: In a shocking moment, Trump declares that he is unable to be a President to ALL Americans, as he hates Democrats. "They hate Trump, but I hate them too. I really do, I hate them. I can’t stand them."
What a small, hateful man. pic.twitter.com/hUKIGMs9g5
— Really American 🇺🇸 (@ReallyAmerican1) July 4, 2025
Изјавата веднаш предизвика остри реакции, особено од демократската страна. Ова не е прв пат Трамп да користи слична реторика кон политичките противници. Така, неодамна го нарече демократскиот кандидат за градоначалник на Њујорк, Мамдани, „луд комунист“, според написите во медиумите.
Конгресот вчера го одобри законот на Трамп, кој демократите го нарекоа „одвратна гнасотија“. Трамп тврди дека ќе ја зајакне Америка со даночна реформа и инвестиции во војската и безбедноста, додека демократите предупредуваат на укинување на бројни социјални мерки, даночни олеснувања за најбогатите и дополнително зголемување на огромниот американски јавен долг.
Свет
Зеленски се договорил со Трамп за зајакнување на заштитата на украинското небо

Претседателот на Украина, Володимир Зеленски, изјави дека за време на телефонскиот разговор со неговиот американски колега, Доналд Трамп, се согласил да „ја зајакне заштитата“ на украинскиот воздушен простор по новиот масовен напад од страна на руски беспилотни летала и ракети.
„Разговаравме за опциите за противвоздушна одбрана и се согласивме да работиме заедно за зајакнување на заштитата на воздушниот простор“, рече Зеленски на Телеграм и додаде дека разговорот бил значаен.
Шефот на кабинетот на Зеленски, Андриј Јермак, изјави претходно денес дека телефонскиот разговор меѓу Зеленски и Трамп „бил многу важен и богат“.
Трамп претходно разговараше по телефон со рускиот претседател Владимир Путин, но немаше напредок кон прекинување на руската војна во Украина, пренесуваат светските агенции.