Економија
Македонската PR-агенција IDEA LAB му се приклучи на PROI Worldwide

IDEA LAB од Скопје, Македонија, е избрана за партнерство во PROI Worldwide, водечки глобален конзорциум на претприемачки агенции за комуникации со партнери во 55 земји.
„Споделување на знаење и искуство со други сопственици на топ независни агенции е важна професионална и развојна иницијатива за IDEA LAB,“ изјави Димитар Атанасовски, Сопственик и Маркетинг Директор на агенцијата. „Навикнати сме да соработуваме со агенции на проекти низ Балканскиот регион и ориентирани сме кон вмрежување и проширување на нашиот опсег на поголемо ниво со помош на PROI Partners.“
Циро Диас Реис, Претседател на глобално ниво на PROI Worldwide и Директор на водечката бразилска агенција, Imagem Corporativa, изјави „Според нивната одлична соработка со други PROI агенции, навистина сме среќни да ги додадеме IDEA LAB во нашата група на водечки претприемачки комуникациски компании. Нивниот креативен пристап и став кон услугите за клиентите и развојот на бизнисот, совршено се вклопуваат во давање поддршка на нашите Партнери во регионот.“
„Секогаш се трудиме да ги збогатиме нашите кампањи со дополнителна вредност,“ изјави Ема Анчевска, Сопственик и Тим Директор на IDEA LAB. „Овој начин на размислување го демонстрира креативниот труд што секој од нашиот тим го покажува преку својата работа.“
IDEA LAB е основана во 2013 година и е во сопственост на двајца лидери на агенцијата, Димитар Атанасовски и Ема Анчевска. Имаат создадено силна репутација за креирање и поддршка на проекти и кампањи за PR, организација на настани, видео продукција и социјални медиуми, за клиенти со програми за потрошувачки производи, здравствена заштита и владини програми. ИДЕА ЛАБ е единствена PR и маркетинг агенција од Македонија која што е членка на оваа престижна организација.
PROI Worldwide опфаќа повеќе од 80 бизниси за односи со јавност и комуникации во 165 градови и 55 земји. Како што вели Реис, индивидуално, тие се докажани лидери во своите домашни пазари. Колективно, PROI партнерите претставуваат повеќе од 913 милиони американски долари во приходи и 6,900 вработени. Илјадници клиенти, вклучувајќи десетици од Fortune 500 компаниите, им веруваат на PROI партнерите во една или повеќе земји и региони низ светот.
За IDEA LAB
IDEA LAB е македонска PR и маркетинг агенција со седиште во Скопје. Основана во 2013 од двајца ко-основачи, IDEA LAB има развиено широка мрежа на портфолио од клиенти и позитивни референци, — доказ за уникатниот пристап за квалитет на компанијата. Визијата на агенцијата е едноставна — нема нешто што не може да се направи. Тимот се залага за креативност и иновативни комуникациски стратегии, кои веќе се препознатливи на локалниот и регионален пазар. Со целење кон раст, компанијата продолжува да успева во привлекување на нови клиенти со трансформативни идеи. Мотивирани од вложување труд, желбата да се направи разлика, константно подобрување на креативните и комуникациски вештини, дневната навика за пронаоѓање инспирација од глобалните PR и маркетинг трендови, е точниот минимум што ја движи IDEA LAB напред.
За PROI Worldwide
PROI Worldwide ја користи колективната моќ на најамбициозните претприемачки комуникациски компании во светот. Со споделување на глобален увид и најдобри практики, PROI агенциите се најдобрите трендсетери на пазарот, поддржувајќи ја желбата да се испорачаат највлијателните комуникациски кампањи за своите клиенти. Во 2020 година, PROI опфати 80 партнери со 6,900 вработени во над 165 градови и 55 земји. Со комбиниран приход од над 913 милиони американски долари, PROI се рангираше 5. меѓу консолидирани комуникациски групации, а беше и единствената која што е базирана на уникатно партнерство со независни бизнис индивидуи.
(ПР текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Фотографскиот гигант Кодак, стар 133 години, пред банкрот

