Свет
Израелски весник на насловната страница објави фотографии од палестински деца убиени во конфликтот
На насловната страница на израелскиот дневен весник „Хаарец“ беа објавени фотографии од 67 палестински деца и тинејџери што ги загубија своите животи во последните судири меѓу Израел и Појасот Газа.
„Ова е цената на војната“, стои на насловната страница на весникот заедно со портретите на убиените.
Haaretz front page today on the 67 children killed in Gaza. “This is the price of war.” But in fact, it’s the price of Israels continued military rule, dispossession, discrimination and violence. pic.twitter.com/8Ap1Ox6Je0
— Mairav Zonszein מרב זונשיין (@MairavZ) May 27, 2021
Дневниот весник, најстариот во Израел, во соработка со „Њујорк тајмс“, објави фотографии, година и приказни за жртвите на возраст од шест месеци до 17 години.
Вкупно 254 Палестинци се убиени во израелското бомбардирање, според Министерството за здравство на Газа, а една четвртина од загинатите се деца, пренесува порталот „Индекс“.
„Хаарец“ ги објави приказните за убиените помалку од една недела по стапувањето во сила на прекинот на огнот ставајќи крај на последната ескалација на палестинско-израелскиот конфликт во време кога Израел е во политичка криза поради четвртиот неуспешен обид на премиерот Бенјамин Нетанјаху да формира влада за две години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Почна европска истрага против Фејсбук и Инстаграм
Европската Комисија покрена истрага против социјалните мрежи Фејсбук и Инстаграм, во сопственост на технолошкиот гигант Мета, поради сомнежи дека не ги почитуваат своите обврски во борбата против дезинформациите. Овие обврски произлегуваат од Законот за дигитални услуги.
„Оваа Комисија создаде средства за заштита на европските граѓани од насочени дезинформации и манипулации од трети земји и ако се сомневаме дека има прекршување на правилата, ние постапуваме“, рече претседателката на Европската комисија Урсула фон дер Лајен.
Таа додаде дека борбата против дезинформациите е особено важна за време на изборната кампања.
Комисијата ќе ја фокусира својата истрага на сомневањата дека Мета не ги исполнува своите обврски според Законот за дигитални услуги поврзани со ширење на погрешни реклами, кампањи за дезинформации и координирано лажно однесување во ЕУ.
Свет
Астра Зенека призна дека нејзината вакцина против Ковид-19 може да предизвика несакани ефекти
Фармацевтската компанија Астра Зенека во судски документ призна дека нејзината вакцина против Ковид-19 може да предизвика ретки несакани ефекти, вклучувајќи згрутчување на крвта и низок број на црвени крвни зрнца.
Во Велика Британија е покрената колективна акција против Астра Зенека, која тврди дека употребата на вакцината CoviShield довела до смрт и сериозни штети и бара отштета до 100 милиони фунти за 50 жртви, објави „Индепендент“.
Една од тужителите тврди дека вакцината и предизвикала трајно оштетување на мозокот и дека згрутчувањето ја оставило неспособна да работи.
Свет
Ерупција на вулканот Руанг во Индонезија:, евакуирани повеќе од 12.000 луѓе
Во Индонезија се евакуирани 12.000 луѓе кои живеат во близина на островот Сулавеси, каде што еруптираше вулканот Руанг, за што Центарот за вулканологија и проценка на геолошки ризик прогласи највисоко, четврто ниво на тревога.
Жителите на островот се преместени во градот Манадо, а Центарот ги предупреди граѓаните на соседниот остров Тагуланданг дека постои опасност од цунами поради паѓање на материјал од вулканот во океанот, пренесува Ројтерс.
Се проценува дека чадот над вулканот достигнал висина од пет километри, поради што биле евакуирани жителите во радиус од седум километри.