Свет
САД создаваат пречки за враќање на сириските бегалци, смета руско-сириската Дирекција за меѓусекторска координација

САД спроведуваат пакет мерки за да спречат враќање на сириските бегалци во нивната земја, се вели во понеделничката заедничка изјава на руско-сириската Дирекција за меѓусекторска координација, пренесува ТАСС.
„И покрај колосалните напори да се создадат поволни услови за враќање на сириските граѓани во родната земја преземени од сириските власти, САД и нивните сојузници продолжуваат да спроведуваат цел пакет мерки, вклучително и невидена пропагандна кампања што е насочена кон спречување на бегалци на територијата на земјите соседи со Сирија “, се нагласува во соопштението.
„Сметаме дека е потребно да го свртиме вниманието кон на проценката на Канцеларијата на Високиот комесаријат на Обединетите нации за бегалци во врска со можностите за враќање на граѓаните на Сириската Арапска Република од земјите на Блискиот Исток во нивната родна земја, според кои над 70 отсто ќе се вратат на местата на постојан престој. Во врска со тоа се појавува логично прашање зошто ова сè уште не се случило ” посочува документот.
Според дирекцијата, американската страна има корист од нестабилната состојба во Сирија за да продолжи да го оправдува своето незаконско присуство и да ги ограбува природните ресурси што му припаѓаат на сирискиот народ.
„Токму со оваа цел, информативните агенции контролирани од САД шират лажни вести за ситуацијата во Сирија, плашејќи ги Сиријците и спречувајќи го нивното враќање дома“, се вели во соопштението.
Во исто време, се посочува дека токму на територијата контролирана од американска страна во Североисточна Сирија се забележува брзо влошување на ситуацијата во бегалскиот камп „Ал-Хаул“, каде што остануваат активни припадници на терористичката Исламска држава.
„Со премолчана согласност од американската страна, милитантите организираа канал за испорака на оружје, муниција и средства за комуникација до логорот. Во ‘Ал-Хаул’ функционираат судови создадени од џихадистите. Сè почести се убиства на жители на кампот кои не го поддржуваат радикалниот екстремизам. Значително внимание се посветува на идеолошко перење на мозокот на малолетници за нивно радикализирање и зголемување на бројот на милитанти“, се нагласува во документот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Грета Тунберг изложена на суров третман во израелскиот притвор

Шведската активистка Грета Тунберг изјави дека била изложена на суров третман додека била во израелски притвор, откако израелските сили ја пресретнале хуманитарната флотила која носела помош за Газа и ги уапсиле членовите на екипажот.
Во е-писмо испратено од шведското Министерство за надворешни работи до луѓе блиски до Тунберг, а до кое имал пристап „Гардијан“, се наведува дека активистката била затворена во ќелија полна со креветни бубачки и со недоволно храна и вода.
Според очевидци, Тунберг се жалела дека била дехидрирана и дека не примала доволно храна и вода. Таа исто така пријавила дека развила осип, за кој смета дека е предизвикан од креветни бубачки.
Исто така, според сведочења од други членови на флотилата, израелските сили ја принудиле Тунберг да држи израелско знаме.
Турската активистка Ерсинчелик, која била сведок на настанот, изјавила дека Тунберг била влечена за коса, тепана и принудена да го бакне знамето. Според неа, ова било предупредување за другите активисти.
Новинарот Лоренцо Д’Агостино, исто така дел од флотилата, по враќањето во Истанбул ја опишал ситуацијата како „невозможно да се поверува“, бидејќи Тунберг била завиткана во израелско знаме и парадирала со него, што предизвикало гнев и неверица меѓу присутните.
Инаку, Тунберг е меѓу 437 активисти, пратеници, адвокати, кои беа дел од флотилата „Глобал Сумуд“, која се состоеше од повеќе од 40 бродови што носеа хуманитарна помош, чија цел беше да се пробие 16-годишната израелска поморска блокада на Газа.
Израелските сили ги пресретнаа сите бродови и ги уапсија сите членови на екипажот на бродот. Повеќето од нив се наоѓаат во Кезиот, познат и како Ансар III, затвор со висок степен на безбедност во пустината Негев, кој првенствено се користи за држење палестински затвореници, од кои многумина Израел ги обвинува за вмешаност во милитантни или терористички активности.
Свет
(Фото+видео) Масовен руски напад врз Украина, Полска подигна борбени авиони