Поранешниот фотографски гигант Eastman Kodak, компанија со традиција од 133 години, ги предупреди инвеститорите дека е во опасност од банкрот.
Во својот извештај за заработка, Кодак соопшти дека нема „обезбедено финансирање или достапна ликвидност“ за да отплати долг од приближно 500 милиони долари, пишува CNN.
„Овие услови фрлаат значителен сомнеж врз способноста на компанијата да продолжи како континуирана компанија“, се наведува во документот на Кодак.
Компанијата се обидува да собере пари со суспендирање на плаќањата во својот пензиски фонд.
И покрај мрачните прогнози, извршниот директор Џим Континенца тврди дека компанијата постигнала напредок.
„Во вториот квартал, Кодак продолжи да постигнува напредок во однос на нашиот долгорочен план и покрај предизвиците на неизвесната деловна средина“, рече тој.
Портпаролот на компанијата додаде за CNN дека тие се „уверени дека ќе можат да отплатат значителен дел од нивниот долгорочен заем многу пред рокот на достасување и да го модифицираат, продолжат или рефинансираат преостанатиот долг и/или обврските за преференцијални акции“.
Веста силно одекна на пазарот, а акциите на Eastman Kodak (KODK) паднаа за повеќе од 25 проценти во вторникот.
Компанијата Eastman Kodak е основана во 1892 година, но нејзините корени датираат од 1879 година, кога основачот Џорџ Истман патентирал машина за обложување плочи. Тој го продал првиот фотоапарат на Кодак во 1888 година за 25 долари.
Во тоа време, фотографијата била резервирана за малкумина поради нејзините технички барања, но фотоапаратот на Кодак бил дизајниран да ја доближи до масите. Истман, исто така, го создал легендарниот слоган: „Вие го притискате копчето, ние го правиме останатото“.
Самото име Кодак нема никакво значење. Според компанијата, Истман го измислил затоа што му се допаѓала буквата К. „Буквата „K“ ми беше омилена – се чувствува како силна, моќна буква“, објасни тој.
Кодак доминираше на пазарот со децении. Во текот на 1970-тите, според Economist, тие држеа 90 проценти од продажбата на филмови и 85 проценти од продажбата на фотоапарати во САД, а хит-песната на Пол Сајмон „Kodachrome“ беше на врвот на листата во 1973 година. Иронично, падот беше потпомогнат од технологијата што самите ја измислија – првиот дигитален фотоапарат, воведен уште во 1975 година.
Компанијата не успеа да се прилагоди на дигиталната ера и поднесе барање за банкрот во 2012 година, со долгови од 6,75 милијарди долари кон 100.000 доверители. Краткорочно закрепнување се случи во 2020 година, кога американската влада ги ангажираше да произведуваат фармацевтски состојки. Цената на акциите потоа скокна толку многу што тргувањето беше запрено дури 20 пати во еден ден.
Иако повторно се соочува со загуби, Кодак објави планови за проширување на фармацевтскиот дел од својот бизнис. Компанијата продолжува да произведува филмови и хемикалии за други компании, вклучително и филмската индустрија.
Фото: принтскрин/инстаграм
Економија
Голем пад на „Тесла“ на два важни пазара, кинескиот бренд процвета

„Тесла“ регистрираше голем пад на продажбата на автомобили во Велика Британија и Германија минатиот месец, додека, пак, кинескиот BYD регистрираше историски раст на продажбата во двете земји.
Во Велика Британија, „Тесла“ продаде само 987 возила минатиот месец, што е пад од 59,9 проценти во споредба со јули 2024 година, според податоците од здружението SMMT.
Дополнително, во Германија, продажбата на возила на „Тесла“ во јули се намали за 55,1 процент на годишно ниво на 1.110 единици.
Вкупниот резултат на „Тесла“ во Германија за првите седум месеци од 2025 година е исто така слаб – продадени се само 10.000 возила, што е пад од дури 57,8 проценти на годишно ниво.
За разлика од „Тесла“, BYD продаде 3.184 возила во Велика Британија во јули, четири пати повеќе отколку во истиот месец минатата година, додека во Германија растот на продажбата беше речиси 390 проценти.
„Тесла“ се бори на европскиот пазар поради зголемената конкуренција од кинеските производители, но и поради политичките активности на извршниот директор Илон Маск.
Маск претходно во јули предупреди дека „Тесла“ може да очекува неколку тешки квартали поради новите царини и укинувањето на даночните олеснувања за електрични возила во Соединетите Американски Држави.
Економија
Министерството за финансии: Од денеска исплатите од буџетот транспарентно ќе се објвавуваат во посебна база за буџетски трошоци во изборен период

Министерството за финансии согласно одредбите од Изборниот законик од денеска на својата веб-страница ќе ги објавува буџетските исплати во посебна база за буџетски трошоци во изборен период.
Имено, согласно Изборниот законик Министерството за финансии од денот на донесување на Одлуката за распишување на изборите до нивното завршување има обврска во посебна база да ги објавува податоците за сите буџетски исплати, освен редовните за плати, пензии и комунални трошоци.
Исто така, Министерството за финансии две недели по распишување на изборите има обврска да поднесе и предизборен финансиски извештај во којшто ќе биде опфатен преглед на сите планирани и реализирани приходи и расходи од Буџетот по ставки, во периодот од почетокот на фискалната година до денот на поднесување на извештајот којшто се објавува на веб-страната на Министерството за финансии.
Претседателот на Африм Гаши, на 9 август 2025 година ги распиша локалните избори, коишто ќе се одржат на 19 октомври.