Свет
Нетанјаху ја одложи посетата на Емиратите поради несогласување со Јордан
Кабинетот на премиерот Бенјамин Нетанјаху денес објави дека е откажана посетата на израелскиот лидер на Обединетите Арапски Емирати (ОАЕ) поради несогласувања со јорданската влада, пренесува АП.
Агенцијата наведува дека кабинетот на израелскиот премиер преку соопштение објави дека посетата е привремено одложена поради тешкотии во координирањето на неговиот лет во јорданскиот воздушен простор.
Кабинетот соопшти дека несогласувањето со Јордан настанало поради претходното откажување на посетата на јорданскиот наследник на престолот на светилиштето во Ерусалим, што го почитуваат и муслиманите и Евреите, а кое се случило затоа што немало договор за безбедносни мерки, пренесува АП.
Израелските медиуми јавија дека принцот на Јордан, престолонаследникот Хусеин бин Абдула Втори, планирал да го посети светото место во Ерусалим, но се вратил од граничниот премин поради несогласувања со израелските власти за бројот на членови на неговата вооружена придружба.
Јорданската влада не одговори веднаш на барањето на агенцијата за коментар по ова прашање, а претходно беше објавено дека денешната хоспитализација на сопругата на израелскиот премиер, Сара Нетанјаху, поради слепо црево го довела во прашање неговото историско патување во ОАЕ пред изборите во Израел.
ОАЕ е трета арапска земја по Египет и Јордан што во август воспостави официјални дипломатски односи со Израел, наведува агенцијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најмалку две лица загинаа, а голем број се повредени во торнадото во Тексас и Оклахома
Најмалку две лица загинаа, а голем број се повредени во торнадото што ги погоди американските сојузни држави Тексас и Оклахома.
Торнадото предизвика штети на автопатот што ги поврзува двете држави, како и на домови и далноводи во бројни градови во Тексас, Оклахома и Арканзас, оставајќи 250.000 домаќинства без струја.
„Торнадо го погоди округот Дентон во саботата вечерта, а нема извештаи за повредени“, соопштија локалните власти.
Регион
Непознат маж се обидел насилно да влезе во пилотската кабина на авионот на аеродромот Гардермоен во Осло
Непознат маж се обидел насилно да влезе во пилотската кабина на авионот на „Норвешка Ер“ на аеродромот Гардермоен во Осло, кој требало да полета на летот DI1990 за Сплит во 6.50 часот, а кога не успеал, се заклучил во тоалетот во задниот дел од авионот, објави хрватски Дневник.
Норвешката полиција подоцна го идентификуваше лицето како 23-годишен хрватски државјанин.
Мотивите за овој чин засега не се познати.
Авионот бил полн со патници кои главно патувале во централна Далмација на одмор. Повеќето од нив не забележале дека се случува нешто необично, дури ни оние што седеле напред.
„Авионот веќе полета и додека се движеше кон делот од пистата, наеднаш застана. Првото известување до пилотот било дека има технички проблеми и дека мора да застанат. Полицајците влегле во предниот дел и по краток разговор се упатиле назад каде што се заклучил. Во авионот имало тепачка, сите сакале да видат што се случува, па не било јасно дали полициските сили влегле во тоалетот или патникот сам се предал. Секако, тројца полицајци му ставиле лисици и преку пистата го одвеле до аеродромската зграда“, изјави еден од патниците кој со сопругата патувал за Водице, Хрватска.
Како што подоцна соопшти полицијата, патникот не бил во алкохолизирана состојба или под дејство на други опијати. Засега не е познато кои биле неговите крајни намери.
По завршувањето на сите формалности, новиот лет за Сплит пристигна околу 9 часот.
Компанијата им се извини на сите патници за доцнењето од два часа.
Свет
Седум бебиња загинаа во голем пожар во болница во источниот дел на Њу Делхи
Седум бебиња загинаа во голем пожар во болница во источниот дел на Њу Делхи, а пет се спасени и префрлени во друга болница, соопштија денеска локалните власти.
Сопственикот на болницата за бебиња во која избувна пожарот во саботата е во бегство, соопшти полицијата.
Како што пренесе Тајмс оф Индија, пожарот е ставен под контрола, а истрагата за причините за несреќата е во тек.