Регион
Вучиќ на средба со Радев: „Бугарите ги сметаме за браќа“
Кога и некој да се обиде да подигне тензии помеѓу нас, од Белград ќе добие одговор дека Бугарите ги сметаме за браќа, изјави српскиот претседател, Александар Вучиќ, кој денеска го пречека бугарскиот претседател, Румен Радев.
Вучиќ оцени дека односите меѓу Србија и Бугарија се многу добри.
„Ние негуваме искрени пријателски односи со Бугарија и бугарскиот народ“, изјави Вучиќ.
View this post on Instagram
Двајцата претседатели истакнаа дека разговарале за учебниците на бугарски јазик во деловите со бугарско малцинство во Србија, историските прашања, но и за економијата, вработувањето и носењето инвестиции.
„Најголем број барања од бугарското малцинство се за информации на мајчин јазик и развој на нови учебници, а Србија е подготвена да го обезбеди тоа, со техничка помош на Бугарија“, изјави Вучиќ.
Радев истакна дека Бугарија гради заеднички европски пат со Србија, коментирајќи дека претседателот Вучиќ исполнил сè што ветил кога станува збор за договореното и за правата на бугарското национално малцинство во Србија.
Двајцата свечено открија споменик на словенските просветители Свети Кирил И Методиј, во дворот на средното училиште во Димитровгард, што го носи нивното име.
View this post on Instagram
„За нас е важно да гледаме во иднината, да ја градиме иднината. Бугарскиот народ секогаш ќе има пријател во Србија, некој што ќе биде подготвен да разговара за проблемите на братски начин, затоа што ние ја имаме истата вера, а имавме многу проблеми во минатото за да си дозволиме да имаме проблеми во иднината. Ние сакаме да им помогнеме на Димитровград и Босилеград, но и на секој друг дел на Србија, како и на сите места каде живеат Бугари во Србија. Ќе дадеме се од себе да донесеме инвеститори во овие делови“, рече Вучиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ужас во Загреб: пронајдено тело во автомобил во одводен канал
Граѓани попладнево во одводен канал во Загреб пронашле возило со тело на непознато лице, соопшти полицијата.
Повикот во полиција стигнал нешто по 13 часот.
Полицијата набрзо пристигнала на локацијата меѓу Антуновац и Тења и потврдила дека лицето во возилото починало, пишува Вечерњи лист.
Истрагата е во тек.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.