Свет
(Видео) Калифорниски сериски убиец задавен во затвор, издржувал неколку доживотни казни
Серискиот убиец од Калифорнија, Роџер Рис Киб (81), кој задави и силуваше најмалку седум жени, и самиот беше задавен во државниот затвор, соопштија официјалните лица.
Стражарите во неделата забележале дека Киб, познат како „Давител од патот I-5“ од седумдесеттите и осумдесеттите, не реагира на повиците. Покрај него стоел неговиот 40-годишен цимер Џејсон Бурдоу, осуден убиец со тетоважа „666“ на челото.
„Аутопсијата покажа дека е задавен“, рече шерифот од округот Амадор. Истрагата е во тек и засега против никого не е поднесено обвинение за неговото убиство.
Киб првпат бил осуден во 1991 година за давење на Дарсин Фракенпол, 17-годишна девојка, која избегал од својот дом во Сиетл. Нејзиното речиси целосно голо тело било пронајдено во 1987 година западно од градот Саут Лејк Тахо.
Во 2009 година истражител од канцеларијата на обвинителот на округот Сан Хоакин откри нови докази што го поврзуваат Киб со шест дополнителни убиства во неколку окрузи во Северна Калифорнија.
Тој издржуваше неколку доживотни затворски казни.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белоруски министер за надворешни работи: Украина се обидува да пренесе оружје на територијата на Белорусија за напад
Министерот за надворешни работи на Белорусија Сергеј Алејник изјави дека Украина често провоцира обиди за транспорт на оружје и експлозиви на белоруска територија, што може да се користи за терористички акти во Русија.
Алејник за РИА Новости изјави дека во текот на оваа и минатата година биле запрени 40 канали за транспорт на оружје и експлозиви од Украина на територијата на Белорусија и оценил дека тоа е загрижувачка информација.
Тој додаде дека Комитетот за безбедност на Белорусија неутрализирал 20 и притворил околу 30 диверзанти кои преминале од Украина во Белорусија и подготвувале терористички акти.
Свет
Во регионот Суми, високонапонски објект на Укренерга оштетен во руски напад
Високонапонскиот објект на Националната енергетска компанија „Укренерго“ е оштетен во рускиот напад со беспилотни летала и ракети врз регионот Суми во Украина.
„Меѓу оштетената цивилна инфраструктура е и високонапонскиот објект „Укренерга“. Екипите за поправка на „Укренерга“ работат на постепено враќање на снабдувањето со енергија на потрошувачите“, изјавил операторот, а пренесува „Укринформ“.
Во соопштението се додава дека руските напади врз енергетските капацитети во регионот Харков не престануваат и дека во неделата од безбедносни причини била исклучена опремата на локалната регионална енергетска компанија.
Регион
(Фото) Трагедија: Поради семејно насилство мајка со трите деца се фрлила в река во Албанија
Полицијата во Албанија соопшти дека мајка со три деца се фрлила во реката Бојана и дека нејзиниот маж е уапсен. Полицијата го уапсила Ергис Арази (31) поради насилство врз сопругата Алма Арази (39), која наводно се самоубила со трите деца. Децата беа на возраст од девет, шест и четири години, пишува Блиц, кој пренесува на порталот Euronews.al.
View this post on Instagram
По трагичниот настан, рибар го пронашол телото на 9-годишната ќерка, а надлежните се уште трагаат по телата на мајката и уште двете деца кои исчезнаа пред три дена. Полицијата наведува дека постои сомневање дека мајката го напуштила станот со децата бидејќи сопругот ги малтретирал. Тој додава дека Арази (31) и претходно бил осуден за обвиненија поврзани со дрога.