Забава
Зошто некои личности во кралското семејство се принцови и принцези, а некои не
Британски медиуми деновиве се обидоа да дадат објаснување на указот на кралот Џорџ Петти од 1917 година.
Уште од првото емитување на интервјуто на војводата и војвотката од Сасекс во неделата вечерта, се појавија прашања зошто нивниот син Арчи Маунтбатен-Виндзор не е принц.
Во интервјуто, Меган ѝ кажува на Опра дека протоколот е променет за Арчи, што значи дека тој нема да има титула. „Тие велеа дека не сакаат тој да биде принц или принцеза, што ќе се разликува од протоколот, и дека тој немаше да добие 24-часовно обезбедување“, рече Меган.
Таа се повикува на указ на Џорџ Петти од 1917 година, но што е тоа, кој може и кој не може да биде принц и принцеза во кралското семејство?
Слично како неговиот правнук, принцот Чарлс, кралот Џорџ Петти имал намера да ја намали монархијата што се однесува до бројот на членови со титула. Тој донел нов закон во 1917 година, со кој се ограничува бројот на кралски роднини што можат да ја користат титулата принц или принцеза.
Според тој закон, децата на кој било суверен на Обединетото Кралство и децата на синовите на кој било таков суверен и најстариот жив син на најстариот син на принцот од Велс ќе го поседуваат титуларниот атрибут Кралско Височество на принцот или принцезата, како префикс на нивните христијански имиња или со други почесни титули.
Внуците на синовите на кој било таков суверен во директна машка линија (најстариот жив син на најстариот син на принцот од Велс) ќе имаат титула што ќе ја уживаат децата на војводите.
Кралицата донесе нов закон во 2012 година пред раѓањето на принцот Џорџ за да осигури дека сите деца на Кембриџови ќе бидат насловени како принц и принцеза, и покрај правилото што обично важеше само за најстариот син. Ова би значело дека, доколку беше родена принцезата Шарлот пред нејзиниот брат, таа немаше да биде принцеза, туку лејди Шарлот Маунтбатен-Виндзор.
Значи, иако Арчи автоматски немаше да биде принц при неговото раѓање, Сасексови тврдат дека постоело очекување кралицата да го смени протоколот на сличен начин како што беше за децата на Вилијам.
Во таков случај, на Арчи ќе му беше доделена титулата принц по смртта на кралицата и крунисувањето на неговиот дедо, принцот Чарлс, иако Меган ѝ рече на Опра дека ѝ било кажано дека такво нешто нема да се случи. На Меган, наводно, ѝ било предочено дека дури и со таа конвенција што автоматски ги прави сите внуци на монархот принцови или принцези, Арчи нема да стане принц.
Со планот да ја намали сопствената кралска куќа, кралот Џорџ Петти се модернизираше за да преживее, наспроти растечкото антиројалистичко чувство во Европа. Поради големиот број деца на неговата баба кралицата Викторија и принцот Алберт, од кои многу се венчаа во други кралски семејства низ цела Европа, кралското семејство значително се зголеми.
Има причина зошто кралицата Викторија честопати ја нарекуваат „баба на Европа“, така што неговата одлука во врска со кралските титули е доста предвидлива.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.