Регион
Зголемен бројот на лажни ПЦР-тестови од Балканот во Австрија, се вршат строги контроли
Австриските власти вршат строги контроли на влезот во земјата и сè повеќе се соочуваат со фалсификувани негативни ПЦР или антигенски тестови, кои се потребни за патување во Австрија.
Веќе со месеци е воспоставен построг режим за влез во Австрија и само австриски државјанин или некој со дозвола за престој може да влезе во земјата, со неколку исклучоци.
Сепак, кој сака да влезе мора да има негативен корона-тест, што мора да го покаже на границата, и мора да се регистрира однапред преку интернет, по што мора да биде во десетдневен карантин.
За многу патници, негативниот тест за корона е очигледно проблем, бидејќи сè почесто полицијата наидува на лажни тестови. Во моментот, како што пренесува весникот „Хојте“, бил забележан „бум“, пред сè на лажни тестови од Србија и Босна и Херцеговина.
На Балканот лажен тест може да се добие по цена до 40 евра и тоа дигитално или отпечатен на хартија, тврди весникот. Затоа полицијата, особено во покраината Корушка, детаљно ги проверува тестовите на патниците кои влегуваат од Словенија.
Припадник на полицијата за австриската телевизија „АТВ“ изјави дека тие биле специјално обучени да откриваат фалсификувани тестови.
Тој вели дека наишле и на тестови каде што датумот бил променет или документот бил целосно лажен. Кога властите ќе откријат лажен тест, тогаш на лицето кое го направило достапно му се заканува строга казна.
Против него се поднесува пријава, бидејќи станува збор за прекршок фалсификување документи, за што е предвидена казна затвор до една година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ужас во Загреб: пронајдено тело во автомобил во одводен канал
Граѓани попладнево во одводен канал во Загреб пронашле возило со тело на непознато лице, соопшти полицијата.
Повикот во полиција стигнал нешто по 13 часот.
Полицијата набрзо пристигнала на локацијата меѓу Антуновац и Тења и потврдила дека лицето во возилото починало, пишува Вечерњи лист.
Истрагата е во тек.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.