Македонија
Стојаноски: Зошто Вице Заев е забранета категорија за институциите?
Зошто Вице Заев е забранета категорија за институциите господине Љупчо Николовски, праша на денешната седница за пратенички прашања пратеникот од редовите на ВМРО-ДПМНЕ, Бојан Стојаноски.
Во текот на вчерашниот ден, посочи Стојаноски, бевме сведоци на една нова афера, по признание на сопственици на компанијата „Рубитон” дека за да продолжат да работат во РЕК Битола требало да дадат мито од 250 илјади евра на лицето Вице Заев, кој по некоја случајност е брат на премиерот Зоран Заев.
„Целата ситуација и текот на настаните е опишан во пријавата на сопствениците на компанијата, кои ја поднеле до МВР. Во документот јасно стои како била постапката, кој го повикал, кој му се јавил на ‘Вибер’, кој ќе дошол во Битола, точен датум, точно време, точна локација и точна цифра. За по некое време таа изјава да биде променета. Идентична прва страна, а променет записник. Ги поседувам документите и после говорот ќе ви ги предадам на Вас господине Николовски“, изјави од говорницата Стојаноски.
Toj го праша вицепремиерот дали ќе го повика Обвинителството да постапи и да отвори истрага.
„Дали ОЈО ќе ги одземе мобилните телефони и ќе ги провери? Ви давам два записник и Вие слободно однесете ги во Обвинителството. И на крајот, дали некој ќе одговара за фалсификување на овој очигледен записник“, запраша Стојаноски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Кадровски промени на Водно, правникот Божинов и новинарот Момировски ќе раководат со претседателскиот кабинет
Претседателката на Македонија Гордана Сиљановска Давкова за генерален секретар на својот кабинет го именувала Ѓорѓи Божинов, пратник кој работел во Министерството за земјоделство, а за негов заменик новинарот Горан Момировски.
Од функциите се разрешени генералниот секретар Миле Бошњаковски и неговите заменици Билјана Радева и Тоше Зафиров, кои беа ангажирани во мандатот на доскорешниот претседател Стево Пендаровски.
Генералниот секретар Ѓорги Божинов е дипломиран правник со речиси тридецениско работно искуство во областа на правото во земјоделскиот сектор, законодавната и институционалната рамка, процесите на јавни набавки, корпоративно советување, програмите за финансиска поддршка, државна помош, како и примена и хармонизација на легислативата на Европската Унија во овие области.
Претходно, Божинов својата кариера во областа на правото ја остварува на раководни административни позиции во Министерството за земјоделство, шумарство и водостопанство.
Македонија
Вработена во МВР наплатувала по 15.000 евра за лажно посредување за социјален стан
Основното јавно обвинителство Скопје донесе Наредба за спроведување истражна постапка против 41-годишна вработена како аналитичар во СВР Скопје која е осомничена за продолжено кривично дело измама според член 247 став 4 во врска со став 1 од Кривичниот законик.
Од април 2023, искористувајќи ист траен однос и исти прилики, осомничената довела во заблуда три лица, на кои лажно им се претставила како началник во полициска станица Гази Баба и член на Комисија за доделување социјални станови.
На трите оштетени невработени лица им ветувала дека ќе им посредува да добијат социјални станови во Лисиче по цена пониска од реалната, наведувајќи ги да и исплатат по 12.000 евра за стан и 3.000 евра за посредување и изготвување документација.
Парите и ги давале во повеќе наврати, а при последната исплата на 12.500 евра, во близина на полициската станица, била затекната веднаш по предавањето на парите.
Јавниот обвинител до судијата на претходна постапка достави предлог за определување мерки на претпазливост – забрана за напуштање живеалиште, обврска повремено да се јавува кај службено лице во судот и одземање на патната исправа.
Македонија
Отфрлени се тужбите на „Европскиот фронт“ од Уставниот суд, ќе има прегласување
До доцна во ноќта Уставниот суд расправаше по тужбите на одлуките на Државната изборна комисија – ДИК за неколку избирачки места поднесени од коалицијата „Европски фронт“. Од судот соопштија за шест одлуки според кои тужбите се отфрлени како неосновани, а тоа значи, согласно одлуките на ДИК, дека ќе има прегласување на конкретни избирачки места.
„Европскиот фронт“ имаше поднесено седум тужби на одлуките на ДИК, а Управниот суд беше ограничен со роковите за нивно решавање.
Со одлуките на Управниот суд се потврдуваат решенијата на ДИК за прегласување во шест избирачки места во петтата изборна единица и едно во шестата изборна единица.
Според Изборниот законик, доколку одлуката за прегласување на едно избирачко место може да влијае на конечните резулатите од изборите, ДИК ќе организира повторно гласање 14 дена од одржувањето на изборите, односно на 22 мај.