Македонија
(Видео) Заев: Јавното здравство го нуди она што го има и приватното

Премиерот Зоран Заев на седницата за пратенички прашања во парламентот,ж одговори и на пратеничко прашање во врска со справувањето на државата со пандемијата и побара да не се шират, како што рече, лажни пропаганди и да се поигрува со чувствата на граѓаните со цел добивање политички поени.
„Јавното здравство е достапно за сите. Болен од коронавирус не плаќа ништо во јавното здравство. Ништо повеќе нема во приватното здравство што има во јавното. Сè што не може да се најде како лек или лекарска интервенција државата плаќа во приватното здравство или надвор од државата и ова важи за сите граѓани“, рече Заев.
Тој во обраќањето побара да не се напаѓаат неосновано здравствените експерти или да се упатуваат закани кон министерот за здравство и претставници на Владата бидејќи тоа се закани.
„Нема повисок приоритет од здравјето на луѓето и никој нема да нè спречи да го штитиме здравјето на граѓаните“, порача премиерот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сообраќајот низ државата се одвивa непречено, по наместа влажни коловози

Сообраќајот на државните патишта се одвивa непречено, по наместа влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја Шуто Оризари и Зелениково

Од ЕВН Македонија АД известуваат дека денеска без електрична енергија ќе останат:
– во периодот од 08.30 до 12.00 часот, дел од корисниците од ул. Гарсија Лорка (општина Шуто Оризари)
– во периодот од 09.00 до 16.00 часот, корисниците од Градовци, Тисовица, Гумалево, Пакошево, Спектар Комерц, Добрино, Дејковец, Ново Село и Пакошево (општина Зелениково)
Македонија
Прекинато водоснабдување во делови од Карпош

Од ЈП Водовод и Канализација известуваат дека денеска (четврток) поради уличен дефект на ф 1000 мм на ул Копенхагенска, на раскрсница со Стокхолмска,бб, прекинато водоснабдување ќе имаат корисниците на улиците Копенхагенска, Стокхломска, Софиска, Његошева, Гаврил Лесновски и Петар Драганов од 09:00 часот до завршување со работните обврски. ( општина Карпош ).