Забава
Историскиот триумф на Клои Жао цензуриран во Кина
Историската победа на режисерката Клои Жао на годинешните „Оскари“ беше омаловажувана и цензурирана во Кина неколку месеци по критиките дека ја навредува земјата во која е родена.
Претходно, во интервју за списанието „Филм-мејкер“, Жао ги опиша своите тинејџерски години во Кина како место каде што има лаги насекаде. „Многу информации што ги добив кога бев помлада не беа точни и станав многу бунтовна кон моето семејство и моето потекло“.
Во понеделникот во Кина имаше заглушувачки молк за победата на Жао, која се најде во светските наслови бидејќи е прва Азијка со „Оскар“ за најдобра режија.
Клои, родена во Пекинг, а моментно живее во САД, е првата Азијка што триумфира во категоријата најдобра режија за „Земја на номади“. Филмот беше прогласен за најдобар, уште еден голем трофеј за неа.
Ниту еден медиум во Кина не го пренесуваше настанот во живо и не беше споменат „Оскарот“ за 39-годишната Клои во „Пиплс дејли“ или во новинската агенција „Ксинхуа“, официјалните кинески гласила.
На социјалните мрежи имаше мала дискусија на оваа тема. На Douban, популарeн кинески форум на кој се оценуваат филмови, нема тема посветена на 93. „Оскари“. Индивидуални блогери на Weibo и WeChat, двете најчесто користени платформи за социјални медиуми во Кина, ги видоа своите објави во голема мера цензурирани.
Гуда Бахуа, популарна инфлуенсерка на „Веибо“, со 13 милиони фанови, која главно преведува вести за американски шоуа, коментари и настани во живо, сподели видео од говорот за прифаќање на Жао со нејасен наслов „Говор на доделувањето ‘Оскар’“ за да избегне цензура. Но, два часа подоцна, нејзиниот видеозапис беше отстранет. Подоцна таа покажа снимка од порака од „Веибо“, во која е наведено дека видеото „не ги помина рецензиите на „Веибо“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Најнесреќните хороскопски знаци во јуни: дали сте меѓу нив?
Јуни може да биде тежок месец за некои знаци. Астрологијата може да биде многу моќна алатка за предвидување потенцијални проблеми. Три знаци овој месец ќе имаат посебни потешкотии да се справат со претстојните ситуации и на љубовен и на финансиски план.
Кои се најнесреќните хороскопски знаци во јуни?
Рак
Овој месец ќе ви биде тежок, бидејќи повторно ќе потонете во носталгија, Рак. Ќе се чувствувате како да не сте доволно ценети, и покрај тоа што се чувствувате како да ја носите тежината на светот на грб. Јасната и мирна комуникација без поплаки и обвинувања ќе ви овозможи решение за личните проблеми, а во време кога ќе ви бидат погодени финансиите. Држете се настрана од ризични инвестиции и бидете многу внимателни во вашите трансакции. Се предвидуваат професионални промени кои на прв поглед ќе имаат негативен ефект. Но, не заборавајте дека промените носат и добри работи.
Лав
Романтичните врски ќе поминат низ криза и ќе почувствувате дека ви треба одмор од партнерот. Притисоците од секојдневието ве трошат, но трпението ќе ви биде добар сојузник во овој случај. Посветете посебно внимание на вашето здравје и не оставајте ги ни најмалите неиспитани. Ставете ги вашите потреби на прво место и обидете се да се насмеете пред тешкотиите бидејќи само така ќе ги надминете.
Вага
Тајните и прикривањата ги тресат вашите врски, Ваги. Лагите од другата страна ќе ве вознемират, но не паѓајте во истата замка постојано и одново. Запомнете дека искреноста е на прво место. Мирната комуникација е најдоброто решение. Изразете го она што го чувствувате и внимателно слушајте што другите имаат да кажат. Познати сте по љубовта кон рамнотежа и смиреност и знаете како да ги заработите.
Забава
Џеј Ло и Афлек фотографирани заедно на натпревар, се бакнаа во образ пред папараците
Џенифер Лопез и Бен Афлек беа на кошаркарскиот натпревар на Семјуел, 12-годишниот син кој актерот го доби во бракот со Џенифер Гарнер.
Џеј Ло и Бен се сретнаа на влезот од салата во Санта Моника, Калифорнија. Актерот се смешкал, а кога се сретнале се бакнале во образ. На многу обожаватели ова им е чудно бидејќи претходно папараците често го снимаа парот како јавно разменува нежности.
Исто така, тие не се држеа за раце како обично. И покрај очигледните заладени односи меѓу нив, Бен сепак беше кавалер, па по натпреварот Џеј Ло ја отвори вратата од автомобилот, а потоа заедно тргнаа.
На спортскиот настан беше присутна и поранешната сопруга на Афлек, Џенифер Гарнер.
Забава
(Видео) Доаѓа серија базирана на една од најпопуларните игри на денешницата
Не само што доаѓа филм за Minecraft следната година, туку сега е објавено дека се планира и анимирана серија базирана на видео играта.
Minecraft беше објавен пред 15 години, а стриминг сервисот реши да направи анимирана серија која ќе биде адаптација на оваа ултра популарна игра.
„Ова ќе биде оригинална приказна со нови ликови и ќе го прикаже светот на Minecraft во ново светло“, соопшти Нетфликс.
Не се објавени повеќе детали, а познато е и дека за продукцијата е задолжено студиото WildBrain кое стои зад адаптациите како Sonic Prima и Ninjago.
Нема ни точен датум кога анимираната серија на Minecraft би можела да ја види светлината на денот, но Нетфликс напиша дека „доаѓа наскоро“.