Забава
Запознајте ја „црната вдовица“, новата улога на Лејди Гага во „Куќата Гучи“
Лејди Гага патува низ Италија како дел од екипата која снима филм за Патриција Реџани, попозната под прекарот „црната вдовица“, сопруга на убиениот наследник на модната династија „Гучи“.
Од Рим до Милано и Алпите, папараците го следат секој чекор на американската пејачка и актерка нагоре и надолу по италијанскиот полуостров.
Во филмот „Куќата Гучи“ во кој играат и Адам Драјвер, Ал Пачино, Џереми Ајронс, Адам Драјвер и Џеред Лето, Лејди Гага ја глуми Патриција Реџани, која беше обвинета и осудена за планирање на убиството на нејзиниот поранешен сопруг, наследникот на Гучи, Маурицио Гучи.
Тој беше убиен од платен убиец пред својата канцеларија во Милано во 1995. Патриција ја уапсија две години подоцна, за потоа да биде осудена на 29 години затвор. Патриција, која од медиумите доби прекар Црна Вдовица, беше ослободена во 2016 поради добро однесување.
Гага ќе се најде во главната улога, пренесувајќи ја приказната на жената која го нарачала убиството на својот поранешен сопруг.
Филмот во режија на Ридли Скот ќе се осврне на едно од најстрашните злосторства во Италија во високото друштво.
Приказната е базирана на книга на Сара Геј Форден од 2001 година, со наслов „Куќа на Гучи: Сензационална приказна за убиство, лудило, гламур и алчност“.
Странските медиуми коментираат дека животот на Патриција – гламурозниот брак со наследникот на Гучи и скандалозното обвинение – е приказна која заслужува филмско платно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Принцезата Шарлот денеска полни девет години, обожавателите со нетрпение очекуваат фотографија
Принцот и принцезата од Велс, имаат уште една причина за славење оваа недела – роденденот на принцезата Шарлот.
Принцезата Шарлот денеска наполни девет години и обожавателите со нетрпение ја очекуваа годишната роденденска фотографија што семејството ќе ја објави на нивниот посебен ден, објави Мирор.
Сепак, тие ја прекинаа традицијата минатата недела кога принцот Луис наполни шест години, а се чини дека планираат да го сторат истото и овој пат.
Забава
Принцот Вилијам ја воодушеви и шокираше сопругата Кејт со подароци: Најчуден е оној од почетокот на нивната врска
Повеќето сопрузи им подарувале на своите сопруги подароци за годишнината што би сакале да ги заборават, а принцот Вилијам не е исклучок.
Тој со текот на годините ја воодушевуваше и шокираше принцезата Кејт со подароци што таа или ги мразеше или сакаше, објави Мирор, истакнувајќи дека парот веќе ја прослави 13-годишнината од бракот.
Самиот Вилијам призна дека некои од неговите подароци биле погодени или промашени.
Принцот Вилијам (41) и купи на Кејт нежен часовник од 4.850 фунти Balloon Blu d Cartier за нивната трета годишнина од брак во 2014 година.
За време на кралската турнеја низ Канада во 2016 година, принцезата од Велс беше видена како носи часовник со ситни сафири, што одговараше на нејзиниот веренички прстен, исто така уште еден скап подарок.
Сепак, принцот Вилијам неодамна призна дека еднаш на својата сопруга и подарил двоглед на почетокот на нивната врска бидејќи во тоа време се чинело соодветно.
Принцот Вилијам и купил на својата сопруга комплет за накит вреден 121.000 фунти за нејзиниот роденден.
Се верува дека тоа било подарок за нејзиниот 30-ти роденден во 2012 година, иако тоа не е потврдено, а во 2022 година, Кејт носеше пар обетки од 100 фунти, кои беа божиќен подарок од принцот Вилијам од брендот Сезан.
Наука
Здравиот начин на живот го неутрализира влијанието на генетиката за повеќе од 60 проценти, покажува истражување
Здравиот начин на живот може да го компензира влијанието на генетиката за повеќе од 60 проценти и да додаде уште пет години на животот, според првата студија спроведена на оваа тема.
Добро е познато дека некои луѓе се генетски предиспонирани за пократок животен век, објави Гардијан.
Исто така, добро е познато дека факторите на животниот стил, особено пушењето, консумирањето алкохол, исхраната и физичката активност, можат да влијаат на долговечноста.
Сепак, досега не е направено истражување за степенот до кој здравиот начин на живот може да се спротивстави на генетиката.
Наодите од неколку долгорочни студии сугерираат дека здравиот начин на живот може да ги ублажи ефектите од гените што го скратуваат животот за 62 проценти и да додаде дури пет години на животот.
Резултатите беа објавени во списанието BMJ Evidence-Based Medicine.
Оваа студија ја појаснува клучната улога на здравиот начин на живот во ублажувањето на влијанието на генетските фактори врз скратувањето на животниот век, заклучија истражувачите.
Студијата опфатила 353.742 луѓе од Обединетото Кралство Биобанка и открила дека оние со висок генетски ризик за пократок живот имаат 21 отсто зголемен ризик од рана смрт во споредба со оние со низок генетски ризик, без оглед на нивниот животен стил.