Македонија
Министерството за здравство: За пет години, ниту еден лекар не се пријавил за работа во Поликлиниката во Шуто Оризари
Министерството за здравство информира дека за Поликлиниката во населбата Шуто Оризари, која работи во склоп на Здравствениот дом Скопје, за период од пет години, почнувајќи од 2015, па сѐ до 2020 година, има распишано шест огласи за издавање ординации по општа медицина за матични лекари.
Од таму велат дека на ниту еден оглас досега не се пријавил лекар за работа.
Во моментот во тек е седмиот оглас за кој јавното надавање ќе биде на 7 април.
„Поликлиниката во склоп на Здравствениот дом ‘Шуто Оризари’ има четири приватни здравствени установи, и тоа ординации по општа медицина, кои во моментот се слободни поради пензионирање матични лекари. Доколку и на овој седми оглас по ред нема да се пријават невработените матични лекари, Здравствениот дом – Скопје како давател на простор за вршење здравствена дејност и понатаму ќе нема избор, туку да продолжи да го објавува огласот за издавање на просторот сѐ со цел да се јават лекари што би работеле во овие ординации за да може да се укаже адекватна здравствена услуга и да се унапреди здравствениот статус на граѓаните од оваа општина“, велат од МЗ.
Во моментот во Поликлиниката „Шуто Оризари“ има вкупно 14 вработени лица, од кои осум се здравствени работници и шест дел од техничката служба.
Од МЗ велат дека на годишно ниво во Поликлиниката „Шуто Оризари“ се реализираат речиси 30.000 прегледи.
Во 2017 година беше отворена и ординацијата по гинекологија, но таа, по една и пол година, беше затворена затоа што докторката го раскина договорот за закуп со Здравствениот дом – Скопје. Во моментот Министерството за здравство опремува нова гинеколошка ординација, која набргу ќе почне со работа.
Деновиве повеќе граѓански здруженија побараа институциите да не ги забораваат граѓаните на општина Шуто Оризари, кои немаат матичен лекар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.