Забава
(Видео) „Пријатели“ повторно заедно како семејство, вели Џенифер Анистон

Џои ќе отвореше сендвичарница, Моника ќе се обидуваше да ги надмине другите мајки во продавање печива, а Рејчел ќе започнаше сопствена линија за облека.
Тоа е она што ѕвездите на „Пријатели“ замислуваат дека нивните ликови би го правеле 17 години по завршувањето на хит-серијата комедија во 2004 година.
Во пресрет на еднократната специјална средба што ќе се емитува следната недела, Џенифер Анистон, Лиза Кудроу, Кортни Кокс, Дејвид Швимер, Мет Лебланк и Метју Пери разговараа со магазинот „Пипл“ за повторната дружба и нивните спомени од серијата.
„Јас секогаш чувствувам како Моника да прави нешто конкурентно со другите мајки и се обидува да ги надмине. Без разлика дали тоа е продажба на печива на училиште или нешто друго. Мислам, таа ќе беше многу досадна и ќе беше на чело на PTA или нешто слично “, изјави Кокс за „Пипл “.
„Џои ќе отвореше синџир продавници за сендвичи“, рече Лебланк.
„И ќе ги изедеше сите сендвичи“, се пошегува Пери.
„Пријатели “, приказната за шест млади луѓе од Њујорк, беше една од најпопуларните ТВ-емисии во 90-тите години на минатиот век и повторно заживеа на стриминг-платформите каде што е една од најгледаните серии ширум светот.
Нивната средба без претходно напишано сценарио ќе се емитува на „Ејч-би-о макс“ на 27 мај со неколку славни гости меѓу кои Лејди Гага и Џастин Бибер и актери кои играа споредни улоги во „Пријатели“ како Џенис, Ричард и Гинтер.
Џенифер Анистон рече дека повторната средба таа ја доживува како семејство. „Јас немам сестри. Претпоставувам дека така изгледаат сестри”.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
„Некогаш најубавата, сега кожа и коски“: што се случи со фаталната русокоса?

Контроверзната актерка Кејт Бекинсејл сè повеќе ги загрижува обожавателите ширум светот за својот изглед. Таа ослабела многу и се чини дека нема намера да престане.
Славната убавица често е во центарот на вниманието поради своите модни изданија, отсекогаш важела за една од најстилските жени во Холивуд, но сега поминува низ поинаква фаза од својот живот.
Таа неодамна објави фотографии во бикини, кои брзо ги избриша кога виде негативни коментари.
Kate Beckinsale attributes drastic weight loss to ‘deeply painful’ situation: ‘The body keeps the score’ https://t.co/G0H5UTPnwl pic.twitter.com/y8sHlVhgRP
— Page Six (@PageSix) July 2, 2025
„Драга, искрено мислам дека имаш проблем. Не изгледаш добро, навистина мислам дека ти треба помош“, беше еден од коментарите што очигледно ја погоди Кејт.
Сепак, таа одговори на коментарот, како што објави Пејџ Сикс.
„Да, ми треба. Минувам низ најболниот период од мојот живот. Телото памти сè“, напиша актерката.
„Некогаш најубава, сега кожа и коски“, беше уште еден суров коментар.
Кејт Бекинсејл минатата година беше хоспитализирана поради мистериозна болест, а потоа тврдеше дека изгубила поголем дел од тежината поради стресниот период низ кој поминала кога починал нејзиниот очув, а потоа се разболела и нејзината мајка.
Забава
Свадбата на векот е под критика: „Одвратен приказ на ароганција“, „Симбол на изгубени вредности“

Полека, но сигурно, сè повеќе познати личности (оние кои не добија покани за свадба) ја критикуваат свадбената церемонија на Џеф Безос и Лорен Санчез.
Прво, познатата актерка Шарлиз Терон го направи тоа, а комичарката Роузи О’Донел не ја пропушти можноста да го искаже своето мислење за свадбата на векот.
Таа јавно ја осуди целата церемонија, нарекувајќи го настанот „одвратен приказ на ароганција“ и „симбол на изгубени вредности“.
„Милијардер кој ги презира своите вработени. Свадба за повраќање“, напиша таа на Инстаграм, покрај фотографии од Санчез кои алудираат на естетските операции што ги имала низ годините.
„Екстремно расипништво – свадба од 50 милиони во време кога многумина едвај преживуваат“, додаде Роузи.
Роузи не ги поштеди ниту познатите ѕвезди. Опра Винфри и Леонардо Дикаприо беа мета на нејзините критики.
„Опра, дали си навистина негов пријател? Лео – климатски активист? На забава со најекстремните конзумеристи“, напиша таа.
Забава
(Видео) Раскинувањето на свршувачката ѝ го скрши срцето, па заплака среде концерт

Кејти Пери веќе некое време е во Австралија, а причината е музичката турнеја „Lifetimes“, која враќа спомени од славните денови на саканата тинејџерка пејачка.
Додека пееше пред голема толпа и под силните светла на рефлекторите, емотивниот слом на Кејти се случи одеднаш.
Имено, пред да требаше да ја отпее познатата песна „Firework“, која зборува за самодовербата и личната сила, Кејти се расплака.
Сепак, таа успеа да им се заблагодари на сите што „секогаш беа тука за неа“, дури и во тешките денови, низ солзи.
„Ви благодарам што секогаш сте тука за мене, Австралија. Тоа ми значи сè на светот.“
Katy Perry got emotional at the end of the last show of #THELIFETIMESTOUR in Australia 🥺♥️ pic.twitter.com/N78X37wBld
— Katy Perry Tours (@KatyPerryTours) July 1, 2025
Овој емотивен момент беше забележан од многу обожаватели и објавен на социјалните мрежи, а пораки за поддршка за пејачката се појавија на Икс.
Патем, настапот доаѓа само неколку недели по веста дека нејзиниот долгогодишен партнер, актерот Орландо Блум (48), и таа ја раскинале свршувачката по речиси 10 години.
Актерот неодамна беше фотографиран во Венеција, во друштво на жена, што доведе до тоа многумина да започнат гласини за неговата нова љубовна врска.
Поранешните партнери имаат четиригодишна ќерка, Дејзи.