Економија
Зголемена потребата од осигурување на пазарот во Македонија
Околностите кои ја одбележаа изминатата година ја зголемуваат потребата за осигурување. Тоа го кажува анализата на бројките но и однесувањето на граѓаните, иако осигурителниот пазар во земјава минатата година забележа пад, што многу се должи на околности предизвикани од Ковид-19.
Агенцијата за супервизија на осигурување (АСО) објави дека граѓани, компании и институции лани купиле осигурителни полиси за животно и за неживотно осигурување во вкупна вредност од 163,7 милиони евра. Во вкупната продажба на осигурителни полиси, друштвата за неживотно осигурување имаат остварено бруто полисирана премија од 135,4 милиони евра, додека од продажбата на полиси за животно осигурување се реализирани 28,3 милиони евра.
И покрај намалувањето во целина на осигурувањето лани, кај одделни видови осигурување – пред сè кај доброволното здравствено осигурување забележан е пораст. Имено, бројот на лица кои купиле здравствено осигурување лани пораснал 5 пати во однос на претходната година, а во овој вид полиси граѓаните вложиле 4,45 милиони евра што е за 45 отсто повеќе од 2019 година. Дури 93 161 граѓани повеќе од претходната година лани одлучиле да купат полиси за здравствено осигурување. Влијание врз растот на продажбата на полисите за здравствено осигурување најмногу има понудата и добрите услови, така што компании како Кроациа која поседува најраспространета мрежа на приватни здравствени установи и како дел од групација, уверува со долгогодишно искуство и знаење во осигурителниот бизнис. Но, исто така и добрите корпоративни практики на сè повеќе фирми кои купуваат полиси за здравствено осигурување за своите вработени.
Намалување на обемот на осигурување е забележан и во повеќето земји од Централна и Источна Европа. Всушност, освен во Словенија, Србија и Летонија кај кои е забележан мал раст, кај сите останати земји има пад. Според интернет страницата Xprimm.com која го следи осигурувањето и во овој регион, растот во Словенија, на пример, се должи на земјотресот во соседна Хрватска кој ги охрабри луѓето да размислат за овој вид осигурување, како и на извонредниот раст на здравственото осигурување. Земјотресите кои ја погодија Хрватска влијаеа и на раст од над 30%, на овој вид осигурување во земјата, а поради пандемијата бил забележан и раст и на дополнителното здравствено осигурување.
Во наредниот период се очекува осигурувањето да расте поради зголемување на свесноста на граѓаните за потребата од осигурување на најважното – животот, здравјето и имотот. Кроациа осигурување живот има создадено повеќе типови производи за животно осигурување, а најзастапени се производите во кои основата е штедењето, како дополнителна вредност на полисата за осигурување на живот, а уште оттаму велат дека се почесто се барани UNIТ Link производите кои вклучуваат осигурување на животот и инвестирање во инвестициски фонд, како можност за остварување повисоки потенцијални приноси. Исто така, едно од најпопуларните осигурувања, здравственото, кај Кроациа е застапено со CROCARE и CROCARE+, што овозможува користење услуги директно во приватните ординации и болници, без претходна посета на матичен лекар и без никаква заедничка релација со основното државно здравствено осигурување, а склучувањето на овој вид осигурување може да биде во индивидуална или семејна форма, зависно од тоа
дали осигуреникот настапува како единка или пак заедно со целото семејство. Додека пак домаќинското осигурување во Кроациа неживот е застапено во повеќе понуди, а пакетот може да покрива ризици од пожар, удар од гром, експлозија, град, излевање вода, удар на сопствено моторно возило во осигурени предмети, кражба, поплава, снежна лавина, лизгање и одронување, вандализам, кршење стакла за застаклени балкони, кршење санитарии, трошоци за принудна селидба, трошоци за изработка на уништени документи и слично.
Осигурувањето е обезбедување сигурност и заштитување за себе, за своето семејство, здравјето, покривот над главата и сето она што нù значи, сега во моментов но и понатаму. Неизвесноста на животните прилики ја зголемуваат потребата од секаков вид осигурување, и затоа е добро сите непредвидени ситуации да ги дочекаме подготвени.
(ПР)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
МФ: Јавниот долг на крајот на првиот квартал 58,6% од БДП
Министерството за финансии денеска ги објави податоците за состојбата на јавниот долг заклучно со 31 март 2024 година. Согласно објавените податоци јавниот долг изнесува 8.769 милиони евра што претставува 58,6% од БДП.
„Во првиот квартал се издадени државни хартии од вредност во износ од 219,2 милиони евра, повлечени се средства во износ од 175,5 милион евра по основ на склучени кредитни аранжмани со странски кредитори, како што е повлекувањето на втората транша од ММФ од кредитната линија за претпазливост и ликвидност и 57,6 милиони евра по основ заеми за јавни претпријатија и АД основани од државата и општините, општините во градот Скопје и Градот Скопје. При тоа извршена е и исплата на обврски по основ на главнина за надворешен долг во износ од 82,7 милиони евра“, соопшти МФ.
„Министерството за финансии ја објавува состојбата на јавниот долг на квартално ниво, а при пресметката на јавениот долг во однос на БДП се користени податоци за вредноста на БДП за период 2005 – 2024 година, за 2022 година користен е податок за вредност на БДП објавен на веб страната на Државниот завод за статистика, додека податоците за 2023 се прелиминарни податоци на Државниот завод за статистика, а 2024 година е проектирана вредност на БДП на Министерство за финансии.