Русија изврши серија напади врз Украина во текот на ноќта, при што беа убиени и повредени неколку лица. Полска распореди борбени авиони поради опасноста по својот воздушен простор, јавуваат локалните медиуми.
Украина објави дека во рускиот напад врз Запорожје едно лице било убиено, а шест други ранети, меѓу кои и 16-годишно девојче.
There are water and electricity outages in Zaporozhye after a combined attack by multiple drones and KAB bombs struck the city. pic.twitter.com/Tg3X5eUEYR
— Gabe (@GabeZZOZZ) October 5, 2025
Шефот на југоисточниот украински регион, Иван Федоров, објави дека во рускиот „комбиниран напад“ (напад со ракети и беспилотни летала) една жена била убиена, а шест други лица ранети. Според Федоров, лекарите им обезбедиле неопходна медицинска помош на повредените.
Во времето на нападот, во 4:09 часот по локално време, низ цела Украина била прогласена национална воздушна тревога.
🇷🇺🇺🇦 Large fire is burning in Lviv following Russian missiles and drones strikes.
In addition to reported strikes on Lviv, Zaporozhye, and Odessa. Russian strikes also took place in Kharkiv, Dnepropetrovsk, Ivano-Frankivsk, Rivne, and the Chernihiv regions. pic.twitter.com/WfpWQdvUgy
— Heyman_101 (@SU_57R) October 5, 2025
Полските вооружени сили објавија дека ставиле во готовност воздушна одбрана и распоредиле борбени авиони за заштита на својот воздушен простор, особено во близина на украинската граница.
Во последните денови, Русија ги интензивираше нападите врз енергетската инфраструктура на Украина, со оглед на намалените температури и приближувањето на зимата. Овој викенд, Москва го спроведе најголемиот напад досега на украинската гасна мрежа. Нападите во саботата предизвикаа прекин на снабдувањето со електрична енергија за околу 50.000 домаќинства во северниот регион Чернигов.
Another massive attack on the west of Ukraine. Missiles and drones.
Every night Ukraine stands between russia and Europe.
When Ukraine can’t – who will protect you? pic.twitter.com/feoWYvW8Hm— Tetїana 🇺🇦 (@TPSpindel) October 5, 2025
Во Лавовската област, најмалку две лица биле убиени, а две повредени во напад со руски дрон и ракета во текот на ноќта. Командата на украинските воздухопловни сили и системите за противвоздушна одбрана соопштија дека Киев и голем број други региони беа мета на воздушни напади од страна на Русија.
Покрај Киев, нападите ги погодија и следниве региони: Хмелницки, Деражња, Сатанив, Виницки регион, Вапњарка, Немиров, Жмеринка, Козјатин, Запорожје, Днепар, Одеса.
Свет
Турскиот парламент ќе разгледува закон за построги казни за малолетници кои извршуваат тешки кривични дела

Турскиот парламент во наредните денови ќе започне разгледување на предлог-закон кој предлага построги казни за малолетници кои извршуваат тешки кривични дела, објавија локалните медиуми.
Промените се разгледуваат од страна на парламентарната комисија за правда, која е составена од претставници на владејачката Партија на правдата и развојот, како и правни експерти.
Според предложените измени во кривичниот закон, горната граница за должината на казната за лица постари од 15 години и помлади од 18 години ќе се помести на 27 години затвор.
Доколку сторителот на тешко кривично дело бил малолетник во времето на извршувањето и постар од 15 години, може да биде осуден на затворска казна од 18 до 27 години.
Според законот, малолетниците на возраст меѓу 15 и 18 години кои ќе извршат убиство со умисла нема да добијат намалена казна ако се утврди дека убиството е извршено на суров и однапред смислен начин или ако претходно биле осудени за други кривични дела.