Македонија
Керим, Божиновска и Ружин дел од советничкиот тим на Османи
Составот на новоформираниот Стратешки совет за надворешна политика на Министерството за надворешни работи што денеска беше промовиран произлегува од академската заедница, дипломатијата, безбедноста, бизнис-заедницата, невладини организации и други сектори во државата.
Министерот за надворешни работи Бујар Османи да партиципираат во изработката на Стратегијата за надворешната политика, „Рефлексија 2030“, доверба им даде на универзитетските професори: Нано Ружин, Марјан Ѓуровски, Сашо Георгиевски, Абдулменаф Беџети, академик Луан Старова, Ризван Сулејмани. Бизнис заедницата е претставена од Живко Мукаетов, генерален директор на фармацевската компанија „Алкалоид“, Лазим Дестани, Ајдован Адемовски.
Во тимот се и поранешните министри за надворешни работи Денко Малески и Срѓан Керим, како и Лазар Еленовски, кој беше министер за одбрана. Свое место во тимот имаат и дипломатите Мухамед Халили и Виктор Габер, како и Драган Тилев експерт за европски прашања, Тони Поповски експерт за екологија.
Од невладиниот сектор во стратешкиот совет се Гордан Горѓиев, Марко Трошановски, Симонида Кацарска, Андреја Стојковски. Меѓу другите во советот ќе партиципираат и Ивана Туфегчиќ, Арбен Раткоцери, Ѓакуш Кабаши, Ана Крстиновска, Ардита Абази-Имери, Валентина Божиновска.
„Ова ќе биде советодавно тело на Министерството за надворешни работи. Се работи за квалитетни луѓе, добри познавачи на надворешната политика. При изборот внимавав да добиеме широка експертиза, да бидат лица кои се ослободени од притисокот на дневната политика. Спремен сум да ги вкрстиме различните ставови за да изградиме заеднички став”, рече министерот Бујар Османи на прес-конференцијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.