Свет
Опозициска организација је прекинува работата во Русија, стравуваат од апсења и прогон
Отворена Русија, опозициска група поврзана со поранешниот нафтен магнат и критичар на Кремљ во егзил, Михаил Ходорковски, денеска објави дека ги прекинува активностите во Русија за да ги заштити своите членови и да спречи нивно апсење.
Критичарите тврдат дека руските власти ги потиснуваат активистите против Кремљ пред парламентарните избори во септември. Отворена Русија објасни дека нејзината одлука се заснова на нацрт-законот со кој му се заканува затвор на секој што соработува со „непожелни“ групи.
„Го правиме ова за да избегнеме казнен прогон“, рече Андреј Пивоваров, извршен директор на Отворена Русија.
„Не ни требаат нови кривични случаи против нашите приврзаници“, додава тој.
Русија ја прогласи Отворена Русија, со седиште во Лондон, за непожелна во 2017 година, забранувајќи го нејзиното делување. Нејзините сојузници во Русија продолжија со активизмот под истото име, но како посебно правно лице за да се заштитат од гонење.
Групата Отворена Русија, која го обвинува Кремљ дека го користи законот за чистење на политичката арена од вистинските политички противници, е една од 30-те организации што Москва ги прогласи за непожелни и забранети со закон од 2015 година.
Портпаролот на Кремљ, Дмитриј Песков, одговори на обвинувањата и рече дека руската политика е богата и комплексна.
„Заминувањето (на политичка група) не значи чистење на политичката арена”, рече Песков пред новинарите.
Претходно во мај, долниот дом на рускиот парламент усвои нацрт-закон со кој ќе се зголеми кривичната одговорност за сите што соработуваат со такви организации, без оглед дали се во Русија или во странство.
Нацртот предвидува казна затвор до четири години во таков случај. Законот треба да помине низ уште две читања, да добие зелено светло од горниот дом и да биде потпишан од претседателот Владимир Путин пред официјално да стапи на сила.
Русија веќе уапси активисти поврзани со Отворена Русија. Во февруари, рускиот суд осуди активистка против Кремљ на условна казна затвор од четири години, откако беше осудена за дејствување во име на Отворена Русија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.