Забава
Жена се шокирала кога видела актерка од ТВ-сапуница како лежи во нејзиниот кревет
Судот во Кина им наложи на две продуцентски куќи на ТВ-драмска серија и една агенција за недвижнини да ѝ платат вкупно 400.000 јуани (83.000 американски долари) на една жена затоа што ја користеле нејзината вила за снимање сцени за серија без нејзино одобрение.
Жената изнајмила агенција за управување со недвижнини да ја чува нејзината викендичка кога таа не е таму. Во текот на нејзиното отсуство, компанијата им дозволила на неколку телевизиски екипи да влезат во куќата и да снимаат, и наплатувала надомест без знаење или согласност на сопственичката, пренесува „Саут Чајна морнинг пост“.
Жената, идентификувана во судските документи само со презимето Лин, сфатила дека нејзината куќа ја користеле други кога ја гледала ТВ-серијата Heart-to-Heart Dialogue во септември 2019 година. Таа изјави дека се шокирала кога ја видела главната актерка како спие во нејзиниот кревет.
Лин ја купила вилата во Сикси, Зeијанг за 30 милиони јуани во 2014 година, објави порталот за вести The Paper.
Бидејќи живее во Хангжу, таа потпишала договор со компанијата за управување со недвижнини, чие име не беше објавено во кинеските медиуми, да се грижи за вилата додека таа е отсутна пред да им ги предаде клучевите.
Сопственичката тврди дека над 60 сцени се снимени во вилата, вклучително и во главната спална соба и дека ТВ-екипата предизвикала материјална штета, вклучувајќи скршено стакло, извалкани теписи, расипан лифт и оштетен мебел.
Судот им наложил на двете продуцентски компании и на агенцијата за недвижнини да ја поделат сумата на оштетата меѓу себе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.