Исто така, денеска согласно утврдената динамика, Министерството за финансии ги објави податоците за состојбата на државниот долг кој заклучно со 31 март 2024 година изнесува 7.544 милиони евра што претставува 50,4% од БДП. Состојбата на државниот долг се објавува на месечно ниво.
Министерството за финансии транспарентно ги објавува овие податоци на својата веб-страница. Последниот податок укажува дека јавниот долг е во дефинираните граници со новиот Закон за буџети. Со новиот Закон за буџети е воспоставено правило со кое јавниот долг не треба да надминува 60% од БДП, што е согласно и со Мастришките критериуми. Министерството за финансии останува на определбата за одржување на јавниот долг на стабилно ниво и во рамки на утврдените критериуми“, се додава во соопштението на МФ.
Економија
Забележителен раст на приходите, инвестициите и добивката на Реплек во првиот квартал од 2024 година
Со раст на оперативните приходи од 25%, на обемот на инвестиции и на добивката во првото тримесечје споредено со истиот период минатата година, „Реплек АД“ продолжи со успех да го реализира бизнис планот за 2024 година и својата долгорочна развојна стратегија која се темели на зголемување на продажбата на странските и на домашниот пазар, на иновациите во портфолиото на производи, како и на значителни вложувања во технолошкиот напредок и во развојот и добросостојбата на своите вработени.
Неревидираниот консолидиран финансиски извештај за работењето на Реплек АД во првиот квартал од 2024 година покажува дека во секторот фармација компанијата остварила раст на приходите од 26,9% во однос на истиот период минатата година. Во најголем дел ваквиот раст се должи на растот на приходите од продажба на странските пазари, каде се генерираат дури 80 % од вкупните приходи и кои во овој временски период се зголемени за 23 %, надминувајќи вредност од над пет (5) милиони евра. Позитивно влијание на ваквиот раст на приходите од извоз има отворањето на новиот пазар за производите на „Реплек АД“ во Туркменистан, што се очекува да придонесе за натамошно зголемување на извозните перформанси и резултати на компанијата.
Истовремено со растот на извозот, „Реплек АД“ продолжи да ја јакне и својата позиција на домашниот пазар, каде во Q1 2024 е остварен раст на приходите од продажба од 50 %, во споредба со истиот период лани.
Значителен раст во овој период од годината е забележан и кај инвестициите кои се зголемени приближно за пет и пол пати во однос на првите три месеци од 2023 година.
„Позитивните резултати на стартот на оваа година ни влеваат дополнителна енергија и мотив да продолжиме уште посилно во остварување на целите дефинирани во деловниот план за оваа година и во нашата стратегија за долгорочен одржлив развој. Остануваме посветени на инвестирањето во натамошна технолошка модернизација, како и на иновациите кои треба дополнително да збогатат нашето портфолио на производи, коишто веруваме дека ќе ни овозможат натамошно зајакнување на нашите позиции на домашниот пазар и ќе ни отворат нови можности и перспективи на странските пазари. Паралелно продолжуваме и со вложувањата кои треба да ја гарантираат натамошната добросостојба на нашите вработени. Веруваме дека ваквите напори ќе вродат со плод, ќе придонесат за натамошен раст на компанијата и ќе донесат дополнителна вредност за сите“, изјави главниот извршен директор на „Реплек АД“, Душан Пецовски.
Инаку, растот на приходите од продажба се одрази и на растот на консолидираната добивка пред оданочување на „Реплек АД“, која за првите три месеци од оваа година бележи зголемување за 24 % во однос на истиот период од минатата година.
(ПР текст)
Економија
Финансии побара до крајот на денов да се стави во мирување поскапувањето на осигурувањето на автомобилите при регистрација
Комисијата за осигурување од автомобилска одговорност на денешната седница го разгледа доставениот извештај од Националното биро за осигурување поврзано со зголемените цени по основ на премија за вршење на дејноста на осигурување.
На состанокот Комисијата му укажа на Националното биро за осигурување и на регулаторот Агенцијата за супервизија на осигурувањето во текот на денешниот ден да им предложи на друштвата за осигурување до крајот на денешниот ден да ги стават во мирување одлуките за зголемување на трошоците и да ги вратат на ниво од пред 25 април 2024 година и да ја известат Комисијата во текот на денешниот ден. Ваквото укажување е со цел обезбедување транспарентност и предвидливост на процесите, имајќи предвид дека компаниите ниту поединечно, ниту преку Националното биро за осигурување го немаат известено регулаторот, односно Агенцијата за супервизија на осигурувањето ниту Комисијата дека планираат да ги зголемат трошоците по основ на премијата за вршење на дејноста на осигурување, и на тој начин не е обезбеден инклузивен пристап и кооперативност со сите засегнатите страни при донесување на одлуките.
Комисијата за осигурување од автомобилска одговорност на денешната седница побара од регулаторот, односно Агенцијата за супервизија на осигурувањето, да изготви анализа за оправданоста и исправноста на донесените одлуки од страна на друштвата за осигурување, во насока на заштита на крајните корисници, а со цел обезбедување сеопфатна информација за донесување објективна и транспарентна одлука. Во правец на ова е укажувањето кон регулаторот за ставање во мирување на одлуката за зголемување на цената на трошоците од страна на друштвата за осигурување. Истовремено, побара од друштвата за осигурување преку Националното биро да дадат свој придонес во изготвување на анализата и предлог-заклучоци за промена на Тарифата на премии за осигурување на сопствениците на моторни возила од одговорност за штети предизвикани на трети лица.
На состанокот, Комисијата одлучи во најскоро време по доставување на анализата од регулаторот, односно Агенцијата за супервизија на осигурувањето, да свика седница и да ја разгледа доставената Информација и да донесе соодветни заклучоци.